КР Министрлер Кабинетинин 2021-жылдын 15-ноябрындагы № 264 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН

ТОКТОМУ

2012-жылдын 9-октябры № 689

Кыргыз Республикасынын Өкмөтүнүн айрым чечимдерине өзгөртүүлөрдү жана

толуктоо киргизүү жөнүндө

Кыргыз Республикасынын жарандарын медициналык-санитардык жардам менен камсыз кылуу боюнча мамлекеттик кепилдиктер программасын натыйжалуу жүзөгө ашыруу жана Бирдиктүү төлөөчү системасында иштеген саламаттык сактоо уюмдары үчүн дары-дармек каражаттарын борбордоштурулган сатып алууларды уюштуруу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 22-августундагы № 473 "Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө" токтомуна төмөнкүдөй өзгөртүү киргизилсин:

аталган токтомго 1-тиркеменин "Штаттык бирдиктердин саны (техникалык жана тейлөөчү персоналдан тышкары)" графасында:

- 29-пунктта "182", "53" жана "129" сандары тиешелүү түрдө "198", "65" жана "133" сандарына алмаштырылсын.

2. Кыргыз Республикасынын Өкмөтүнүн 2012-жылдын 20-февралындагы № 133 "Кыргыз Республикасынын Өкмөтүнө караштуу Милдеттүү медициналык камсыздандыруу фонду жөнүндө" токтомуна төмөнкүдөй толуктоо киргизилсин:

жогоруда аталган токтом менен бекитилген Кыргыз Республикасынын Өкмөтүнө караштуу Милдеттүү медициналык камсыздандыруу фонду жөнүндө жободо

:

7-пунктунун 4-пунктчасы төмөнкүдөй мазмундагы алтынчы абзац менен толукталсын:

"- Бирдиктүү төлөөчү системасында иштеген саламаттык сактоо уюмдары үчүн, Бирдиктүү төлөөчү системасынын консолидацияланган бюджетинин эсебинен дары-дармек каражаттарын борбордоштурулган сатып алууларды жүргүзүү;".

3. Бул токтом расмий жарыяланган күндөн тартып күчүнө кирет.