КР Өкмөтүнүн 2018-жылдын 22-июнундагы № 298 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 2-ноябры № 693

Кыргыз Республикасынын Өкмөтүнүн айрым чечимдерине

өзгөртүү жана толуктоо киргизүү жөнүндө

Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2008-жылдын 2-октябрындагы № 551 "Кыргыз Республикасынын укук коргоо органдарынын республикалык бюджетке келтирилген зыяндын ордун толтуруу боюнча иштерине өбөлгө түзүү жөнүндө" токтомуна  төмөнкү өзгөртүү киргизилсин:

- 1-пункттагы "Мамлекеттик бажы комитетине" деген сөздөр "Өкмөтүнө караштуу Мамлекеттик бажы кызматына" деген сөздөргө алмаштырылсын.

2. Кыргыз Республикасынын Өкмөтүнүн 2010-жылдын 2-февралындагы № 56 "Кыргыз Республикасынын укук коргоо органдарынын жана аларга караштуу мекемелердин ишинин натыйжасында мамлекеттик бюджеттин кирешесин толтурууга алынган каражаттарды бөлүштүрүү боюнча нускаманы бекитүү жөнүндө" токтомуна төмөнкү толуктоо киргизилсин:

- аталган токтом менен бекитилген Кыргыз Республикасынын укук коргоо органдарынын жана аларга караштуу мекемелердин ишинин натыйжасында мамлекеттик бюджеттин кирешесин толтурууга алынган каражаттарды бөлүштүрүү боюнча нускамада:

2-пункттагы "Мамлекеттик финансылык полиция кызматы," деген сөздөрдөн кийин "Мамлекеттик бажы кызматы," деген сөздөр менен толукталсын.

3. Бул токтом Кыргыз Республикасынын Өкмөтүнүн 2010-жылдын 2-февралындагы № 56 "Кыргыз Республикасынын укук коргоо органдарынын жана аларга караштуу мекемелердин ишинин натыйжасында мамлекеттик бюджеттин кирешесин толтурууга алынган каражаттарды бөлүштүрүү боюнча нускаманы бекитүү жөнүндө" токтому күчүнө кирген күндөн тартып күчүнө кирет.