КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2015-жылдын 3-декабры № 826

Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө

Кыргыз Республикасынын Өкмөтүнүн чечимдерин "Банктык аманаттарды (депозиттерди) коргоо жөнүндө" Кыргыз Республикасынын Мыйзамына ылайык келтирүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2008-жылдын 11-декабрындагы № 687 "Депозиттерди коргоо фондусуна төгүмдөрдү эсептөө тартиби жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Депозиттерди коргоо фондусуна төгүмдөрдү эсептөө тартиби жөнүндө жободо:

- 2.14-пункттагы "банктын депозиттик базасын 1/360" деген сөздөр "банктын жалпы депозиттик базасын 1/360, жылдык 0,2 пайызына" деген сөздөр менен алмаштырылсын;

- 3.1- жана 3.2-пункттарындагы "Кыргыз Республикасынын Финансы министрлигинин алдындагы Депозиттерди коргоо боюнча агенттик" деген сөздөр тийиштүү жөндөмөлөрдөгү "Кыргыз Республикасынын Депозиттерди коргоо боюнча агенттиги" деген сөздөр менен алмаштырылсын;

- 3.5-пункт төмөнкүдөй редакцияда баяндалсын:

"3.5. Эгерде депозиттерди коргоо системасынын банк-катышуучусу депозиттерди коргоо системасына мүчөлүк акыны төлөбөсө же аны өз убагынан өткөрүп же болбосо толук эмес өлчөмдө төлөсө, ага "Банктык аманаттарды (депозиттерди) коргоо жөнүндө" Кыргыз Республикасынын Мыйзамынын 31-беренесинин 3-бөлүгүндө белгиленген жоопкерчилик чаралары колдонулат. Эгерде көрсөтүлгөн чаралар 6 айдын ичинде натыйжа бербесе, Агенттик банк-катышуучуга чара көрүү үчүн Кыргыз Республикасынын Улуттук банкына кайрылат.";

- жогоруда аталган Жобонун расмий тилдеги тиркемесинин үчүнчү абзацы төмөнкүдөй редакцияда баяндалсын:

"Взнос уплачивается на ежеквартальной основе, не позднее 15 числа месяца, следующего за расчетным периодом.".

3. Кыргыз Республикасынын Өкмөтүнүн 2010-жылдын 25-ноябрындагы № 297 "Кыргыз Республикасынын Финансы министрлигине караштуу Аманаттарды коргоо агенттигине берилүүчү Аманаттарды коргоо системасынын катышуучу банкынын отчетунун формасы жөнүндө нускаманы бекитүү тууралуу" токтомуна төмөнкүдөй өзгөртүүлөр жана толуктоолор киргизилсин:

- аталышында жана 1-пунктундагы "Кыргыз Республикасынын Финансы министрлигинин алдындагы Депозиттерди коргоо агенттигине" деген сөздөр "Кыргыз Республикасынын Депозиттерди коргоо боюнча агенттигине" деген сөздөр менен алмаштырылсын;

жогоруда аталган токтом менен бекитилген Кыргыз Республикасынын Финансы министрлигинин алдындагы Депозиттерди коргоо агенттигине берилүүчү Депозиттерди коргоо системасына катышуучу банктын отчеттуулугунун формасы жөнүндө нускамада:

- аталышында жана бүткүл тексти боюнча "Кыргыз Республикасынын Финансы министрлигинин алдындагы Депозиттерди коргоо агенттиги" деген сөздөр тийиштүү жөндөмөлөрдөгү "Кыргыз Республикасынын Депозиттерди коргоо боюнча агенттиги" деген сөздөр менен алмаштырылсын;