Распоряжение Правительства КР от 25 мая 2015 года №225-р(Относительно подготовки и успешного проведения очередно заседания Совета глав государств Содружества Независимых Государств Совета глав государств Совета сотрудничества тюркоязычных государе в Кыргызской Республике).

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2015-жылдын 25 майы, № 225-б

Көз карандысыз Мамлекеттердин Шериктештигинин мамлекет башчыларынын кеңешинин жана Түрк тилдүү мамлекеттердин кызматташтык кеңешинин мамлекет башчыларынын кеңешинин кезектеги жыйынына даярдык көрүү жана 2016-жылы Кыргыз Республикасында ийгиликтүү өткөрүү, ошондой эле Бишкек - "Манас" эл аралык аэропорту" ачык акционердик коому автомобиль жолун капиталдык ондоо боюнча иш-чараларды өз убагында ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Финансы министрлиги белгиленген тартипте:

- Кыргыз Республикасынын Транспорт жана коммуникациялар министрлигинин алдындагы Жол чарба департаментине 2015-2016-жылдарда 23,027 км, 7,5 км - 30,5 км узундуктагы Бишкек - "Манас" эл аралык аэропорту" ачык акционердик коому (мындан ары - Бишкек -"Манас" аэропорту автомобиль жолу) автомобиль жолунун участогун капиталдык оңдоого 1 084 842 654,00 (бир миллиард сексен төрт миллион сегиз жүз кырк эки мин алты жүз элүү төрт) сом бөлүп берсин;

- "Кыргыз Республикасынын 2015-жылга республикалык бюджети жана 2016-2017-жылдарга болжолу жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө мыйзамдын долбоорун даярдоодо ушул буйруктун 1-пунктунун экинчи абзацында аталган каражаттарды караштырсын.

2. Кыргыз Республикасынын Транспорт жана коммуникациялар министрлигинин алдындагы Жол чарба департаменти Бишкек - "Манас" аэропорту автомобиль жолунун участогун долбоорлоо жана капиталдык ондоо боюнча заказчынын функциясын ишке ашыруучу мамлекеттик орган болуп аныкталсын.

3. Кыргыз Республикасынын Транспорт жана коммуникациялар министрлигинин алдындагы Жол чарба департаменти белгиленген тартипте:

- Бишкек - "Манас" аэропорту автомобиль жолунун участогун капиталдык оңдоого долбоордук-сметалык документтерди бекитсин;

- "Мамлекеттик сатып алуулар жөнүндө" Кыргыз Республикасынын Мыйзамына ылайык келишимдерди түздөн-түз түзүү методу менен Бишкек - "Манас" аэропорту автомобиль жолунун участогун капиталдык оңдоо үчүн зарыл болгон сатып алууларды жүргүзсүн;

- Бишкек - "Манас" аэропорту автомобиль жолунун участогун капиталдык ондоо үчүн "Капиталдык салымдар" беренеси боюнча Кыргыз Республикасынын республикалык бюджетинен бөлүнгөн каражаттарды максаттуу жана натыйжалуу пайдаланууну камсыз кылсын;

- Бишкек - "Манас" аэропорту автомобиль жолунун участогун капиталдык ондоо үчүн "Капиталдык салымдар" беренеси боюнча бөлүнгөн каражаттарды өздөштүрүү боюнча Кыргыз Республикасынын Финансы министрлигине ай сайын маалымат берип турсун;

5. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын региондук өнүктүрүү, транспорт, курулуш жана коммуникациялар бөлүмүнө жүктөлсүн.