Распоряжение Правительства Кыргызской Республики от 26 февраля 2021 года № 39-р «Об установлении для работников Государственной налоговой службы при Министерстве экономики и финансов Кыргызской Республики, Государственной таможенной службы при Министерстве экономики и финансов Кыргызской Республики и Центрального казначейства Министерства экономики и финансов Кыргызской Республики 27 февраля, 31 июля и 30 октября 2021 года рабочими днями, с компенсацией, предусмотренной законодательством Кыргызской Республики.»

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2021-жылдын 26-февралы № 39-б

Мамлекеттик бюджеттин киреше жана чыгаша бөлүгүн аткаруу максатында, Кыргыз Республикасынын Эмгек кодексинин 101, 114 жана 115-беренелерине, "Кыргыз Республикасынын укук коргоо органдарында кызмат өтөө жөнүндө" Кыргыз Республикасынын Мыйзамынын 59-беренесинин 2-бөлүгүнө, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Экономика жана финансы министрлигине караштуу Мамлекеттик салык кызматынын, Кыргыз Республикасынын Экономика жана финансы министрлигине караштуу Мамлекеттик бажы кызматынын жана Кыргыз Республикасынын Экономика жана финансы министрлигинин Борбордук казыналыгынын кызматкерлери үчүн 2021-жылдын 27-февралы, 31-июлу жана 30-октябры Кыргыз Республикасынын мыйзамдарында каралган компенсациялоо менен иш күндөрү деп белгиленсин.

2. Кыргыз Республикасынын Улуттук банкына жана Кыргыз Республикасынын коммерциялык банктарына 2021-жылдын 27-февралын, 31-июлун жана 30-октябрын иш күндөрү деп жарыялоо сунушталсын.