Распоряжение Кабинета Министров КР от 30 ноября 2021 года № 303-р (Об обеспечении перевозки железнодорожным транспортом угольной продукции по фиксированному тарифу)

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2021-жылдын 30-ноябры № 303-т

Энергетикалык коопсуздукту камсыз кылуу, ошондой эле калкты жана ата мекендик көмүр өндүрүүчүлөрдү колдоо максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13 жана 17-беренелерине ылайык:

1. Кыргыз Республикасынын Транспорт жана коммуникациялар министрлиги 2021-жылдын 30-ноябрынан 2022-жылдын 1-мартына чейинки мезгилде көмүр продукциясын Балыкчы станциясы - Бишкек-1 станциясы каттамы боюнча темир жол транспорту менен бардык кошумча жыйымдарды эске алуу менен 436 (төрт жүз отуз алты) сом өлчөмүндө белгиленген тариф боюнча ташууну камсыз кылсын.

2. Кыргыз Республикасынын Транспорт жана коммуникациялар министрлигине караштуу "Кыргыз темир жолу" улуттук компаниясы" мамлекеттик ишканасы көрсөтүлгөн мезгилде Балыкчы станциясынан Бишкек-1 станциясына чейин калкка көмүр продукциясын ташууда ушул тескеменин 1-пунктунда белгиленген тарифти колдонсун.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.