Распоряжение Кабинета Министров КР от 24 марта 2022 года № 139-р (О предоставлении прав пользования недрами)

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2022-жылдын 24-марты № 139-т

Кыргыз Республикасын социалдык-экономикалык жактан андан ары өнүктүрүү максатында, "Жер казынасы жөнүндө" Кыргыз Республикасынын Мыйзамынын 25-1-беренесине, Кыргыз Республикасынын Министрлер Кабинетинин 2021-жылдын 23-августундагы № 148 токтому менен бекитилген Кыргыз Республикасынын Министрлер Кабинетинин чечими боюнча жер казынасын пайдалануу укугун берүү тартибине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Мамлекеттин 100 пайыз катышуу үлүшү бар Кыргыз Республикасынын Энергетика министрлигине караштуу "Кыргызкөмүр" мамлекеттик ишканасына төмөнкүдөй максаттарда жер казынасын пайдалануу укугу берилсин:

- тик бурчтуу координаттар тутумундагы төмөнкүдөй бурчтук чекиттери бар, Нарын облусунун Жумгал районунда жайгашкан Миңкуш көмүр кенинин Агулак участогун геологиялык чалгындоо иштерин жүргүзүү жана иштетүү:

- тик бурчтуу координаттар тутумундагы төмөнкүдөй бурчтук чекиттери бар, Баткен облусунун Лейлек районунда жайгашкан Сүлүктү-талаа 11 көмүр кенин геологиялык чалгындоо иштерин жүргүзүү жана иштетүү:

2. Кыргыз Республикасынын Жаратылыш ресурстары, экология жана техникалык көзөмөл министрлиги "Жер казынасы жөнүндө" Кыргыз Республикасынын Мыйзамында белгиленген тартипте ушул тескеменин 1-пунктунда көрсөтүлгөн жер казынасынын объекттерине лицензияларды берсин.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.