РАспоряжение Президента КР от 27 апреля 2022 года № 126 О Разработке Плана мероприятий по реализации Указа от 22 апреля 2022 года № 126

КЫРГЫЗ РЕСПУБЛИКАСЫНЫН ПРЕЗИДЕНТИНИН ТЕСКЕМЕСИ

2022-жылдын 27-апрели ПТ № 64

Кыргыз Республикасынын Президентинин 2022-жылдын 22-апрелиндеги № 126 "Кыргыз элинин баа жеткис руханий мурасы - "Манас" эпосунун үчилтигин ("Манас", "Семетей", "Сейтек" эпосторун) ар тараптан изилдөө жана популярдаштыруу боюнча кошумча чаралар жөнүндө" Жарлыгын ишке ашыруу максатында:

1. Кыргыз Республикасынын Президентинин 2022-жылдын 22-апрелиндеги № 126 "Кыргыз элинин баа жеткис руханий мурасы - "Манас" эпосунун үчилтигин ("Манас", "Семетей", "Сейтек" эпосторун) ар тараптан изилдөө жана популярдаштыруу боюнча кошумча чаралар жөнүндө" Жарлыгын ишке ашыруу боюнча иш-чаралар планын (мындан ары - Иш-чаралар планы) иштеп чыгууну жана анын ишке ашырылышын контролдоону Кыргыз Республикасынын Президентинин кеңешчиси Ч.Абыкеевге жүктөйм.

2. Кыргыз Республикасынын министрликтери, административдик ведомстволору, жергиликтүү мамлекеттик администрациялары, жергиликтүү өз алдынча башкаруу органдары, Кыргыз Республикасынын Президентинин Администрациясынын түзүмдүк бөлүмдөрү ушул тескеменин 1-пунктун ишке ашырууда Кыргыз Республикасынын Президентинин кеңешчиси Ч.Абыкеевге көмөк көрсөтсүн.