Распоряжение Кабинета Министров Кыргызской Республики от 8 сентября 2022 года № 472-р (О принятии в государственную собственность три поврежденные секции статора, поставленные в рамках реализации проекта «Реабилитация Токтогульской ГЭС. Фаза 2»)

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИ

ТЕСКЕМЕ

2022-жылдын 8-сентябры № 472-т

Бажы төлөмдөрүнөн жана алымдарынан бошотуу максатында, "Бажылык жөнгө салуу жөнүндө" Кыргыз Республикасынын Мыйзамынын 110-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Финансы министрлигине караштуу Мамлекеттик бажы кызматы "Электр станциялар" ачык акционердик коомунун арызынын негизинде "Токтогул ГЭСин реабилитациялоо. 2-фаза" долбоорун ишке ашыруунун алкагында коюлган статордун үч бузулган секциясын мамлекеттин пайдасына баш тартуунун бажылык жол-жобосуна белгиленген тартипте жайгаштырсын.

2. Кыргыз Республикасынын Экономика жана коммерция министрлигине караштуу Мамлекеттик мүлктү башкаруу боюнча фонд ушул тескеменин 1-пунктунда көрсөтүлгөн статордун үч бузулган секциясын белгиленген тартипте мамлекеттин менчигине кабыл алсын.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.