Распоряжение Кабинета Министров Кыргызской Республики от 27 февраля 2023 года № 75-р (Об оказании государственной поддержки предприятиям, имеющим стратегическое значение для страны)

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН тескемеси

2023-жылдын 27-февралы № 75-т

Экономикалык, улуттук коопсуздукту камсыз кылуу жана өлкө үчүн стратегиялык мааниси бар ишканаларга мамлекеттик колдоо көрсөтүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Финансы министрлиги белгиленген тартипте:

- "Бишкек штамптоочу заводу" мамлекеттик ишканасынын "РОСЭКСИМБАНК" акционердик коомунун алдында 10 жылдык төлөө мөөнөтү менен 3,8 млрд. рубль суммасында кепилдик берүүчүсү болуп чыксын;

- "Бишкек штамптоочу заводу" мамлекеттик ишканасы жана "РОСЭКСИМБАНК" акционердик коому менен үч тараптуу кепилдик келишимин түзсүн.

2. "Бишкек штамптоочу заводу" мамлекеттик ишканасы ушул тескеменин 1-пунктунда көрсөтүлгөн каражаттарды так максаттуу багыты боюнча пайдалансын.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.