Распоряжение Кабинета Министров КР от 6 ноября 2024 года № 714-р (Об утверждении плана мероприятий по реализации государственной жилищной программы Кыргызской Республики «Менин үйүм» на 2025-2030 годы)
КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ
2024-жылдын 6-ноябры № 714-т
Кыргыз Республикасынын Президентинин 2024-жылдын 17-июлундагы № 191 "Кыргыз Республикасынын "Менин үйүм" мамлекеттик турак жай программасын бекитүү жөнүндө" Жарлыгы менен бекитилген Кыргыз Республикасынын "Менин үйүм" мамлекеттик турак жай программасын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:
1. Төмөнкүлөр бекитилсин:
1) 2025-2030-жылдарга Кыргыз Республикасынын "Менин үйүм" мамлекеттик турак жай программасын ишке ашыруу боюнча иш-чаралар планы (мындан ары - иш-чаралар планы) 1-тиркемеге ылайык;
2) иш-чаралар планынын бюджети 2-тиркемеге ылайык;
3) 2025-2030-жылдарга Кыргыз Республикасынын "Менин үйүм" мамлекеттик турак жай программасын каржылоо булактарын тартуу боюнча иш-чаралар планы 3-тиркемеге ылайык;
4) 2025-2030-жылдарга Кыргыз Республикасынын "Менин үйүм" мамлекеттик турак жай программасына мониторинг жүргүзүү жана баалоо индикаторлорунун матрицасы 4-тиркемеге ылайык.
2. Иш-чаралар планын ишке ашырууга жооптуу мамлекеттик органдар жана жергиликтүү өз алдынча башкаруу органдары (макулдашуу боюнча):
1) иш-чаралар планын толук көлөмдө жана белгиленген мөөнөттөрдө аткаруу боюнча чараларды көрсүн;
2) жарым жылдыктын жыйынтыгы боюнча отчеттук мезгилден кийинки айдын 10унан кечиктирбестен иш-чаралар планын аткаруунун жүрүшү жөнүндө маалыматты Кыргыз Республикасынын Экономика жана коммерция министрлигине берип турсун.
3. Кыргыз Республикасынын Экономика жана коммерция министрлиги:
1) жарым жылдын жыйынтыгы боюнча отчеттук мезгилден кийинки айдын 25инен кечиктирбестен "Менин үйүм" мамлекеттик турак жай программасын каржылоо булактарын тартуу боюнча иш-чаралар планын аткаруунун жүрүшү жөнүндө жыйынды маалыматты Кыргыз Республикасынын Президентинин Администрациясына берип турсун;
2) бир айлык мөөнөттө мамлекеттик турак жай саясаты чөйрөсүндөгү өзүнүн чечимдерин ушул тескемеге ылайык келтирсин.
4. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.
Кыргыз Республикасынын Министрлер Кабинетинин Төрагасы
|
А.У. Жапаров |
|
| 1-тиркеме |
2025-2030-жылдарга Кыргыз Республикасынын "Менин үйүм" мамлекеттик турак жай программасын ишке ашыруу боюнча ИШ-ЧАРАЛАР ПЛАНЫ
№ | Милдеттер | Чаралар | Күтүлүүчү натыйжа | Ишке ашыруу мөөнөттөрү | Жооптуу аткаруучулар | Каржылоо булактары |
1. Турак жайды каржылоо системасын өнүктүрүү | ||||||
1 | Мамлекеттик турак жай программасын каржылоону камсыз кылуу | Артыкчылыктарды жана муктаждыктарды эске алуу менен турак жай программасына бюджеттик каражаттарды жыл сайын бөлүштүрүү | "Менин үйүм" мамлекеттик турак жай программасын чогуу каржылоо 100 млрд. сомдон кем эмести түзөт | 2025-ж. - 20 млрд. сом; 2026-ж. - 20 млрд. сом; 2027-ж. - 15 млрд. сом; 2028-ж. - 15 млрд. сом; 2029-ж. - 15 млрд. сом; 2030-ж. - 15 млрд. сом | КРП ИБ, МИК, ФМ (макулдашуу боюнча), ТИМ, ЭКМ (макулдашуу боюнча) | Республикалык бюджеттин, эл аралык донорлордун жана инвесторлордун каражаттары |
2 | МИКтин уставдык капиталын компаниянын активдеринин жалпы көлөмүнүн 10%ынан кем эмес деңгээлде кармап турууну камсыз кылуу | МИКтин уставдык капиталын компаниянын активдеринин жалпы көлөмүнүн 10%ынан кем эмес деңгээлде кармап туруу | МИКтин финансылык туруктуулугун камсыз кылуу жана финансылык тобокелдиктерди азайтуу аркылуу инвесторлордун ишенимин бекемдөө | 2025-2030-жылдар | КРП ИБ, МИК, ФМ, ЭКМ (макулдашуу боюнча) | МИКтин, эл аралык донорлордун жана инвесторлордун каражаттары |
2. Турак жай курулушунун көлөмүн көбөйтүү | ||||||
3 | Мамлекеттик турак жай программасынын алкагында турак жай куруу үчүн жер участокторун МИКке өткөрүп берүү | Мамлекеттик турак жай программасынын талаптарына ылайык турак жай куруу үчүн жер участокторун МИКке өткөрүп берүүнү уюштуруу жана жүзөгө ашыруу | Республика боюнча аянты 2 млн. кв.м кем эмес турак жай куруу | 2025-2030-жылдар | КРП ИБ, МИК, ЭКМ, ММБМА, Жер агенттиги, аткаруу бийлик органдары жана ЖӨБО | МИКтин, республикалык бюджеттин, эл аралык донорлордун жана инвесторлордун каражаттары |
4 | Жарандардын турак жай шарттарын жакшыртуу үчүн турак жай программасынын алкагында турак жай курулуш долбоорлорун иштеп чыгуу жана киргизүү | Жаңы турак жай объекттерин түзүүгө жана учурдагы шарттарды жакшыртууга багытталган мамлекеттик турак жай программасынын алкагында турак жай курулуш долбоорлорун ишке киргизүү жана ишке ашыруу | 40 миңден кем эмес үй-бүлөнү турак жай менен камсыз кылуу | 2025-2030-жылдар | КРП ИБ, МИК, ФМ, ЭКМ | МИКтин, республикалык бюджеттин, эл аралык донорлордун жана инвесторлордун каражаттары |
5 | Өлкөнүн калкынын турак жай менен камсыз болушуна талдоо жүргүзүү | Өлкөнүн калкынын турак жай менен камсыздалышынын учурдагы деңгээли жөнүндө маалыматтарды чогултуу | Өлкөнүн калкынын турак жай менен камсыз болушу жөнүндө ар жылдык отчет | 2025-2030-жылдар | Улутстатком (макулдашуу боюнча) | Бекитилген республикалык бюджеттин алкагында |
3. Каржылоо булактарын тартуунун көлөмүн көбөйтүү | ||||||
6 | Мамлекеттик турак жай программасын колдоого эл аралык донорлордон гранттарды жана субсидияларды тартуу үчүн эл аралык финансылык уюмдар менен кызматташуу | Мамлекеттик турак жай программасын колдоого эл аралык донорлордон инвестицияларды, гранттарды жана субсидияларды тартуу жана башкаруу боюнча стратегияларды иштеп чыгуу жана ишке ашыруу | Эл аралык донорлордон алынган инвестициялар, гранттар/субсидиялар | 2025-2030-жылдар | КРП ИБ, МИК, ФМ, ТИМ, ЭКМ | Эл аралык донорлордун жана инвесторлордун каражаттары |
7 | Түз сатуу жана үлүштүк куруу механизмдери аркылуу мамлекеттик турак жай программасын каржылоонун кошумча булактарын камсыз кылуу | Кошумча финансылык ресурстарды тартууда түз сатуу жана үлүштүк куруу механизмдеринин натыйжалуулугуна мониторинг жүргүзүү | Мамлекеттик турак жай программасын каржылоонун кошумча булактарын түз сатуу жана үлүштүк куруу аркылуу тартуу, бул калк үчүн турак жайдын жеткиликтүүлүгүн жана сапатын камсыз кылат | 2025-2030-жылдар | КРП ИБ, МИК (макулдашуу боюнча) | Жеке инвестициялар (жарандардын каражаттары) |
4. Кызмат көрсөтүүлөрдү санариптештирүү | ||||||
8 | Заманбап санариптик технологияларды эске алуу менен мамлекеттик турак жай программасына жеткиликтүүлүк деңгээлин жогорулатуу үчүн МИКтин электрондук порталын өркүндөтүү | Маалымат чогултууну жана иштеп чыгууну жакшыртуу үчүн МИКтин электрондук порталынын функционалын модернизациялоо жана жаңылоо | МИКтин электрондук порталы аркылуу маалымат чогултуу жана иштеп чыгуу функционалын кеңейтүү, бул мамлекеттик турак жай программасынын жеткиликтүүлүгүнө өбөлгө түзөт | 2025-2026-жылдар | КРП ИБ, МИК, ФМ | МИКтин, эл аралык донорлордун каражаттары |
9 | Кыймылсыз мүлккө укуктарды каттоонун электрондук системасы менен интеграциялоо | Кыймылсыз мүлккө укуктарды каттоонун электрондук системасына кошулуу үчүн интеграциялык чечимди иштеп чыгуу жана киргизүү | Кыймылсыз мүлккө укуктарды каттоо процесстерин автоматташтырууну киргизүү, өтүнмөлөрдү иштеп чыгуу убактысын кыскартуу | 2025-2026-жылдар | КРП ИБ, МИК (макулдашуу боюнча), ФМ, Жер агенттиги | МИКтин, ФМнын, эл аралык донорлордун каражаттары |