Распоряжение Кабинета Министров КР от 18 февраля 2022 года № 78-р (О принятии в государственную собственность внутрихозяйственного канала «Тараша»)

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2022-жылдын 18-февралы № 78-т

Ош облусунун Чоң-Алай районундагы Чоң-Алай айыл аймагынын суу пайдалануучуларынын сугат суусуна байланышкан көйгөйлөрүн чечүү максатында, Чоң-Алай айылдык кеңешинин 2022-жылдын 9-февралындагы № 2 токтомун, Чоң-Алай айыл өкмөтүнүн 2022-жылдын 9-февралындагы № 5 токтомун көңүлгө алып, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Экономика жана коммерция министрлигине караштуу Мамлекеттик мүлктү башкаруу боюнча фонд белгиленген тартипте:

- Ош облусунун Чоң-Алай районундагы Чоң-Алай айыл өкмөтүнүн муниципалдык менчигинде турган ички чарбалык "Тараша" каналын мамлекеттин менчигине кабыл алсын;

- аталган каналды Кыргыз Республикасынын Айыл чарба министрлигине караштуу Суу ресурстары кызматынын оперативдүү башкаруусуна өткөрүп берсин.

2. Кыргыз Республикасынын Айыл чарба министрлигине караштуу Суу ресурстары кызматы:

- ушул тескеменин 1-пунктунда көрсөтүлгөн каналды оперативдүү башкарууга кабыл алсын, Кыргыз Республикасынын мыйзамдарына ылайык сакталышын жана максаттуу багыты боюнча пайдаланылышын камсыз кылсын, каналдын баланстык наркын баалоону жүргүзсүн;

- ушул тескемеден келип чыгуучу уюштуруучулук жана башка чараларды көрсүн;

- эксплуатациялык иш-чараларды 2022-жылга жана кийинки жылдарга республикалык бюджетте каралган каражаттардын эсебинен жүргүзсүн.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.