КЫРГЫЗ РЕСПУБЛИКАСЫНЫН МЫЙЗАМЫ

2017-жылдын 25-июлу № 146

2017-жылдын 30-мартында Токио шаарында кол коюлган Кыргыз Республикасынын Өкмөтү менен Япония Өкмөтүнүн ортосундагы эл аралык келишимди түзүүчү "Бишкек-Ош авто жолундагы көчкүгө каршы коргоо" долбоору боюнча алмашуу ноталарын жана 2017-жылдын 31-мартында Токио шаарында кол коюлган Кыргыз Республикасынын Өкмөтү менен Япония эл аралык кызматташтык агенттигинин (JIСА) ортосундагы "Бишкек-Ош авто жолундагы көчкүгө каршы коргоо" долбоору боюнча гранттык макулдашууну ратификациялоо жөнүндө

1-берене.

Төмөнкүлөр ратификациялансын:

- 2017-жылдын 30-мартында Токио шаарында кол коюлган Кыргыз Республикасынын Өкмөтү менен Япония Өкмөтүнүн ортосундагы "Бишкек-Ош авто жолундагы көчкүгө каршы коргоо" долбоору боюнча алмашуу ноталары;

- 2017-жылдын 31-мартында Токио шаарында кол коюлган "Бишкек-Ош авто жолундагы көчкүгө каршы коргоо" долбоору боюнча Кыргыз Республикасынын Өкмөтү менен Япония эл аралык кызматташтык агенттигинин (JIСА) ортосундагы гранттык макулдашуу.

2-берене.

Кыргыз Республикасынын Финансы министрлиги япониялык тарапка жогоруда көрсөтүлгөн Алмашуу ноталарынын жана Гранттык макулдашуунун күчүнө кириши үчүн зарыл болгон мамлекеттик ички жол-жоболор Кыргыз Республикасы тарабынан аткарылганы жөнүндө дипломатиялык каналдар боюнча кабарласын.

3-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

"Эркин Тоо" газетасынын 2017-жылдын 4-августунда № 91 (2816) жарыяланды