КЫРГЫЗ РЕСПУБЛИКАСЫНЫН МЫЙЗАМЫ

2020-жылдын 26-декабры № 12

Инвестицияларды колдоо маселелери боюнча айрым мыйзам актыларына өзгөртүүлөрдү киргизүү жөнүндө

(КР 2021-жылдын 11-августундагы № 98, 2021-жылдын 20-октябрындагы № 123 Мыйзамдарынын редакцияларына ылайык)

1-берене.

Кыргыз Республикасынын Жер кодексине (Кыргыз Республикасынын Жогорку Кеңешинин Жарчысы, 1999-ж., № 9, 440-ст.) төмөнкүдөй өзгөртүүлөр киргизилсин:

1) 1-статьяда:

а) 11-пунктунун "д" пунктчасы төмөнкүдөй редакцияда баяндалсын:

"д) эл аралык келишимдин негизинде түзүлгөн;";

б) статья төмөнкүдөй редакциядагы 26¹-пункт менен толукталсын:

"26¹) айыл чарбалык эмес жерлердин түрлөрү - бул короо-жай алдындагы жерлер; жамааттык огороддор жана бакчалар; токой жерлери, дарактар жана бадалдар; суулар, жолдор, мал айдоочу жолдор, имараттар, курулуштар, короолор, көчөлөр астындагы жерлер, бузулган жерлер;";

2) 15-статьяда:

статья төмөнкүдөй мазмундагы 8² - 8⁴-пункттар менен толукталсын:

"8²) айыл чарба багытындагы жерлер категориясындагы жайыттарды, чабындыларды жана айыл чарбалык эмес жерлердин түрлөрүн ушул Кодекстин 20-статьясынын 12-пунктунда көрсөтүлгөн турак-жайларды курууга жерлерден жана айыл чарба жерлеринен тышкары, жерлердин башка түрлөрүнө же башка категорияларына которуу;

8³) запастагы жерлерди айыл чарба багытындагы жерлердин категориясына которуу,

8⁴) көрүстөн, ичүүчү суу менен камсыздоо, саркынды сууларды чыгаруу объекттери, тазалоочу курулмалар, таштанды полигондору үчүн бөлүнүүчү жерлердин бардык категорияларын жана түрлөрүн жерлердин башка категорияларына которуу;";

3) 20-статьяда:

а) 12-пунктунда "чабындыларды, жайыттарды, запастагы жерлерди" деген сөздөр "маданий жайыттарды, түп-тамырынан жакшыртылган чабындыларды, түп-тамырынан жакшыртылган жайыттарды" деген сөздөргө алмаштырылсын;

б) статья төмөнкүдөй мазмундагы 18¹-пункт менен толукталсын:

"18¹) айыл чарба багытындагы жерлердин категориясын кошпогондо, запастагы жерлерди жерлердин башка категорияларына которуу;".

2-берене.

"Жер участокторун которуу (трансформациялоо) жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2013-ж., № 7, 902-ст.) төмөнкүдөй өзгөртүүлөр киргизилсин:

1) 6-беренеде:

а) 1-пункт төмөнкүдөй редакцияда баяндалсын:

"1) айыл чарба жерлерин (айдоо жерлер, көп жылдык бак-дарактар ээлеген жерлер, кысыр аңыз, маданий жайыттар, түп-тамырынан жакшыртылган чабындылар, түп-тамырынан жакшыртылган жайыттар) жерлердин башка түрлөрүнө же жерлердин башка категориясына которот;";

б) берене төмөнкүдөй мазмундагы 4¹-пункт менен толукталсын:

"4¹) айыл чарба багытындагы жерлердин категориясын кошпогондо, запастагы жерлерди жерлердин башка категорияларына которот;";

2) 7-беренеде:

а) берене төмөнкүдөй мазмундагы 1¹-пункт менен толукталсын:

"1¹) айыл чарба багытындагы жерлердин категориясындагы жайыттарды, чабындыларды жана айыл чарба багытындагы эмес жерлердин түрлөрүн ушул Мыйзамдын 6-беренесинин 1-пунктунда көрсөтүлгөн айыл чарба жерлерин жана жеке турак жайларды курууга жерлерге которуудан тышкары, жерлердин башка түрлөрүнө же башка категорияларына которот;";

б) берене төмөнкүдөй мазмундагы 2¹-пункт менен толукталсын:

"2¹) запастагы жерлерди айыл чарба багытындагы жерлердин категориясына которот;";

3) 12-беренеде:

1-бөлүк төмөнкүдөй мазмундагы 10-пункт менен толукталсын:

"10) инвестицияларды илгерилетүү боюнча ыйгарым укуктуу органдын реестрине киргизилген инвестициялык лотту түзүү менен.".

3-берене.

(КР 2021-жылдын 20-октябрындагы № 123 Мыйзамына ылайык күчүн жоготту)

4-берене.

"Кыргыз Республикасында инвестициялар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2003-ж., № 7, 252-ст.) төмөнкүдөй өзгөртүүлөр киргизилсин:

1) 1-статьяда:

а) 3-пунктунун онунчу абзацында "үчтөн биринен кем эмеси" деген сөздөр "жыйырмадан кем эмеси" деген сөздөргө алмаштырылсын;

б) статья төмөнкүдөй мазмундагы 4³-пункт менен толукталсын:

"4³. Инвестициялык лоттор - бул өзүнө инвестициялык сунушту, долбоордун инфратүзүмүн, активдерди, чийки базаны жана сатуу рыногун талдоону, уруксат берүүчү документтерди жана преференцияларды берүүнү камтыган демилгеленген долбоорлордун өзгөчөлүгүн эске алуу менен инвесторго берилүүчү чечимдердин комплекси.";

2) 11¹-статьяда:

а) 1-пункттагы "50" деген цифралар "10" деген цифраларга алмаштырылсын;

б) 2-глава төмөнкүдөй мазмундагы 11²-статья менен толукталсын:

"11²-статья. Инвестициялык лоттор

Ыйгарым укуктуу мамлекеттик орган Кыргыз Республикасынын Өкмөтү тарабынан аныкталган инвестициялык лотторду түзүүнүн жана сунуштоонун тартиби жөнүндө жобого ылайык инвестициялык конкурстук тандоону жүргүзүүнүн натыйжалары боюнча инвестициялык лотту инвесторго берет.".

5-берене.

"Тышкы миграция жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2000-ж., № 7, 371-ст.) төмөнкүдөй өзгөртүүлөр киргизилсин:

1) 14-статьянын онунчу абзацында "экономика чөйрөсүндөгү ыйгарым укуктуу орган" деген сөздөр "инвестицияларды илгерилетүү боюнча ыйгарым укуктуу мамлекеттик орган" деген сөздөргө алмаштырылсын;

2) 17-статьянын 1-бөлүгүнүн 6-пунктунда жана 2-бөлүгүнүн 7-пунктунда "экономика чөйрөсүндөгү" деген сөздөр "инвестицияларды илгерилетүү боюнча" деген сөздөргө алмаштырылсын;

3) 26-статьянын 1-бөлүгүнүн 3-пункту "Кыргыз Республикасынын аймагында" деген сөздөрдөн кийин "инвестицияларды илгерилетүү боюнча ыйгарым укуктуу мамлекеттик орган берген өтүнмөнүн негизинде" деген сөздөр менен толукталсын.

6-берене.

(КР 2021-жылдын 11-августундагы № 98 Мыйзамына ылайык күчүн жоготту)

7-берене.

Ушул Мыйзам расмий жарыяланган күндөн тартып он беш күн өткөндөн кийин күчүнө кирет.

"Эркин Тоо" газетасынын 2021-жылдын 5-январындагы № 1 (3180) жарыяланды

Кыргыз Республикасынын Өкмөтү алты айлык мөөнөттө өзүнүн ченемдик укуктук актыларын ушул Мыйзамга ылайык келтирсин.