Кыргыз Республикасынын

Министрлер Кабинетинин

2025-жылдын 27-ноябрындагы № 760

токтомуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2018-жылдын 26-июну № 302

Кыргыз Республикасынын Өкмөтүнүн 2017-жылдын 23-июнундагы

№ 407 "Транспорт каражаттарын, түзүлүштөрдү жана жабдууларды

каттоо маселелери жөнүндө" токтомуна өзгөртүүлөрдү киргизүү

тууралуу

Ченемдик укуктук актыдагы карама-каршылыктарды четтетүү, ошондой эле транспорт каражаттарын кайра каттоо жол-жоболорун жөнөкөйлөтүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2017-жылдын 23-июнундагы № 407 "Транспорт каражаттарын, түзүлүштөрдү жана жабдууларды каттоо маселелери жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Транспорт каражаттарын, түзүлүштөрдү жана жабдууларды, ошондой эле аларга карата менчик укуктарын мамлекеттик каттоо, кайра каттоо эрежелеринде:

- мамлекеттик тилдеги тексттин 22-пунктунун он сегизинчи абзацындагы "кыймылсыз" деген сөз "кыймылдуу" деген сөз менен алмаштырылсын;

- мамлекеттик тилдеги тексттин 24-пунктунун он экинчи абзацындагы "кыймылсыз" деген сөз "кыймылдуу" деген сөз менен алмаштырылсын;

- 68-пунктунун үчүнчү абзацындагы "1" цифрасы "0,3" цифралары менен алмаштырылсын;

- 69-пунктунун биринчи абзацындагы "1" цифрасы "0,3" цифралары менен алмаштырылсын.

2. Ушул токтом расмий жарыяланууга тийиш жана 2018-жылдын 3-июлунан тартып күчүнө кирет.

3. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн.