КР Министрлер Кабинетинин 2024-жылдын 23-июлундагы № 411 токтомуна ылайык  КҮЧҮН ЖОГОТТУ

Тиркеме Кыргыз Республикасынын Өкмөтүнүн 2018-жылдын «25» 07 № 347 токтому менен бекитилген

 

«Мамлекеттик пенсиялык социалдык камсыздандыруу жөнүндө» Кыргыз Республикасынын Мыйзамына ылайык дайындалган пенсияларды индексациялоо тартиби

 

(Кыргыз Республикасынын Министрлер Кабинетинин 2023-жылдын 19-октябрындагы № 559 токтомунун редакциясына ылайык)

 

1. Жалпы жоболор

1. Ушул «Мамлекеттик пенсиялык социалдык камсыздандыруу жөнүндө» Кыргыз Республикасынын Мыйзамына ылайык дайындалган пенсияларды индексациялоо тартиби пенсиянын базалык жана камсыздандыруу бөлүктөрүн индексациялоо тартибин аныктайт.

2. Пенсияларды индексациялоонун максаты – индексациядан мурунку календардык жылда түзүлгөн керектөө бааларынын индексинин жана орточо эмгек акынын өсүшүнө байланыштуу пенсиялардын сатып алуу жөндөмдүүлүгүн колдоо.

3. Пенсионердин жашоо минимумунун, мурдагы жылдын тиешелүү мезгилине карата процент менен керектөө бааларынын индексинин жана орточо айлык эмгек акынын көрсөткүчтөрү - өткөн календардык жылда түзүлгөн Кыргыз Республикасынын Улуттук статистикалык комитети тарабынан түзүлгөн жана жарыяланган көрсөткүчтөр.

4. Мамлекеттик пенсиялык социалдык камсыздандыруу боюнча жалпы пенсия бириктирилген (базалык жана камсыздандыруу пенсиялары) жана топтолуучу бөлүктөрдөн турат, багуучусунан айрылган учур боюнча пенсияны кошпогондо, ал базалык жана камсыздандыруу пенсияларынан турат.

5. Пенсиянын жалпы өлчөмү «Мамлекеттик социалдык камсыздандыруу жөнүндө» Кыргыз Республикасынын Мыйзамынын 13-беренесине ылайык белгиленген кошумча төлөөлөрдү жана компенсациялык төлөмдөрдү эске албастан аныкталат.

6. Пенсиянын базалык жана камсыздандыруу бөлүктөрү Кыргыз Республикасынын Министрлер Кабинетинин токтомдорун кабыл алуу жолу менен Кыргыз Республикасынын Социалдык фондунун бюджетинде каралган каражаттардын чектеринде жыл сайын индексацияланат.

(Кыргыз Республикасынын Министрлер Кабинетинин 2023-жылдын 19-октябрындагы № 559 токтомунун редакциясына ылайык)

7. Республикалык бюджеттен бөлүнгөн каражаттар пенсиянын базалык бөлүгүн индексациялоонун каржылоо булагы болуп эсептелет. Пенсиянын камсыздандыруу бөлүктөрүн индексациялоону каржылоо булагы болуп Пенсиялык фонддун бюджетинин каражаттары эсептелет. Текстиль өндүрүшүндө иштеген кызматкерлерге, № 2 тизме боюнча, жана эмгектин өзгөчө шарттары үчүн пенсия алган адамдарга пенсиянын базалык бөлүгүн жана пенсиянын камсыздандыруу бөлүгүн ЖЭ1 индексациялоону каржылоо булагы болуп иш берүүчүнүн каражаттары эсептелет.

8. Пенсиянын базалык жана камсыздандыруу бөлүктөрүн индексация бир учурда жүргүзүлсө, биринчи пенсиянын базалык бөлүгү андан соң пенсиянын камсыздандыруу бөлүктөрү индексацияланат.

 

2. Пенсиянын базалык бөлүгүн индексациялоо

9. Индексациянын алдындагы өткөн календардык жылда республика боюнча орточо эмгек акынын көлөмүнүн көбөйүшү пенсиянын базалык бөлүгүнө индексациялоо жүргүзүү үчүн шарт болуп саналат.

10. Пенсиянын базалык бөлүгүн индексация жүргүзүү жөнүндө Кыргыз Республикасынын Министрлер Кабинетинин токтому кабыл алынган учурда «Мамлекеттик пенсиялык социалдык камсыздандыруу жөнүндө» Кыргыз Республикасынын Мыйзамына ылайык дайындалган пенсиялардын базалык бөлүгү индексациялоого жатат.

(Кыргыз Республикасынын Министрлер Кабинетинин 2023-жылдын 19-октябрындагы № 559 токтомунун редакциясына ылайык)

11. Эгерде пенсиянын жалпы өлчөмү өткөн календардык жылда иш жүзүндө түзүлгөн пенсионердин жашоо минимумунун чоңдугунан төмөн болсо, пенсиянын базалык бөлүгү индексацияланат.

12. Эгерде пенсиянын жалпы өлчөмү өткөн календардык жылда иш жүзүндө түзүлгөн пенсионердин жашоо минимумунун көлөмүнө барабар же чоң болсо пенсиянын базалык бөлүгү индексацияланбайт.

13. Индексацияны эске алганда пенсиянын базалык бөлүгү индексациянын алдындагы өткөн жылда түзүлгөн пенсионерлердин пенсиясынын базалык бөлүгүнүн көлөмүн тоголок санга чейин тегеректелип, индексацияга алып келген өткөн жылдагы орточо эмгек акынын пайыздарда өсүшүнө көбөйтүндүсүн түзөт.

Б_инд = Б_{өткөн. жыл} х ОАЭ_өсүшү %

мында, Б_инд - тоголок санга чейин тегеректелип, тийиштүү жылга индекстөөнү эске алгандагы пенсиянын базалык бөлүгү;

Б_{өткөн. жыл} - индекстөөнүн алдындагы өткөн жылда түзүлгөн пенсионердин пенсиясынын базалык бөлүгүнүн көлөмү;

ОАЭ_өсүшү % - индекстөөнүн алдындагы өткөн жылдагы орточо эмгек акынын пайыздык өсүшү.

2018-жылга индекстөөнү эске алып пенсиянын базалык бөлүгүн эсептөөнүн мисалы 1-таблицада келтирилген:

 

1-таблица