КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

2020-жылдын 29-майындагы № 278

Маданият, искусство, маалымат жана кинематография мекемелеринин кызматкерлери үчүн квалификациялык талаптарды бекитүү жөнүндө

Кыргыз Республикасынын Маданият, маалымат жана туризм министрлигинин ведомстволук мекемелеринин ишин тартипке салуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Төмөнкүлөрдүн кызматкерлери үчүн квалификациялык талаптар бекитилсин:

1) республикалык, облустук, райондук, шаардык жана айылдык китепканалардын, 1-тиркемеге ылайык;

2) республикалык, облустук, райондук, шаардык жана айылдык музейлердин, 2-тиркемеге ылайык;

3) клубдук мекемелердин, 3-тиркемеге ылайык;

4) А.Малдыбаев атындагы Ленин ордендүү Кыргыз улуттук академиялык опера жана балет театрынын, филармониялардын, Абубакир Изибаев атындагы Кыргыз мамлекеттик циркинин, А.Жумахматов атындагы Кыргыз мамлекеттик академиялык симфониялык оркестринин, 4-тиркемеге ылайык;

5) драмалык жана музыкалык-драмалык театрлардын, Бакен Кыдыкеева атындагы Кыргыз мамлекеттик жаш көрүүчүлөр театрынын жана куурчак театрларынын, 5-тиркемеге ылайык;

5¹) "Кыргыз улуттук "Манас" театры" мамлекеттик мекемесинин, 5¹-тиркемеге ылайык;

6) Ынтымак" коомдук региондук телерадиокомпаниясынын жана гезиттердин облустук редакцияларынын, 6-тиркемеге ылайык;

7) "Байчечекей" балдар журналынын, "Жеткинчек" гезитинин, "Кырчын" журналынын редакцияларынын, 7-тиркемеге ылайык;

8) маданият, искусство жана маалымат мекемелеринин жана уюмдарынын алдындагы борборлоштурулган бухгалтериялардын, 8-тиркемеге ылайык;

9) Кыргыз Республикасынын Маданият, маалымат жана туризм министрлигинин алдындагы Кинематография департаментинин "Т.Океев атындагы "Кыргызфильм" улуттук киностудиясы" мамлекеттик мекемесинин, 9-тиркемеге ылайык;

9¹) "Кыргызсериал" чыгармачылык-өндүрүштүк бирикмеси" мамлекеттик мекемесинин, 9¹-тиркемеге ылайык;

10) Республикалык мамлекеттик фильмфондусунун жана Чыңгыз Айтматов атындагы республикалык Кино үйүнүн дирекциясынын, 10-тиркемеге ылайык;

11) облустук, шаардык жана райондук кинодирекциялардын, 11-тиркемеге ылайык;