КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2021-жылдын 9-апрели № 138

Кыргыз Республикасынын Министрлер Кабинетинин Котормо борборун түзүү жөнүндө

(КР Министрлер Кабинетинин 2021-жылдын 7-июнундагы № 21 токтомунун редакциясына ылайык)

Котормочулук ишти натыйжалуу жөнгө салуу, расмий жана башка документтердин сапаттуу которулушун уюштуруу жана камсыз кылуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Министрлер Кабинетинин Котормо борбору түзүлсүн.

(КР Министрлер Кабинетинин 2021-жылдын 7-июнундагы № 21 токтомунун редакциясына ылайык)

2. Кыргыз Республикасынын Министрлер Кабинетинин Котормо борбору (мындан ары - Борбор) жөнүндө жобо 1-тиркемеге ылайык бекитилсин.

(КР Министрлер Кабинетинин 2021-жылдын 7-июнундагы № 21 токтомунун редакциясына ылайык)

3. Борбордун штаттык саны кенже тейлөө персоналын кошпогондо, 7 штаттык бирдик өлчөмүндө белгиленсин.

4. Кыргыз Республикасынын Өкмөтүнүн 2015-жылдын 6-апрелиндеги № 197 "Мамлекеттик кызматчылардын категориясына кирбеген жана мамлекеттик мекемелерде, анын ичинде аткаруучу бийликтин мамлекеттик органдарынын карамагындагы мекемелерде иштеген кызматкерлердин эмгегине акы төлөөнүн шарттары жөнүндө" токтомуна төмөнкүдөй өзгөртүүлөр киргизилсин:

- 1-пунктунун экинчи абзацында "23-4" деген цифралар "23-5" деген цифралар менен алмаштырылсын;

- ушул токтомдун 2-тиркемесине ылайык редакцияда 23⁵-тиркемеси менен толукталсын.

5. Кыргыз Республикасынын Президентинин Иш башкармасы Борборду туруктуу жайгаштыруу үчүн тиешелүү жай издеп тапсын, ишин техникалык жана коммуникациялык жактан тейлөөнү камсыздасын.

(КР Министрлер Кабинетинин 2021-жылдын 7-июнундагы № 21 токтомунун редакциясына ылайык)

6. Ушул токтомдун аткарылышын контролдоо Кыргыз Республикасынын Өкмөтүнүн Аппарат жетекчиси - министрге жүктөлсүн.

7. Ушул токтом расмий жарыяланган күндөн тартып жети күн өткөндөн кийин күчүнө кирет.

"Кыргыз Республикасынын Өкмөтүнүн Котормо борбору" мекемесинин кызматкерлеринин кызматтык маянасынын ӨЛЧӨМДӨРҮ