87. Мамлекеттик кызмат көрсөтүүнүн паспорту

1

Кызмат көрсөтүүнүн аталышы

Өзүнүн кесиптик компетенттүүлүгүн ырастоону каалаган жеке жактардын өтүнмөсү боюнча курулуш тармагынын адистерин квалификациялык сертификаттоо.

Мамлекеттик кызмат көрсөтүүлөрдүн бирдиктүү реестри (тизмеги), 4-глава, 101-пункт

2

Кызмат көрсөткөн мамлекеттик органдын (мекеменин) толук аталышы

Архитектуралык-курулуш иши чөйрөсүндө саясатты иштеп чыгуу жана жүзөгө ашыруу боюнча ыйгарым укуктуу мамлекеттик орган (мындан ары – ыйгарым укуктуу орган)

3

Мамлекеттик кызмат көрсөтүүнү алуучулар

Жеке жактар – өзүнүн кесиптик компетенттүүлүгүн ырастоону каалаган жана адистиги боюнча 5 жылдан кем эмес иш стажы бар курулуш тармагынын адистери. Инженер-эксперт үчүн стаж – 10 жылдан кем эмес

4

Мамлекеттик кызмат көрсөтүүнү алуунун укуктук негиздери

«Шаар куруу жана архитектура жөнүндө» Кыргыз Республикасынын Мыйзамы;

Кыргыз Республикасынын Министрлер Кабинетинин 2021-жылдын 25-июнундагы № 44 «Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттиги жөнүндө» токтому;

Кыргыз Республикасынын Өкмөтүнүн 2021-жылдын 26-февралындагы № 63 токтому менен бекитилген Курулуш тармагынын адистерин мамлекеттик квалификациялык сертификациялоону жүргүзүү тартиби жөнүндө жобо

5

Көрсөтүлгөн мамлекеттик кызматтардын акыркы жыйынтыгы

Квалификациялык сертификат

6

Мамлекеттик жана муниципалдык кызмат көрсөтүүнүн шарттары

Кызмат көрсөтүү төмөнкүдөй жүргүзүлөт:

- белгиленген санитардык ченемдерге жооп берген жайларда;

- жарандар, анын ичинде ден соолугунун мүмкүнчүлүктөрү чектелген адамдар (мындан ары – ДМЧА) үчүн пандустар, кармоочтор менен жабдылган имараттарга жана санитардык-гигиеналык жайларга (ажаткана, жуунуучу бөлмө) тоскоолсуз кирүү мүмкүндүгү камсыздалганда;

- жандуу кезек күтүү принциби боюнча.

Имараттарда күтүп тургандар үчүн орундар, ажатканалар бар (региондордо борбордук суу түтүгүнө жана канализацияларга кошулуу мүмкүнчүлүгү болбогон учурда – сырттагы ажатканалар), жылуулук, суу түтүктөрү, телефон менен жабдылган.

Жарандардын жеңилдик берилген категориялары (Улуу Ата Мекендик согуштун катышуучулары жана майыптары, ооруктун эмгекчилери жана аларга теңдештирилген адамдар, ДМЧА, кош бойлуу аялдар) кезексиз тейленет, эгер алар имаратка көтөрүлө албаса, кызматкер консультация берүү үчүн өзү түшүп келет.

Келүүчүлөргө ыңгайлуу болушу үчүн кызмат көрсөтүү жеринде кызмат көрсөтүүнү алууга зарыл болгон документтердин тизмеги жана арыздардын үлгүлөрү жайгаштырылат

7

Мамлекеттик жана муниципалдык кызмат көрсөтүүнүн мөөнөтү

Кадимки тартипте кызмат көрсөтүүдө өтүнмөнү колдон жана электрондук почта аркылуу алууга чектелген убакыт – 30 мүнөт;

кызмат көрсөтүүнүн жалпы мөөнөтү – 30 жумуш күн;

жыйынтыкты берүүгө чектелген убакыт – 20 мүнөт

Мамлекеттик жана муниципалдык кызмат көрсөтүүнү алуучуларга маалымат берүү

8

Керектөөчүгө көрсөтүлүүчү кызматтар (керектүү маалыматтын тизмеси) жана аларды стандартташтырууга жооптуу мамлекеттик орган жөнүндө маалымат берүү

Мамлекеттик кызмат көрсөтүү жөнүндө маалыматты төмөнкүлөрдөн алууга болот:

- 720001, Бишкек ш., Манас пр., 28 (Токтогул көчөсүнүн кесилишинде) дареги боюнча «Бирдиктүү терезенин» коомдук кабылдамасынан;

иштөө убактысы: дүйшөмбү-жума, саат 9-00дөн 18-00гө чейин, түшкү тыныгуу: 12-30дан 13-30га чейин:

- оозеки түрүндө (телефон аркылуу же жеке кабыл алууда, адис менен байланышууда);

- ыйгарым укуктуу органдын расмий сайтынан (http://gosstroy.gov.kg/);

- электрондук почта боюнча электрондук түрдө (http://gosstroy.gov.kg/ru/7644/);

- электрондук кызмат көрсөтүүлөрдүн мамлекеттик порталынан  (http://portal.tunduk.kg);

- архитектуранын аймактык органына жеке кайрылууда;

- маалымат такталарынан, брошюралардан жана буклеттерден.

Кызмат көрсөтүүгө өтүнмөнүн формасы расмий сайтта жайгаштырылган (http://gosstroy.gov.kg/).

Мамлекеттик кызмат көрсөтүү тууралуу маалымат кайрылган ар бир адамга акысыз негизде берилиши кепилденет.

Байланыш маалыматтары жана мамлекеттик кызмат көрсөтүүнүн стандарты ыйгарым укуктуу органдын маалымат такталарында, ошондой эле расмий сайтында (http://gosstroy.gov.kg/) жайгаштырылат.

Маалымат мамлекеттик жана расмий тилдерде берилет

9

Кызмат көрсөтүү жөнүндө маалыматты жайылтуу ыкмалары (бардык мүмкүн болуучу ыкмаларды мүнөздөө же санап өтүү)

Көрсөтүлүүчү кызмат жөнүндө маалымат төмөнкүлөр аркылуу жайылтылышы мүмкүн:

1) атап айтканда:

- маалымат сайттары, радио берүү жана теле көрсөтүү;

- газеталар;

- ыйгарым укуктуу органдын расмий сайты (http://gosstroy.gov.kg/);

- электрондук кызмат көрсөтүүлөрдүн мамлекеттик порталы (http://portal.tunduk.kg);

- такталар, буклеттер жана брошюралар;

- «Бирдиктүү терезе» коомдук кабылдамасы;

2) оозеки түрдө (телефон аркылуу же адис менен жеке байланышууда).

Даректер, телефон номерлери жана иштөө режими кызмат көрсөтүү стандарты менен бирге такталарда, ыйгарым укуктуу органдын расмий сайтында жайгаштырылат.

Ыйгарым укуктуу органдын иштөө графиги:

дүйшөмбү-жума, саат 9-00дөн 18-00гө чейин;

түшкү тыныгуу:12-30дан 13-30га чейин

Тейлөө жана мамлекеттик кызмат көрсөтүү

10

Келүүчүлөр менен пикир алмашуу

Ыйгарым укуктуу органда кызмат көрсөтүүгө тартылган кызматкерлердин кабинеттеринин эшиктерине маалыматтык табличкалар илинет.

Калк менен иштеген бардык кызматкерлердин аты-жөнү жана кызмат орду көрсөтүлгөн жеке табличкалары (бейдж) болот.

Керектөөчүлөр менен пикир алмашуу учурунда кызматкерлер этиканын төмөнкү негизги принциптерин сакташат: сылык, ак ниет, сыпайы, сабырдуу, принциптүү болуу, маселенин маңызын терең түшүнүүгө аракеттенүү, маектешкен адамды уга билүү жана анын позициясын түшүнүү, ошондой эле кабыл алынган чечимди аргументтөө.

Бардык кызматкерлер кызматтык нускамаларды (функциялык милдеттерди) жана Кыргыз Республикасынын мыйзамдарын бузууга жол бербеген, жарандарга карата этикалык ченемдердин сакталышын, көз карандысыздыкты жана объективдүүлүктү камсыз кылуучу, кызыкчылыктардын кагылышуусун болтурбоочу кесиптик-этикалык ченемдерди сактоосу керек.

Медициналык жана социалдык көрсөткүчтөр боюнча өзгөчө муктаждыктарга ээ адамдар (ДМЧА, улгайган пенсионерлер, согуштун жана эмгектин ардагерлери, кош бойлуу аялдар) менен  баарлашуу жана кызмат көрсөтүү аларга түшүнүктүү жана жеткиликтүү формада жүргүзүлөт

11

Купуялуулукту камсыздоо ыкмалары

Керектөөчү жана ага көрсөтүлгөн кызмат жөнүндө маалымат Кыргыз Республикасынын мыйзамдарында каралган негиздер боюнча гана берилиши мүмкүн

12

Керектүү документтердин жана/же мамлекеттик кызмат көрсөтүүнү керектөөчүлөрдүн иш-аракеттеринин тизмеси

Квалификациялык сертификатты алуу үчүн арыз ээси төмөнкүдөй документтерди берет:

- аты-жөнүн, жарандыгын, ким экендигин ырастоочу документ тууралуу негизги маалыматтарды жана дарек тууралуу маалыматты, телефондордун номерлерин, ошондой арыз ээси аткарууга талапкерленген иштердин жана жумуштардын түрлөрүн көрсөтүү менен арызды;

- паспорттун көчүрмөсүн;

- сертификаттоого акы төлөнгөндүгүн ырастоочу документти;

- билими жөнүндө документтердин нотариалдык күбөлөндүрүлгөн көчүрмөсүн;

- эмгек китепчесинен нотариалдык күбөлөндүрүлгөн көчүрмөсүн;

- изденүүчү катышкан иштердин тизмесин, анда ким катары катышкандыгы көрсөтүлөт жана бул иштерди аткарган уюм тарабынан күбөлөндүрүлөт.

Ушул пунктта көрсөтүлгөн документтерден тышкары башкаларын берүүнү талап кылууга жол берилбейт

13

Акы төлөнүүчү мамлекеттик кызмат көрсөтүүнүн наркы

Кызмат көрсөтүүнүн наркы монополияга каршы жөнгө салуу чөйрөсүндөгү ыйгарым укуктуу орган менен макулдашуу боюнча ыйгарым укуктуу органдын жетекчиси тарабынан бекитилет жана кызмат көрсөтүлүүчү жерлердеги маалымат такталарында жана ыйгарым укуктуу органдын расмий сайтында (http://gosstroy.gov.kg/) жайгаштырылуучу ыйгарым укуктуу орган көрсөтүүчү мамлекеттик кызматтарга баалардын прейскурантында чагылдырылат.

Кызмат көрсөтүүнүн наркы тууралуу маалыматтар керектөөчүнүн суроо-талабы боюнча жеке кабыл алууда, телефон аркылуу кайрылууда жана электрондук почта (http://gosstroy.gov.kg/) боюнча берилет

14

Мамлекеттик кызмат көрсөтүүнүн сапатынын параметрлери

Мамлекеттик кызмат көрсөтүүнүн сапаты төмөнкү критерийлер менен аныкталат:

- ушул стандартта билдирилген кызмат көрсөтүүнүн шарттарына жана мөөнөттөрүнө ылайык ишенимдүүлүгү жана өз убагында болуусу;

- жынысы, расасы, тили, майыптыгы, этностук таандыктыгы, диний ишеними, теги, мүлктүк же башка абалы боюнча басмырлоого жол бербөө;

- жеткиликтүүлүк, жарандардан кызмат көрсөтүүнү алуу үчүн ушул стандартта көрсөтүлгөн документтерди гана талап кылуу;

- кызмат көрсөтүүнүн шарттарынын ушул стандартта белгиленген талаптарга шайкештиги: имаратка жеткиликтүүлүк, коммуналдык-тиричиликтик ыңгайлуулуктардын болушу, жарандар үчүн ыңгайлуу кабыл алуу графиги, маалыматтык колдоонун (басма жана электрондук форматтарда) болушу жана жеткиликтүүлүгү;

- аягындагы жыйынтыктын (алынган кызмат көрсөтүүнүн) керектөөчүнүн күтүүлөрүнө ылайык келүүсү;

- жарандардын даттануулар жана сунуштары китебинин жеткиликтүү жерде болуусу;

- мамлекеттик кызмат көрсөтүүлөрдү керектөөчүлөрдүн Кыргыз Республикасынын мыйзамдарында белгиленген укуктарын жана мыйзамдуу кызыкчылыктарын сактоо

15

Электрондук форматта кызмат көрсөтүү

Электрондук кызмат көрсөтүүлөрдүн мамлекеттик порталы аркылуу (http://portal.tunduk.kg) кызмат көрсөтүүнү алуу үчүн суроо-талапты (арызды) берүү бөлүгүндө кызматты электрондук форматта көрсөтүү Кыргыз Республикасынын Өкмөтүнүн 2019-жылдын 7-октябрындагы № 525 токтому менен бекитилген Электрондук кызмат көрсөтүүлөр мамлекеттик порталын пайдалануу эрежелерине ылайык ишке ашырылат.

Эскертүү: кызмат көрсөтүүнү алууга электрондук өтүнмөнү жөнөтүү үчүн арыз ээси (http://portal.tunduk.kg) порталында катталуусу зарыл.

Онлайн интерактивдүүлүк стадиясы – 3 (веб-баракча өтүнмөнү электрондук түрдө толтуруу жана аны мамлекеттик органдын кароосуна кагаз жүзүндө басып чыгарбастан кабыл алуу функциялык мүмкүнчүлүгүнө ээ)

Мамлекеттик кызмат көрсөтүүдөн баш тартуу жана даттануу тартиби

16

Мамлекеттик кызмат көрсөтүүдөн баш тартуу

Ушул стандарттын 3-пунктунун талаптарына шайкеш келбеген жана 12-пунктунда көрсөтүлгөн керектүү документтер берилбеген учурда мамлекеттик кызмат көрсөтүүдөн баш тартылат.

Ошондой эле арыз ээси маектешүүдөн ийгиликтүү өтпөгөн учурда квалификациялык сертификат берүүдөн баш тартылышы мүмкүн.

Квалификациялык сертификатты берүүдөн баш тартуу тууралуу чечим баш тартуу себептерин көрсөтүү менен жазуу жүзүндө ушул чечим кабыл алынган күндөн тартып 10 күндүк мөөнөттө изденүүчүгө жиберилет.

Квалификациялык сертификатты берүүдөн баш тартууда арызды кайра кароо жана билимин текшерүү бир жыл өткөндөн кийин жүргүзүлүшү мүмкүн

17

Даттануу тартиби

Кызматтар талаптагыдай берилбеген учурда керектөөчү ушул кызматты көрсөтүү үчүн жооптуу ыйгарым укуктуу органдын жетекчилигине оозеки же жазуу жүзүндө кайрылууга укуктуу.

Мамлекеттик кызмат көрсөтүүнү алуучунун атынан даттануу анын мыйзамдуу өкүлдөрү тарабынан жүргүзүлүшү мүмкүн.

Жазуу жүзүндөгү даттануу эркин түрдө берилет жана арыз ээсинин аты-жөнүн, юридикалык дарегин, телефон номерин, доонун маңызын, мамлекеттик кызмат көрсөтүүнү алуучунун кол тамгасын жана датасын камтууга тийиш.

Ыйгарым укуктуу кызматкер даттанууну 1 жумуш күндүн ичинде каттайт жана жетекчиликтин кароосуна жиберет.

Даттанууларды жана дооматтарды кароо белгиленген тартипте ыйгарым укуктуу органдын жетекчилиги тарабынан ишке ашырылат.

Жазуу жүзүндөгү кайрылууну кароо жана арыз ээсине жоопту жиберүү анын катталган күнүнөн тартып 14 күндөн ашпоого тийиш.

Даттануу боюнча кабыл алынган чечимге канааттанбаган учурда арыз ээси ыйгарым укуктуу органдын чечимине сот тартибинде даттанууга укуктуу

18

Стандартты кайра карап чыгуунун мезгилдүүлүгү

Мамлекеттик кызмат көрсөтүүнүн стандарты үч жылда бир жолудан кем эмес мезгилдүүлүгү менен туруктуу негизде кайра каралып туруусу керек