Загрузка документа…
|
| |
|
| 6-тиркеме (Кыргыз Республикасынын Министрлер Кабинетинин 2022-жылдын 8-апрелиндеги № 193 токтомуна) |
Контролдук-кассалык машиналарды техникалык тейлөө борборлоруна карата ТАЛАПТАР
(КР Министрлер Кабинетинин 2022-жылдын 16-декабрындагы № 705, 2024-жылдын 25-мартындагы № 129 токтомдорунун редакцияларына ылайык)
1. Жалпы жоболор
1. Ушул Талаптар Кыргыз Республикасынын Салык кодексинин 128-беренесинин 3-бөлүгүнө ылайык иштелип чыккан жана контролдук-кассалык машиналарды (мындан ары - ККМ) сатуучу жана/же тейлөөчү субъекттердин укуктарын жана милдеттерин аныктайт.
2. Ушул Талаптарда төмөнкүдөй терминдер жана аныктамалар пайдаланылат:
1) фискалдык маалыматтардын оператору (мындан ары - ФМО) - маалыматтарды топтоонун жана корголгон түрдө ыйгарым укуктуу салык органына же Кыргыз Республикасында маркалоочу жана маркаланган товарларга байкоо жүргүзүүчү улуттук системанын операторуна (мындан ары - маркалоо оператору) гана өткөрүп берүүнүн техникалык процессин камсыз кылуучу уюм;
2) ККМди техникалык тейлөө борборлорунун реестри - ушул Талаптарга ылайык келген, ыйгарым укуктуу салык органы жана/же ФМО менен келишим түзгөн уюмдардын тизмеси;
3) ККМди техникалык тейлөө борбору (мындан ары - ТТБ) - ыйгарым укуктуу салык органы тарабынан бекитилген ККМге коюлган техникалык талаптарга ылайык келген, ККМди эксплуатациялоого, техникалык тейлөөгө жана оңдоого даярдоо боюнча субъектке кызмат көрсөтүүчү уюм же жеке ишкер.
(КР Министрлер Кабинетинин 2024-жылдын 25-мартындагы № 129 токтомунун редакциясына ылайык)
Ушул Талаптарда пайдаланылуучу башка терминдер жана аныктамалар Кыргыз Республикасынын салык мыйзамдарында жана Кыргыз Республикасынын электрондук башкаруу жөнүндө мыйзамдарында аныкталган мааниде пайдаланылат.
2. ТТБ реестрин жүргүзүү тартиби
3. ТТБ төмөнкүлөр менен өз ара аракеттенет:
1) субъект менен - салык төлөөчүнүн иштөө режиминде ККМди техникалык, кепилденген жана сервистик тейлөө келишиминин негизинде;
2) ыйгарым укуктуу салык органы жана ФМО менен - өз ара аракеттенүү жөнүндө келишимдин негизинде.
3-1. Ыйгарым укуктуу салык органынын ККМди пайдаланууга даярдоо, каттоо жана тейлөө боюнча субъекттерге кызматтарды көрсөтүүчү ТТБ ыйгарым укуктуу салык органы же ал тарабынан аныкталган анын аймактык жана/же ведомстволук органдары (мындан ары - ыйгарым укуктуу салык органынын ТТБсы) болуп саналат.
(КР Министрлер Кабинетинин 2022-жылдын 16-декабрындагы № 705 токтомунун редакциясына ылайык)
4. Ыйгарым укуктуу салык органынын ТТБсын кошпогондо, ТТБнын реестрине киргизүү үчүн арыз берүүгө ниеттенген уюм ыйгарым укуктуу салык органына өтүнмө (кагаз жүзүндө) берет.
(КР Министрлер Кабинетинин 2022-жылдын 16-декабрындагы № 705 токтомунун редакциясына ылайык)
5. Ыйгарым укуктуу салык органы өтүнмөнүн ушул Талаптарга ылайык келишин карайт.
6. Эгерде уюм ушул Талаптарга шайкеш келсе, ыйгарым укуктуу салык органы уюм менен келишим түзөт жана аны ТТБнын реестрине киргизет.
(КР Министрлер Кабинетинин 2022-жылдын 16-декабрындагы № 705 токтомунун редакциясына ылайык)
7. ТТБ тарабынан милдеттенмелер аткарылбаган учурда, ыйгарым укуктуу салык органынын чечими боюнча ал ТТБнын реестринен чыгарылат. Экинчи жолу өтүнмө уюм ТТБнын реестринен чыгарылган учурдан тартып бир жылдан эрте эмес убакытта берилиши мүмкүн.