КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2022-жылдын 11-марты № 131

Кыргыз Республикасынын Салык кодексинин 289, 297, 298 жана 299-беренелеринин талаптарын ишке ашыруу боюнча чаралар жөнүндө

Кыргыз Республикасынын Салык кодексинин 289, 297, 298 жана 299-беренелеринин талаптарын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын аймагына жеткирүүдө жана импорттоодо КНС төлөөдөн бошотулууга тийиш болгон товарлардын тиркелген тизмелери бекитилсин:

1) Айнек кайнатуучу мештерди жана конвертерди (ферроэритүүчү мештерди) куруу жана реконструкциялоо үчүн адистештирилген товарлардын тизмеси 1-тиркемеге ылайык;

2) Тракторлорду жана автотранспорт каражаттарын чогултуу үчүн комплекттөөчү тетиктердин тизмеси 2-тиркемеге ылайык;

3) Балдар тамак-аш продуктуларынын тизмеси 3-тиркемеге ылайык;

4) Окуу куралдарынын жана мектептик окуу буюмдарынын, илимий басылмалардын тизмеси 4-тиркемеге ылайык;

5) Ден соолугунун мүмкүнчүлүктөрү чектелүү адамдар үчүн адистештирилген товарлардын тизмеси 5-тиркемеге ылайык;

6) Жаныбарлар үчүн вакциналардын жана дары каражаттарынын тизмеси 6-тиркемеге ылайык;

7) Минералдык жер семирткичтердин тизмеси 7-тиркемеге ылайык;

8) Өсүмдүктөрдү коргоонун химиялык каражаттарынын тизмеси 8-тиркемеге ылайык;

9) Асыл тукум айыл чарба жаныбарларынын түрлөрүнүн тизмеси 9-тиркемеге ылайык;

10) Үрөндүк материалдардын тизмеси 10-тиркемеге ылайык;

11) Өсүмдүк майларын, канаттуулар жана балыктар үчүн тоюттарды өндүрүүгө арналган чийки заттардын тизмеси 11-тиркемеге ылайык;

12) Куралдардын, аскер техникасынын, аскердик мүлктүн, атайын техникалардын жана атайын каражаттардын тизмеси 12-тиркемеге ылайык.

2. Төмөнкүлөр күчүн жоготту деп таанылсын: