(Кыргыз Республикасынын Министрлер Кабинетинин 2022-жылдын 30-апрелиндеги № 248 токтомуна)

Кыргыз Республикасында туризмди өнүктүрүү боюнча улуттук кеңеш жөнүндө ЖОБО

(Кыргыз Республикасынын Министрлер Кабинетинин 2026-жылдын 18-майындагы № 348 токтомунун редакциясына ылайык)

1. Жалпы жоболор

1. Кыргыз Республикасында туризмди өнүктүрүү боюнча улуттук кеңеш (мындан ары - Кеңеш) Кыргыз Республикасынын Министрлер Кабинетине караштуу консультативдик-кеңеш берүүчү орган болуп саналат.

2. Кеңештин ишинин негизги максаты туризмди өнүктүрүү маселелери боюнча сунуштарды, ошондой эле мамлекеттик органдардын өлкөнүн туристтик индустриясын өнүктүрүүнү активдештирүүгө багытталган ишин координациялоо боюнча сунуштамаларды иштеп чыгуу болуп саналат.

3. Кеңештин чечимдери сунуш берүүчү мүнөзгө ээ.