Загрузка документа…
| 1-тиркеме | ||
|
| (Кыргыз Республикасынын Министрлер Кабинетинин 2022-жылдын 14-ноябрындагы № 621 токтомуна) | |
|
|
|
|
Кыргыз Республикасынын Министрлер Кабинетине караштуу Жашыл энергетика фонду жөнүндө ЖОБО
(КР Министрлер Кабинетинин 2023-жылдын 22-сентябрындагы № 498, 2025-жылдын 14-февралындагы № 70 токтомдорунун редакцияларына ылайык)
1-глава. Жалпы жоболор
1. Бул Жобо Кыргыз Республикасынын Министрлер Кабинетине караштуу Жашыл энергетика фондунун (мындан ары - Фонд) ишинин укуктук жана экономикалык негиздерин белгилейт, билим берүү булактарын жана чыгымдоо максаттарын, башкаруу органдарынын ыйгарым укуктарын, Фондго келип түшкөн каражаттарды бөлүштүрүүнүн алкагында өз ара аракеттенүү тартибин аныктайт.
2. Фонд жашыл энергетиканы долбоорлоону, күтүүнү, субсидиялоону, оңдоону, реконструкциялоону, курууну жана өнүктүрүүнү каржылоо үчүн каражаттарды топтоо, ошондой эле энергиянын кайра жаралуучу булактарынын энергия үнөмдөөчү технологияларын иштеп чыгууга, өндүрүүгө жана киргизүүгө дем берүү максатында түзүлгөн мамлекеттик мекеме жана энергиянын кайра жаралуучу булактарынын субъекттерине энергиянын кайра жаралуучу булактарынын объекттерин куруу жана эксплуатациялоо боюнча долбоорлорду ишке ашыруу жөнүндө инвестициялык макулдашуулардын алкагында энергиянын кайра жаралуучу булактарынын объекттери иштеп чыгуучу электр энергиясын сатып алууга кепилдик берүү боюнча ыйгарым укуктуу мамлекеттик мекеме болуп саналат.
(КР Министрлер Кабинетинин 2025-жылдын 14-февралындагы № 70 токтомунун редакциясына ылайык)
3. Фонд өз ишинде Кыргыз Республикасынын Конституциясын, Кыргыз Республикасынын мыйзамдарын, Кыргыз Республикасынын Президентинин жарлыктарын, Кыргыз Республикасынын Жогорку Кеңешинин токтомдорун жана Кыргыз Республикасынын Министрлер Кабинетинин чечимдерин, Кыргыз Республикасынын башка ченемдик укуктук актыларын жана Кыргыз Республикасынын мыйзамдарына ылайык күчүнө кирген эл аралык келишимдерди, ошондой эле ушул Жобону жетекчиликке алат.
4. Фонд юридикалык жак болуп саналат, ага бекитилген Мамлекеттик мүлктү оперативдүү башкарууну жүзөгө ашырат, Кыргыз Республикасынын Мамлекеттик герби түшүрүлгөн жана мамлекеттик, расмий жана чет тилдерде өзүнүн аталышы жазылган мөөрү, штамптары, фирмалык бланктары, негизги жана жүгүртүлүүчү каражаттары, эсептери бар.
Фонддун уюштуруучусу болуп Кыргыз Республикасынын Министрлер Кабинети саналат.
5. Фонддун каражаттары республикалык бюджетте топтолот, максаттуу мүнөзгө жана атайын багытка ээ болот.
6. Фонддун толук фирмалык аталышы:
1) мамлекеттик тилде: "Кыргыз Республикасынын Министрлер Кабинетине караштуу Жашыл энергетика фонду" мамлекеттик мекемеси";
2) расмий тилде: "Государственное учреждение "Фонд зеленой энергетики при Кабинете Министров Кыргызской Республики";
3) англис тилинде: "Covernment agency "Green energy Fund under the Cabinet of Ministers of Ministers of the Kyrgyz Republic".
Фонддун кыскартылган фирмалык аталышы:
1) мамлекеттик тилде: "ЖЭФ";
2) расмий тилде: "ФЗЭ";
3) англис тилинде: "GEF".