КР Өкмөтүнүн      2008-жылдын 15-сентябрындагы № 466 буйругуна ылайык

күчүн жоготту

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2004-жылдын 17-майы № 295-б

Кыргыз Республикасынын Аскердик сотунун материалдык-техникалык базасын чыңдоо максатында:

1. Кыргыз Республикасынын Юстиция министрлиги белгиленген тартипте Кыргыз Республикасынын Юстиция министрлигине караштуу Сот департаментинин балансынан Кыргыз Республикасынын Жогорку сотунун балансына андан ары Кыргыз Республикасынын Аскердик сотун жайгаштыруу үчүн Бишкек шаары, М.Жунусалиев көчөсү, 171 дареги боюнча жайгашкан имаратты өткөрүп берсин.

2. Кыргыз Республикасынын Мамлекеттик мүлктү башкаруу боюнча мамлекеттик комитети:

- белгиленген тартипте ушул буйруктун 1-пунктунда көрсөтүлгөн имаратты кабыл алуу-өткөрүп берүүнү камсыз кылсын;

- Кыргыз Республикасынын мамлекеттик башкаруу органдарынын администрациялык имараттарды пайдалануу боюнча Топтомо реестрине өзгөртүү киргизсин.

3. Кыргыз Республикасынын Өкмөтүнүн 2004-жылдын 9-февралындагы № 66-б буйругуна төмөнкүдөй өзгөртүү киргизилсин:

- 1-пункттун экинчи абзацы алып салынсын.

4. Бул буйруктун аткарылышын контролдоо Кыргыз Республикасынын Мамлекеттик мүлктү башкаруу боюнча мамлекеттик комитетине жүктөлсүн.