Кыргыз Республикасынын Финансы министрлигинин 2015-жылдын 14-октябрындагы № 175-б буйругу менен бекитилди

1.

Каржылоо булагы

1.1.

Конкурстун жыйынтыгы боюнча түзүүгө мүмкүн болгон келишимди каржылоо үчүн ККӨНдө көрсөтүлгөн каражаттар пайдаланылат.

2.

Конкурстун катышуучуларынын мыйзамдуу укуктары

2.1.

Конкурска катышууга чакыруу, Кыргыз Республикасы катышуучу болгон кандайдыр-бир эл аралык макулдашуулар же Кыргыз Республикасынын мыйзамы менен өз ара мамилелерге тыюу салынган өлкөлөрдөн тышкары, ар бир өлкөнүн кызмат көрсөтүүнү берүүчүлөрүнө жайылтылат.

2.2.

Конкурстун катышуучусу (консорциумдун бардык мүчөлөрүн жана субподрядчыларды кошкондо) Мыйзамдын 6-беренесине ылайык кызыкчылыктардын кагылышуусуна жол бербеши керек жана кызыкчылыктардын кагылышуусуна жол берген конкурстун катышуучуларынын конкурстук табыштамалары кабыл алынбайт. Конкурстук процесстин бир же бир нече тараптары менен кызыкчылыктардын кагылышуусу төмөнкү учурларда болот:

(а) бул конкурстук документтердин башка бөлүмдөрүнүн же/жана техникалык талаптарын иштеп чыгуу боюнча консультациялык кызмат көрсөтүүлөрдү көрсөтүүгө бөлүмчөсү же ар бир филиалы, кызматкерлери заказ берүүчү тарабынан тартылган уюм менен мурда же азыркы учурдагы байланышы;

(б) ушул конкурстук процесстин алкагында бирден көп конкурстук табыштаманы берсе же конкурстун башка катышуучусу менен же заказ берүүчү менен жалпы жетекчиге жана/же түзүүчүгө ээ болсо. Бирок бул чектөө субродрядчылардын же берүүчүлөрдүн бирден ашык конкурстук табыштамага катышуусуна жайылтылбайт; же

(в) конкурстук табыштаманы берген күнгө чейин акыркы эки жыл аралыгында заказ берүүчүнүн кызматкери болуп эсептелсе, же мындай кызматкерди жалданма персонал катары пайдаланса.

2.3.

Кыргыз Республикасынын Мыйзамдын 5-беренесине ылайык Конкурстун катышуучулары (консорциумдун бардык мүчөлөрүн жана субподрядчыларды кошкондо) ишеничтүү жана ак ниеттүү эмес берүүчүлөрдүн маалыматтар базасында болбошу керек.

2.4.

Сатып алуучу Мыйзамдын 6-беренесинин 3, 4, 5, 7-бөлүмдөрү менен каралган учурларда берүүчүлөр менен алкактык макулдашуу же келишим түзө албайт.

3.

Конкурстун катышуучуларынын квалификациясы

3.1.

Конкурстун катышуучулары конкурстук табыштама менен бирге ушул конкурстук документтерде белгиленген квалификациялык талаптарга ылайык келүүсүн аныктаган документалдык аныктаманы, ошондой эле кызмат көрсөтүүлөрдү аткаруу графигине дал келген жана сунушталган методдун сыпатталышын беришет.

3.2.

Эгерде алдын-ала квалификациялык тандоо өткөрүлгөн болсо, анда келишимди берүүдө алдын-ала квалификациялык тандоодон өткөн гана катышуучулардын конкурстук табыштамалары каралат. Бул катышуучулар алдын-ала квалификациялык тандоого табыштама берген учурдан баштап келип чыккан бардык өзгөртүүлөр көрсөтүп жана бардык тиркемелер менен "Квалификация жөнүндө маалыматтардын" толтурулган формасын берип, алдын-ала квалификациялык тандоого алгачкы табыштамада берилген маалыматтарды тастыктоого тийиш.

3.3.

Эгер, Сатып алуучу Мыйзамдын 27-беренесине ылайык потенциалдуу катышуучуларды алдын ала квалификациялык тандоодон өткөрбөсө, бардык катышуучулар эгер, Конкурстун нускамасына карата Өзгөчө шарттарда башка каралбаса, конкурстук табыштаманын курамына кирген Квалификация жөнүндө маалыматтарга кийинки маалыматтарды жана документтерди ошондой эле төмөнкү маалыматтарды кошууга тийиш:

а) иштин негизги түрүн жана катталган ордун, юридикалык статусун көрсөтүү менен юридикалык жактын уставы жана каттоосу жөнүндөгү күбөлүктүн көчүрмөсүн;

б) Кыргыз Республикасынын ыйгарым укуктуу органы тарабынан берилген учурда колдонууда болгон лицензиянын көчүрмөсүн (лицензиялоого тийиш болгон, келишим менен каралган иштин бардык түрлөрүн);

в) "Конкурстун өзгөчө нускамасында" көрсөтүлгөн кызмат көрсөтүүлөрдүн жалпы көлөмү тууралуу маалыматтарды;

г) "ККӨНдө" көрсөтүлгөн кызмат көрсөтүүлөрдүн айрым түрлөрүн аткаруу боюнча тажрыйбасы бар экени жөнүндө маалыматтарды, ошондой эле бул келишимдер боюнча мындан ары маалыматтарды алуу үчүн кайрылууга боло турган адамдардын байланыш маалыматтарын жана дарегин, алар жөнүндө маалыматтарды, келишимдик милдеттенмелер жөнүндө так маалыматтарды;

д) жетекчилердин жана негизги кызматкерлердин квалификациясы жана иш тажрыйбасы жөнүндө маалыматтарды, ошондой эле келишимди аткаруунун жүрүшүндө колдонуу болжолдонгон негизи жабдуулардын жана материалдардын бар экени жөнүндөгү маалыматтарды;

е) Конкурстук табыштаманы берердин алдындагы "Конкурстун катышуучуларына өзгөчө нускамада" көрсөтүлгөн мезгил үчүн конкурстун катышуучусунун финансылык ишмердиги жөнүндө отчеттордун көчүрмөсүн (баланстар, чарба иштеринин жыйынтыгы жөнүндө отчеттор, акча каражаттарынын кыймылы жөнүндө отчеттор, кирешелер жана чыгымдар жөнүндө отчеттор, аудитордук корутундулар);

ж) Кыргыз Республикасынын Социалдык фондуна милдеттүү төлөмдөрдү жана салыктарды төлөө боюнча карыздардын жок экендиги тууралуу маалымдама жана алар конкурс өткөрүлгөн учурда күчүндө болушу керек;

з) келишимди аткаруу үчүн финансылык ресурстардын бар экенин тастыктаган документтер (жүгүртүү каражаттары, кредиттик линияга жеткиликтүүлүк, башка финансылык ресурстардын бар экени);

и) Конкурстун катышуучуларын тейлеген банктардан маалыматтарды алуу укугуна ишеним кат;

к) акыркы ____ жылда(рда) же азыркы учурда тартылган соттук катышууга тиешелүү маалымат соттук катышуучулардын тараптарын жана талашылып жаткан сумманы көрсөтүү менен азыркы учурда катышуучу тартылган соттук териштирүүгө тийиштүү маалыматтар боюнча мыйзам түрүндө күчүнө кирген соттук акт.

3.4.

Келишимди алууга талаптануу үчүн конкурстун катышуучусу төмөндөгү квалификациялык талаптарга жооп бериши керек:

а) аткарылган кызмат көрсөтүүлөр боюнча жылдык жүгүртүү "Конкурстун катышуучуларына өзгөчө нускамада" көрсөтүлгөн суммадан кем болбошу керек;

б) мүнөзү жана татаалдык даражасы боюнча окшош болгон келишимдерди аткаруу тажрыйбасы бар экенин (келишимдин минималдуу наркы "Конкурстун катышуучуларына өзгөчө нускамада" көрсөтүлгөн), ошондой эле "Конкурстун өзгөчө нускамасында" саналып кеткен кызмат көрсөтүүлөрдүн айрым түрлөрүн аткаруу тажрыйбасы; конкурстук табыштаманы берген күнгө карата ал боюнча тажрыйбасы көрсөтүлө турган келишимдин 70 пайызынан кем эмеси аякташы керек (ошону менен бирге сатып алуучу уюм өткөрүлүп жаткан конкурска же өзүнчө лотко, сатып алуунун наркынан артык мүнөзү боюнча окшош кызмат көрсөтүүлөргө талап коюуга укуктуу эмес);

в) "Конкурстун катышуучуларына өзгөчө нускамада" саналган жабдуулардын негизги түрлөрүн ижарага алуу мүмкүндүгүн же өзүндө бар экенин тастыктоо;

г) Көлөмү жана мүнөзү боюнча окшош кызматты көрсөтүү тажрыйбасы бар негизги кызматкерлердин жана жетекчилердин бар болушу;

д) Келишимди аткаруу үчүн жетиштүү көлөмдө финансылык ресурстардын бар болушу;

е) Конкурстун катышуучусуна карата козголгон соттук териштирүүлөрдүн жок экендиги; конкурстун катышуучусуна же консорциумдун кайсы бир мүчөсүнө карата мурда бир нече жолку соттук териштирүүлөрдүн бар болушу жана ал боюнча жыйынтыгында терс чечим кабыл алынган болсо, анда бул берилген конкурстук табыштаманы кабыл албай коюу үчүн жетиштүү негиз болуп эсептелет;

ж) Кыргыз Республикасынын ыйгарым укуктуу органы тарабынан берилген, келишим менен каралган иштердин түрлөрүн ишке ашырууга учурда колдонуудагы лицензиянын бар болушу (эгер сөзсүз түрдө лицензиялоого тийиш болсо), же болбосо келишимге кол коюлганга чейин мындай лицензияны алууга катышуучунун жазуу жүзүндөгү милдеттенмеси;

з) Кыргыз Республикасынын Социалдык фондуна милдеттүү төлөмдөр жана салык төлөө боюнча карыздардын жоктугу;

и) Конкурстун катышуучуларына өзгөчө нускамада көрсөтүлгөн кошумча талаптар.

3.5

Эгерде конкурстук документтерде лот боюнча баалоо каралган болсо жана ар бир лот үчүн өзүнчө квалификациялык талаптар белгиленген болсо, анда бир нече лот боюнча келишим алууга талаптанган катышуучу, эгер Конкурстун өзгөчө нускамасында башкасы көрсөтүлбөгөн болсо, ар бир лот үчүн КНнын 3.4 пунктунун а),б),в),г) жана д) пунктчаларында белгиленген талаптардагы суммага ылайык келиши керек.

3.6.

Эгерде Конкурстук табыштама  бир же андан ашык фирмадан турган консорциум тарабынан берилсе, анда:

а) жөнөкөй шериктештиктин (консорциумдун) ар бир мүчөсү Конкурстун нускамасынын 3.3-пунктунда талап кылынган маалыматтарды берет;

б) Конкурстук табыштама менен бирге, бардык өнөктөштөр үчүн юридикалык күчкө ээ болуш үчүн мына ушундай түрдө түзүлгөн жана кол коюлган жөнөкөй шериктештикти (консорциумду) түзүү жөнүндө макулдашуу берилет;

в) Кыргыз Республикасынын Мыйзамдарына жана келишимдин шарттарына ылайык келишимди аткаруу үчүн бардык өнөктөштөр бирдей жоопкерчилик тартышат, бул жөнөкөй шериктештикти (консоциумду) түзүү жөнүндө макулдашууда чагылдырылышы керек;

г) өнөктөштөрдүн бири жетектөөчү болуп дайындалат, бул жөнөкөй шериктештикти (консорциумду) түзүү жөнүндө макулдашуу менен тастыкталат, жетектөөчү өнөктөштүн эсебине гана аткарылуучу төлөмдөрдү кошкондо, ал бардык өнөктөштөрдүн же кайсы бир өнөктөштүн атынан алардын тапшырмасы боюнча көрсөтмө алууга жана милдеттенмелерди алып жүрүүгө ыйгарым укуктуу.

3.7.

Конкурстук документтерде сатып алуучу жөнөкөй шериктештиктин өнөктөштөрүнө талаптарды белгилейт. Жогоруда көрсөтүлгөн КНнын 3.4-пунктун а), б), в), г) жана д) пунктчаларында баяндалган квалификациялык талаптарга конкурстун катышуучусу ылайык келээрин аныктоо үчүн жөнөкөй шериктиештиктин (консорциумдун) ар бир мүчөсүн мүнөздөөчү цифралар суммаланат. Кыргыз Республикасынын Мыйзамдарында көрсөтүлгөн тартипте конкурстук сунуштагы бардык документтер нотариалдык түрдө күбөлөндүрүлгөн болуусу керек. Конкурстук документтерде талап кылынган жок учурда же коюлган талаптарга ылайык келбеген учурда сатып алуучу катышуучунун конкурстук сунушун четке кагат.

3.8.

“Конкурстун өзгөчө нускамасында” башкасы каралбаган болсо, квалификациялык талаптарга ылайык келүүсүн аныктоодо субподрядчылардын тажрыйбасы эсепке алынат.

4.

Ар бир катышуучудан бир конкурстук табыштама

4.1.

Конкурстун ар бир катышуучусу бир гана конкурстук табыштама бере алат. Бул конкурска өз алдынча бирден көп конкурстук табыштама берген же, жөнөкөй шериктештиктин (консорциумдун) өнөктөшү катары бир нече табыштамага катышкан катышуучунун бардык табыштамалары четке кагылат.

5.

Конкурска катышуудагы чыгымдар

5.1.

Катышуучу конкурстук табыштаманы берүү жана даярдоого байланыштуу бардык чыгымдарды тартат. Заказ берүүчү конкурстун жыйынтыгына карабастан мындай чыгымдарды толтуруу үчүн жоопкерчилик тартпайт.

6.

Кызмат көрсөтүлө турган участокту көрүп келүү

6.1.

Катышуучу өзүнүн жоопкерчилиги жана тобокелдиги алдында кызмат көрсөтүү болжолдонгон  участокту  көрүп келсе болот. Участокту көрүүдө катышуучу тарабынан өз алдынча алынган бардык маалыматты  конкурстук табыштаманы даярдоо жана келишим түзүү үчүн колдонууга болот. Катышуучу тарабынан участокко барууга кеткен чыгымдар өздүк каражаттарынын эсебинен жабылат. Конкурстук табыштаманы берүү менен конкурстук катышуучусу келечектеги кызмат көрсөтүлө турган участокту текшерип карап көргөндүгүн жана бардык болгон шарттарды эске алганын билдирет.

Б. Конкурстук документтерге кирүүчү документтердин тизмеси

7.

Конкурстук  документтердин мазмуну

7.1.

Конкурс үчүн документ (мындан ары текст боюнча - Конкурстук документ) төмөнкүдөй бөлүктөрдү камтыйт:

1-бөлүк. Конкурстун катышуучуларына нускама (ККН);

б) 2-бөлүк. Конкурстун катышуучуларына өзгөчө нускама (ККӨН);

в) 3-бөлүк. Келишимдин жалпы шарттары (КЖШ);

г) 4-бөлүк. Келишимдин өзгөчө шарттары (КӨШ);

д) 5-бөлүк. Кызмат көрсөтүүлөрдүн тизмеси (КТ);

е) 6-бөлүк. Кызмат көрсөтүүлөргө талаптар (ККТ);

ж) 7-бөлүк. Стандарттык формалар. ККӨНдө көрсөтүлгөн конкурстук документтерге киргизилген стандарттык формалардын тизмеси.

7.2.

Конкурска катышууга чакыруу Конкурстук документтин курамына кирбейт жана маалымат үчүн гана киргизилет. "Конкурстун нускамасынын" 7.1-пунктунда саналып өткөн Конкурска катышууга чакыруу менен конкурстук документтин ортосунда туура келбестик келип чыкканда конкурстук документ артыкчылыкка ээ болот.

7.3.

Конкурстун катышуучусу конкурстук документте камтылган кызмат көрсөтүүлөргө бардык талаптарды, шарттарды, формаларды, нускамаларды таанышып чыгышы керек. Конкурстук документтерде суралган маалыматтарды толук бербөө, же конкурстук документтердин талаптарына жооп бербеген конкурстук табыштаманы берүү конкурстук табыштаманы четке кагууга алып келет.

8.

Конкурстук документке түшүндүрмө берүү жана конкурстун алдындагы кеңешме

8.1.

Конкурстун катышуучусу ККӨНдө көрсөтүлгөн дарек боюнча жазуу жүзүндө суроо-талап жөнөтүп, конкурстук документ боюнча түшүндүрмө берүүнү заказ берүүчүдөн сураганга укуктуу. Суроо-талап конкурстук табыштамаларды берүү мөөнөтү аяктаганга 5 жумуш күндөн кем эмес убакыт калганга чейин заказ берүүчү тарабынан кабыл алынышы керек. Заказ берүүчү мындай суроо-талапка конкурстук табыштамаларды берүү мөөнөтү аяктаганга 3 жумуш күнүнөн кем эмес убакыт калганга чейин суроо-талаптын мазмунун баяндап түшүндүрмө берүүгө тийиш. Түшүндүрмө конкурстук документ берилген бардык катышуучуларга жөнөтүлөт, ошондой эле мамлекеттик сатып алуулардын веб-порталына жайгаштырылат.

8.2.

Эгерде ККӨНдө каралган болсо, анда заказ берүүчү конкурстун алдындагы кеңешмени ККӨНдө көрсөтүлгөн жерде, көрсөтүлгөн күнү жана убакытта өткөрөт. Катышуучуларга конкурстун алдындагы кеңешме башталганга чейин заказ берүүчүгө суроолордун тизмесин даярдап жана жөнөтүү сунушталат. Кеңешменин жыйынтыгы боюнча берилген суроолор жана алардын түшүндүрмөлөрүн көрсөтүү менен протокол түзүлөт. Протокол Конкурстук документ жөнөтүлгөн бардык катышуучуларга жөнөтүлөт, ошондой эле мамлекеттик сатып алуулардын Веб-порталына жайгаштырылат.

9.

Конкурстук документтерге өзгөртүүлөрдү жана толуктоолорду киргизүү

9.1.

Заказ берүүчү конкурстук табыштамаларды берүү мөөнөтү аяктаганга чейин 3 жумуш күн калгандан кеч эмес конкурстук документтердин бөлүктөрүнө же кызмат көрсөтүүлөргө талаптарга, толуктоолорду жарыялоо жолу менен өзгөртүү киргизүүгө укуктуу. Конкурстук документтердин өзгөртүлүшү (толуктоо) тууралуу маалымат конкурстук бардык катышуучуларына сөзсүз түрдө жазуу жүзүндө билдирме жиберүү аркылуу мамлекеттик сатып алуулардын Веб-порталына жарыяланат.

9.2.

Конкурстун катышуучулары киргизилген өзгөртүүлөрдү же берилген түшүндүрмөлөрдү эсепке алып, конкурстук табыштамаларын даярдоо үчүн жетиштүү убакыт берүү үчүн, заказ берүүчү, өз мүмкүнчүлүгүнө карап, Конкурстун нускамасынын 9.1-пунктунда көрсөтүлгөн боюнча, тийиштүү толуктоолорду жарыялап жана катышуучуларга кабарлап, конкурстук табыштамаларды берүүнүн акыркы мөөнөтүн узартса болот.

В. Конкурстук табыштаманы даярдоо

10.

Конкурстук табыштаманын тили

10.1.

Конкурстун катышуучусу тарабынан даярдалган конкурстук табыштама (мындан ары текст боюнча "Конкурстук табыштама"), ошондой эле конкурстун катышуучусу жана заказ берүүчү бири-бирине жазышып туруучу конкурстук табыштамага тийиштүү бардык корреспонденция жана документтер ККӨНдө көрсөтүлгөн тилде түзүлүүгө тийиш.

10.2.

Эгерде Конкурстук табыштамада документтер башка тилде тиркелсе (сертификаттардын көчүрмөлөрү, техникалык документ, рекламалык продукция жана башкалар), анда мындай документтер Конкурстун нускамасынын 10.1-пунктундагы тилге күбөлөндүрүлгөн котормо менен коштолушу керек.

11.

Конкурстук табыштамага кирген документ

11.1.

Конкурстук табыштама төмөнкүлөрдү камтышы керек:

а) конкурстун катышуучусунун аталышын жана юридикалык дарегин, сунушталган кызмат көрсөтүүлөрдүн сыпатталышын жана жалпы наркын (эгерде конкурстук документте менен бирден ашык лот каралган болсо, ар бир лот боюнча) көрсөтүү менен "Конкурстук табыштаманын” (7-бөлүктө берилген стандарттык формага ылайык) толтурулган формасын;

б) Кызмат көрсөтүүнүн ар бир түрү боюнча өзүнчө бааларын жана жыйынтык наркын, ошондой эле жалпы наркын (эгерде конкурстук документтер менен бирден ашык лот каралган болсо, айрым “кызмат көрсөтүүлөрдүн тизмеси” сунушталган ар бир лот боюнча  толтурулат)  көрсөтүү менен (5-бөлүктө берилген формага ылайык) толтурулган “Кызмат көрсөтүүлөрдүн тизмеси”;

в) конкурстук табыштамага кол койгон жана конкурстун катышуучусунун атынан анын милдеттерин кабыл алууга ыйгарым укуктуулугун тастыктаган адамга берилген конкурстук табыштамага кол коюу укугуна ишеним (жөнөкөй шериктештикти түзүү жөнүндө макулдашуу), эгерде конкурстук табыштамага ишкананын жетекчиси тарабынан кол коюлган болсо, анын ыйгарым укуктарын тастыктоочу документтердин жана анын дайындалганы жөнүндөгү буйруктун күбөлөндүрүлгөн көчүрмөлөрү берилет;

г) тиркемелери менен "Квалификация жөнүндө маалыматтын" (7-бөлүктө берилген формага ылайык) толтурулган формсы, ошондой эле КНдин 3.3-пунктунда каралган бардык маалыматтар жана документтер;

д) КНдин 16-бөлүгүндө талап кылынган "Конкурстук табыштаманы кепилдик  камсыз кылуу, эгерде кепилдик  камсыз кылуу жогоруда аталган бөлүк менен талап кылынбаса (7-бөлүктө берилген стандарттык формага ылайык) анда "Конкурстук табыштамага кепилдик берүүчү декларация";

е) кызмат көрсөтүүлөр үчүн колдонулуучу материалдар жана жабдууларга толтурулган техникалык спецификацияларды кошкондо, конкурстук документтердин талаптары боюнча кызмат көрсөтүүлөрдү аткаруу графиги жана кызмат көрсөтүүлөрдү аткаруунун сунушталган методдоруна ылайык келүүсүн тастыктаган документтер, эгерде "Кызмат көрсөтүүлөргө талаптар" бөлүгүндө (заказ берүүчүнүн талаптарына бардык эскертүүлөрдү жана четке кагууларды көрсөтүү менен) сунушталган колдонулуучу материалдардын жана жабдуулардын мүнөздөрүнүн сыпатталышы жана ККӨНдө көрсөтүлгөн башка документтер берилген болсо;

ж) конкурстун катышуучусу тарабынан ар бир барагына кол коюлган "Келишимдин жалпы шарттары" жана "Келишимдин өзгөчө шарттары";

з) ККӨНгө ылайык конкурстун катышуучусу берүүгө тийиш болгон башка документтер.

11.2.

Конкурстук табыштамада талап кылынган документтердин жок болушу мындай конкурстук табыштаманы четке кагуу үчүн жетиштүү негиз болот.

11.3.

Эгерде башкасы көрсөтүлбөгөн болсо, документтердин түп нускасы берилүүгө тийиш. Конкурстук табыштамада берилген, катышуучунун квалификациясын жана мыйзамдуу укугун тастыктоочу документтердин көчүрмөсү Кыргыз Республикасынын мызамдарында көрсөтүлгөн учурларда нотариалдык күбөлөндүрүлгөн болууга тийиш. Документтер КНдин 10.1.-пунктунда көрсөтүлгөн тилден башка тилде болсо, конкурстун катышуучусу мыйзамдаштырылган котормону нотариус тарабынан күбөлөндүрүп берүүгө тийиш.

12.

Конкурстук табыштаманын баасы

12.1.

"Кызмат көрсөтүүлөрдүн тизмесинде" жана "Конкурстук табыштаманын" формасында конкурстун катышуучусу тарабынан көрсөтүлгөн баалар кызмат көрсөтүүлөрдү, ошондой эле келишимде көрсөтүлгөн келишимдик башка милдеттенмелерди аткарууга байланыштуу кызмат көрсөтүүлөрдү берүүчү тарабынан төлөнүүчү бардык чыгымдарды, алымдарды жана жыйымдарды, салыктарды камтууга тийиш.

12.2.

Конкурстун катышуучусу тарабынан сунушталган баа жазылып белгилениши керек жана келишимди аткаруу жана конкурстук табыштаманын иштөө мөөнөтү аралыгында эч бир шартта өзгөртүлбөшү керек. Баалардын өзгөрүшүнө жол берген конкурстук табыштама конкурстук документтин негизги шарттарына жооп бербеген катары каралат жана КНтин 26-бөлүгүнө ылайык четке кагылат.

12.3.

ККӨНдө көрсөтүлгөн боюнча, сатып алуулардын предмети өзүнчө лотторго бөлүнгөндө катышуучулар конкурстук табыштамаларын бир же бир нече лотко бере алышат. Конкурстук табыштамаларды баалоо жана Келишимди ыйгаруу ар бир лот боюнча өзүнчө аткарылат. Конкурстук табыштама бир нече лотко берилген учурда конкурстун катышуучусу ар бир сунушталган лотко өзүнчө "Кызмат көрсөтүүлөрдүн тизмесин" толтурушу керек жана "Конкурстук табыштама" формасында ар бир лоттун жалпы наркын көрсөтүшү керек.

13.

Конкурстук табыштамалардын валютасы жана төлөмдөрү

13.1.

Эгерде ККӨНдө башкасы каралбаган болсо, баалар кыргыз сому менен көрсөтүлүшү керек.

13.2.

Эгерде ККӨНдө башкасы каралбаган болсо, чет элдик валютада баа коюуда Кыргыз Республикасынын резиденти болуп эсептелген кызмат көрсөтүүлөрдүн берүүчүсүнүн төлөмү, төлөө күнүнө карата Кыргыз Республикасынын Улуттук банкы тарабынан чет элдик валютага ылайык келе турган расмий курс боюнча улуттук валютада (кыргыз сому менен) жүргүзүлөт.

14.

Конкурстук табыштаманын иштөө мөөнөтү

14.1.

Конкурстук табыштама "Конкурстун нускамасынын" 21.1-пунктуна ылайык конкурстук табыштаманы ачкан күндөн баштап эсептелген ККӨНдө көрсөтүлгөн мөөнөт аралыгында катышуучу тарабынан өзгөртүлбөйт же болбосо чакыртылып алынбайт жана күчүндө болууга тийиш.

14.2.

Эгерде баалоо жана келишимге кол коюу КНдин 14.1.-пунктунда көрсөтүлгөн мөөнөтүндө бүткөрүлбөсө, Заказ берүүчү конкурстун катышуучуларынан алардын конкурстук табыштамаларынын мөөнөтүн белгилүү мезгилге узартууну суранууга укуктуу. Мындай өтүнүч жана ага жооп берүү жазуу жүзүндө болууга тийиш. Конкурстун катышуучусу конкурстук табыштаманы кепилдик камсыз кылууну кайтарып алуу укугун жоготпостон, өзүнүн конкурстук табыштамасынын мөөнөтүн узартуу өтүнүчүн канааттандырбай коюуга укуктуу. Өзүнүн табыштамасынын иштөө мөөнөтүн узартууга макул болгон конкурстун катышуучусу ага кандайдыр бир өзгөртүүлөрдү киргизүүгө укугу жок жана конкурстук табыштаманы кепилдик камсыз кылуунун иштөө мөөнөтүн тийиштүү мезгилге узартууга милдеттүү. Конкурстук табыштаманы кепилдик камсыз кылуу банктык кепилдик менен берилген болсо, конкурстун катышуучусу мурда берилген кепилдикти узартуу жөнүндө банктын тастыктамасын бериши керек, же конкурстук табыштаманын иштөө мөөнөтүн узартууну эске алуу менен жаңы конкурстук табыштаманы кепилдик камсыз кылууну бериши керек.

15.

Конкурстук табыштаманы кепилдик камсыз кылуу

15.1.

Конкурстун катышуучусу конкурстук табыштаманы кепилдик камсыз кылуу "Конкурстун катышуучуларына нускаманын өзгөчө шарттарында" көрсөтүлгөн өлчөмдө жана формада өзүнүн конкурстук табыштамасынын бөлүгү катары берүүгө тийиш.

Конкурстук табыштаманы кепилдик камсыз кылуунун иштөө мөөнөтү конкурстук табыштаманын иштөө мөөнөтү менен дал келиши керек.

15.2.

Конкурстук табыштаманы кепилдик камсыз кылууга (же КНдин 15.5. пунктунда каралган болсо, "Конкурстук табыштаманы кепилдөөчү декларация") ээ болбогон конкурстук табыштама конкурстук документтердинн шарттарына жооп бербеген катары заказ берүүчү тарабынан четке кагылат.

15.3.

Конкурстук табыштаманы кепилдик камсыз кылуу заказ берүүчү тарабынан төмөнкүдөй учурларда кармалып калат:

а) Жеңүүчүнүн конкурстук табыштамасында каралган шарттарда келишимге кол коюудан баш тартса;

б) Келишимди аткарууну кепилдик камсыз кылууну берүүдөн баш тартканда;

в) Конкурстук табыштаманы ачкандан кийин жана анын иштөө мөөнөтү бүткөнгө чейин чакыртып алганда;

г) Конкурстук табыштамалар салынган конверттерди ачкандан кийин конкурстук табыштамалардын шарттары өзгөртүлсө.

15.4.

Конкурстук табыштаманы кепилдик камсыз кылуу конкурстун катышуучусуна кандай суммада жана валютада берилген болсо ошондой түрдө, конкурстун жеңүүчүсү тарабынан келишимге кол коюлгандан кийин 3 жумуш күнүнөн кеч эмес, эгер талап кылынган болсо келишимди аткарууну кепилдик камсыз кылууну бергенден кийин, же болбосо конкурстук табыштаманы кепилдик камсыз кылууну иштөө мөөнөтү өткөндөн кийин кайтарылып берилет.

15.5.

ККӨНдө көрсөтүлгөн боюнча, заказ берүүчү конкурстук табыштаманы кепилдик камсыз кылууну берүү жөнүндө талаптын ордуна, конкурстун катышуучулары тарабынан 7-бөлүктө берилген стандарттык формага ылайык жазуу жүзүндө "Конкурстук табыштаманы кепилдөөчү декларацияны" берүү жөнүндө талапты белгилей алат. Бул декларациянын шарттарын бузса, катышуучу мамлекеттик сатып алууларга катышуудан четтетилет жана Мыйзамдын 6-беренесине ылайык "Ак ниеттүү эмес берүүчүлөрдүн (подрядчылардын) маалымат базасына" киргизилет.

16.

Конкурстук табыштаманы тариздөө жана кол коюу

16.1.

Конкурстун катышуучусу конкурстук табыштаманын бир түп нускасын жана эки көчүрмөсүн даярдашы керек, ар бир экземплярда тийиштүү түрдө "КОНКУРСТУКТАБЫШТАМАНЫН ТҮП НУСКАСЫ" жана "КОНКУРСТУК ТАБЫШТАМАНЫН КӨЧҮРМӨСҮ" деп так көрсөтүшү керек. Түп нуска менен көчүрмөнүн ортосунда туура келбестик келип чыкканда, конкурстук табыштаманын түп нускасы артыкчылыкка ээ болот.

16.2.

Конкурстук табыштаманын түп нускасы жана көчүрмөсү өчпөй турган сыя менен жазылышы же басылып берилиши керек жана конкурстун катышуучусунун атынан конкурстук табыштамага кол коюуга бардык ыйгарым укуктарга ээ адам тарабынан кол коюлуп жана конкурстун катышуучусунун мөөрү менен бекемделүүгө тийиш.

16.3.

Конкурстук табыштамага кол коюуга ыйгарым укуктуу адамдын ыйгарым укугу ишеним кат же анын ыйгарым укугун жана дайындалышын тастыктоочу документтердин (устав, жетекчини дайындоо жөнүндө жеке менчик ээсинин чечими) күбөлөндүрүлгөн көчүрмөлөрү менен тастыкталышы керек.

16.4.

 Конкурстук табыштамада саптардын арасына жазып киргизүүлөр, кырып тазалоолор, кошуп жазуулар болбошу керек. Эгерде конкурстун катышуучусу тарабынан табылган каталарды оңдоо зарыл болсо, оңдоолор өчпөй турган сыя менен киргизилиши керек жана конкурстук табыштамага кол койгон адам же адамдар тарабынан парафирлениши зарыл.

Г. Конкурстук табыштамаларды берүү

17.

Конкурстук табыштамалар салынган конверттерди чаптоо жана маркерлөө

17.1.

Конкурстун катышуучусу конкурстук табыштамалардын түп нускасын жана көчүрмөсүн өз-өзүнчө конверттерге салып чапташы керек жана аларды тийиштүү түрдө "ТҮП НУСКА" жана "КӨЧҮРМӨ" деп белгилеп коюшу керек. Мындан кийин конверттер тышкы конвертке салынып чапталат.

17.2.

Ички конверт:

а) "Конкурска катышууга чакырууда" көрсөтүлгөн дарек боюнча Сатып алуучуга даректелүүгө тийиш;

б) сатып алынуучу предметтин аталышын жана Конкурска катышуучунун дарегин камтууга тийиш.

Сырткы конверт "Конкурстун өзгөчө Нускамасында" көрсөтүлгөн конкурстук табыштамалардын сатып алуу предмети, ачуу убактысы жана датасы жана "Чейин ачпоо керек" деген сөздөрдү камтууга тийиш.

17.3.

Эгерде тышкы конверт КНдин 17.2-пунктунун талаптарына ылайык чапталбаган жана маркерленбеген болсо, ал жоголуп кетсе, же өз учурунан эрте ачылган болсо заказ берүүчү жоопкерчилик тартпайт.

18.

Конкурстук табыштамаларды берүүнүн акыркы мөөнөтү жана орду

18.1.

Конкурстук табыштамалар ККӨНдө көрсөтүлгөн дарек боюнча жана өз убагында заказ берүүчү тарабынан алынышы керек.

18.2.

Заказ берүүчү КНдин 8.2.-пунктуна ылайык катышуучуларды кабардар кылып жана конкурстук документтерге толуктоолорду жарыялоо менен конкурстук табыштамалардын акыркы мөөнөтүн кечирээк мөөнөткө жылдырса болот. Мындай учурда заказ берүүчүнүн жана конкурстун катышуучуларынын укуктары жана милдеттери конкурстук табыштамаларды берүүнүн акыркы мөөнөтүн өзгөртүүнү эсепке алуу менен пайда болот жана уланат.

19.

Белгиленген мөөнөттөн кийин алынган конкурстук табыштамалар

19.1.

Конкурстук табыштамаларды берүүнүн КНдин 18-пунктунда белгиленген акыркы мөөнөтү аяктагандан кийин заказ берүүчү тарабынан алынган конкурстук табыштамалар кабыл алынбайт жана конкурстун катышуучуларына ачылбастан кайтарылып берилет.

20.

Конкурстук табыштаманы өзгөртүү, алмаштыруу же чакыртып алуу

20.1.

Конкурстун катышуучусу, КНдин 19-бөлүгүндө белгиленген конкурстук табыштамаларды берүүнүн акыркы мөөнөтү аяктаганга чейин заказ берүүчүгө өзгөртүү, алмаштыруу же чакыртып алуу тууралуу жазуу жүзүндөгү билдирме жиберүү шарты менен, өзүнүн конкурстук табыштамасын бергенден кийин өзгөртсө, алмаштырса же чакыртып алса болот. Билдирмеге конкурстук табыштамага кол коюуга ыйгарым укугу КНдин 16.3-пунктуна ылайык тиркелген ишеним кат же башка документтер менен тастыкталган адам тарабынан кол коюлууга тийиш.

20.2.

Конкурстук табыштаманы өзгөртүү, алмаштыруу же чакыртып алуу тууралуу билдирме КНдин 17 жана 18-бөлүктөрүнүн жоболоруна ылайык даярдалып, чапталып, маркерленип жана жеткирилиши керек. Муну менен катар конверттерге кошумча тийиштүү түрдө “ӨЗГӨРТҮҮ”, “АЛМАШТЫРУУ” же “ЧАКЫРТЫП АЛУУ” деп маркерленет.

20.3.

Конкурстук табыштаманы берүүнүн акыркы мөөнөтү өткөндөн кийин конкурстук табыштаманы өзгөртүү, алмаштыруу же чакыртып алууга жол берилбейт.

Д. Конкурстук табыштамаларды ачуу жана баалоо

21.

Конкурстук табыштамаларды заказ берүүчү тарабынан ачуу

21.1.

Заказ берүүчү КНдин 18-бөлүгүндө белгиленген конкурстук табыштамаларды берүүнүн акыркы мөөнөтү бүткөнгө чейин берилген конкурстук табыштамалардын бардыгын катышууну каалаган конкурстун катышуучуларынын өкүлдөрүнүн катышуусунда, ККӨНдө көрсөтүлгөн күнү жана саатта, көрсөтүлгөн дарек боюнча ачат. Конкурстун катышуучуларынын өкүлдөрү өздөрүнүн келгенин тастыктап журналга катталышы керек. Катышуучуларга аудио жаздырууга жана видеого тартууга уруксаат берилет. Конкурстук табыштамаларды ачардын алдында конкурстун катышуучулары аудио жаздыруу жана видиого тартуу жөнүндө өзүнүн ниети конкурстук комиссияга билдирүүгө тийиш. Табыштамаларды ачууда катышып турган адамдар конкурстук комиссиянын ишине кийлигишүүгө укугу жок.

21.2.

Биринчи "ЧАКЫРЫП АЛУУ" деген жазуусу бар конверттер ачылат жана окулат. Конкурстук комиссия "ЧАКЫРЫП АЛУУ" тийиштүү түрдө таризделгенин аныктаган шартта конкурстук табыштама конкурстун катышуучусуна табыштамаларды ачуу жол-жобосу бүткөндөн кийин кайтарылып берилет.

21.3.

Андан кийин "АЛМАШТЫРУУ" деген жазуусу бар конверт ачылып, окулат. Конкурстук комиссия "АЛМАШТЫРУУ" тийиштүү түрдө таризделгенин аныктаган шартта "АЛМАШТЫРУУ" тийиштүү түрдө таризделгенин аныктаган шартта "АЛМАШТЫРУУ" деген конверттеги маалымат ачылып, окулат, ал эми алгачкы конкурстук табыштама табыштамаларды ачуу жол-жобосу бүткөндөн кийин конкурстун катышуучусуна ачылбаган бойдон кайтарылып берилет.

21.4.

Андан кийин "ӨЗГӨРТҮҮ" деген жазуусу бар конверттер ачылып, окулат. Конкурстук комиссия "ӨЗГӨРТҮҮ" тийиштүү түрдө таризделгенин аныктаган шартта катышуучунун алгачкы конкурстук табыштамасы ачылат, ал эми андагы маалымат "ӨЗГӨРТҮҮ" деген конвертте берилген маалыматтардагы өзгөртүүлөрдү жана оңдоп түзөтүүлөрдү эске алуу менен окулат.

21.5.

Конкурстук табыштамалардын калгандары эркин тартипте ачылат. Муну менен катар конкурстук комиссия мурдараак ачылган конкурстук табыштамага тийиштүү маалыматтарды текшерүү жана жарыялоо аяктамайынча кийинки табыштаманы ачууга киришпейт.

21.6.

Конкурстук табыштамаларды ачууда төмөнкүлөр жарыя кылынат:

- конкурстун катышуучусунун аталышы жана юридикалык дареги;

- конкурстук табыштамада "ЧАКЫРЫП АЛУУ", "АЛМАШТЫРУУ" же "ӨЗГӨРТҮҮ" бар же жок экени;

- конкурстук табыштаманын баасы, эгерде конкурс бир нече лотко бөлүнгөн болсо, ар бир лоттун баасы окулат;

- арзандатууларды берүү жана аларды колдонуу шарттары;

- Конкурстук табыштамалардын иштөө мөөнөтү;

- бар же жок экени жөнүндө маалымат:

- "Конкурстук табыштамалардын" жана толтурулган "Кызмат көрсөтүүлөрдүн тизмесинин" формасы

-"Конкурстук табыштаманы кепилдик камсыз кылуу же "Конкурстук табыштаманы кепилдөөчү декларация" (КНдин 15-бөлүгүнүн талаптарына карата);

- конкурстук табыштамага кол коюуга ыйгарым укугун тастыктоочу ишеним кат же башка документтер;

- башка талап кылынуучу документтер (техникалык сунуштар жана квалификациялык маалыматтар)

- Социалдык фондго милдеттүү төлөмдөр жана салыктар боюнча карыздардын болушу (жоктугу) жөнүндө маалыматтар, маалымдама берген уюмдардын аталышы жана берилген маалымдамалардын номерлерин кошкондо;

-Талап кылынган бардык документтердин болушу.

Конкурстук табыштамаларды ачууда баалоо жана же жеңүүчүнү жарыялоо жүргүзүлбөйт. Конкурстун катышуучусуна ачылбастан кайтарылууга тийиш болгон, кечигип калган конкурстук табыштамадан тышкары, конкурстук табыштама түздөн-түз ачуу учурунда четке кагылбайт. Ачуу жол-жобосу учурунда конкурстун катышуучуларына конкурстун башка катышуучуларынын конкурстук табыштамаларын же өзүнүн конкурстук табыштамасын тактоо, конкурстук документтерди түшүндүрүүгө тийиштүү маселелер боюнча конкурстук комиссияга кайрылууга тыюу салынат.

21.7.

Заказ берүүчү конкурстук табыштамаларды ачуунун протоколун жүргүзөт, ал маалыматтар катышып тургандарга жарыяланат. Протоколго конкурстук катышуучулары, ачууга катышып тургандар жана конкурстук комиссиянын мүчөлөрүнүн бардыгы кол коюшат, андан кийин, ачуудан бир күн өткөндөн кийин бир жумуш күнү ичинде мамлекеттик сатып алуулардын Веб-порталына жарыяланат. Конкурс электрондук форматта жүргүзүлгөн учурда катышуучулардын конкурстук табыштамалары система менен автоматтык түрдө ачылат жана ачуунун протоколу веб-порталда түзүлөт.

21.8.

Конкурстук табыштамаларды ачуунун протоколунун көчүрмөсүн конкурстун катышуучусунун каалаганына анын суроо-талабы боюнча берүүгө болот.

22.

Заказ берүүчү менен байланыш жана купуялуулукту сактоо

22.1.

Келишимди тапшыруу боюнча сунуштарды жана конкурстук табыштамаларды карап чыгуу, баалоо жана салыштырууга тийиштүү маалыматтар конкурстун натыйжасы жана келишимди ыйгаруу жөнүндө кабарлоо Мамлекеттик сатып алуулардын веб-порталына жарыяланмайынча ачыкка чыгарылууга тийиш эмес. Конкурстун натыйжаларын жарыялаганга чейин жогоруда көрсөтүлгөн маалымат купуялуу болуп эсептелет жана конкурстук табыштамаларды баалоо боюнча өздөрүнүн милдеттерин аткаруу үчүн зарыл болгон көлөмдө баалоо процессинде расмий катышкан адамдарга гана маалымдалат.

22.2.

Конкурстук табыштамалар менен байланышкана суроо талаптардан башка учурларда, Конкурстун катышуучулары табыштамаларды ачкан учурдан келишимди ыйгарган учурга чейин конкурстун башка катышуучуларынын же өзүнүн конкурстук табыштамасына байланыштуу кандайдыр-бир маселе боюнча заказ берүүчү менен байланышууга тийиш эмес.

22.3.

Конкурстун катышуучусу тарабынан келишимди ыйгаруу же конкурстук табыштамаларды баалоо жана салыштырууга байланыштуу заказ берүүчүнүн чечимине таасир бере турган ар кандай аракеттер, мындай катышуучунун конкурстук табыштамасын четке кагууга алып келет.

23.

Конкурстук табыштамаларды түшүндүрүү

23.1.

Конкурстук табыштамаларды баалоо процессинде заказ берүүчү конкурстун катышуучусунан анын конкурстук табыштамасы боюнча түшүндүрүүнү суранса болот. Түшүндүрүү боюнча суроо-талап жана ага жооп берүү жазуу жүзүндө болууга тийиш. КНдин 26-бөлүгүнө ылайык оңдоолор жана конкурстук табыштамаларды баалоодо заказ берүүчү тарабынан табылган арифметикалык каталардын оңдолгонун катышуучу тастыктагандардан тышкары, конкурстук табыштамалардын негизги шарттарын өзгөртүүгө же баа коюу жана бааны өзгөртүү байланыштуу иштерге суроо-талаптарга жол берилбейт. КНдин 24-бөлүгүндө саналган, жетпей калган документтерди конкурстун катышуучусунан сурап алууга тыюу салынат.

24.

Конкурстук табыштамалар менен алдын-ала таанышуу

24.1.

Заказ берүүчү, баалоо өткөрүлгөнгө чейин конкурстук табыштама тариздөө боюнча талаптарга жооп берерин, зарыл болгон документтердин бардыгын камтырын, тийиштүү түрдө кол коюлгандыгын жана конкурстук документте көрсөтүлгөн көлөмдө кызмат көрсөтүүлөрдү аткарууну сунуштарына ынануу максатында алдын-ала баалоо жүргүзөт. Бул этапта заказ берүүчү төмөнкү талаптарга шайкеш келүүсүн белгилейт:

б) Конкурстук табыштаманын формасын текшерүү. Конкурстук табыштамага кол коюу укугуна ээ адам кол коюшу керек. Эгерде конкурстун табыштамасына жетекчи тарабынан кол коюлбаган болсо, катышуучунун конкурстук табыштамасынын курамында катышуучунун атынан кол коюу укугун берүүчү ишеним кат болушу керек;

б) Конкурстук табыштаманын толуктугу. конкурстун катышуучусу конкурстук табыштаманы толук көлөмдө берүүгө тийиш. Сатып алуучу уюм тарабынан суралган конкурстук документтерде кайсы бир документтин жок болушу конкурстук табыштамаларды четке кагууга негиз болот;

в) Укуктуулугу жана алгылыктуулугу. Заказ берүүчү ишенимдүү эмес берүүчүлөрдүн, подрядчылардын тизмесинен катышуучуну текшерет. Эгерде өнөктөш бул тоорукка байланыштуу консультациялык кызмат көрсөтүүлөрдү берген болсо, же тооруктун бул катышуучусу юридикалык өз алдынча болгон мамлекеттик ишкана болуп саналса, анда тооруктун катышуучусу (жөнөкөй шериктештиктин бардык өнөктөштөрүн жана субподрядчыларды кошкондо), четтетилет. Конкурстук комиссия укуктуулук документтерди текшерүүгө тийиш, тактап айтканда, уставды, юридикалык жактын күбөлүгүн,  кол коюу укугуна ишеним катты;

г) Конкурстук табыштаманы кепилдик камсыз кылуу. Конкурстун катышуучусу тарабынан конкурстук табыштаманы кепилдик камсыз кылуунун берилген өлчөмү, формасы жана иштөө мөөнөтү, конкурстук документтин талаптарына шайкеш келүүгө тийиш. Эгерде конкурстук табыштаманы кепилдик  камсыз кылуу банктын кепилдиги түрүндө берилсе, анын тексти конкурстук табыштаманы кепилдик камсыз кылуунун формасына шайкеш келүүгө тийиш. Эгерде кепилдик конкурстук табыштаманы кепилдөөчү Декларация формасында берилсе, ал белгиленген формага шайкеш келүүсүн такташы керек.

24.2.

Эгерде конкурстук табыштама КНдин 25.1-пункту менен белгиленген талаптарга жооп бербесе, анда ал заказ берүүчү тарабынан четке кагылат жана кийин табылган четтөөлөрдү жоюу аркылуу конкурстук документтердин талаптарына шайкеш келтирилбейт.

25.

Конкурстук документтин негизги талаптарына шайкеш келүү

25.1.

Заказ берүүчү ар бир конкурстук табыштаманын конкурстук документтердин негизги талаптарына шайкеш келүүсүн белгилейт. Конкурстук табыштама "Келишимдин жалпы шарттарын", "Келишимдин өзгөчө шарттарын", квалификациялык талаптарды, кызмат көрсөтүүлөрдү аткаруунун көлөмүн, мөөнөтүн жана ордун, ошондой эле "Кызмат көрсөтүүлөргө талаптарды" негиздүү четтөөлөрсүз, алып салууларсыз, каршылыксыз, шартуулуксуз жана жаңылышсыз аткарууну кошкондо, конкурстук документтин белгиленген бардык талаптарына шайкеш келсе, анда конкурстук документтин негизги талаптарына жооп берет деп эсептелет.

Негиздүү деп эсептелген четтөөлөр, алып салуулар каршы пикирлер, шартуулуктар же жаңылыштыктар төмөнкүлөр болуп эсептелет: (а)көлөмдү чектесе, колдонулуучу материалдарды жана жабдууларды кошкондо, сатып алынуучу кызмат көрсөтүүлөрдү сапатын же мүнөзүн начарлатса; (б) Келишимди ыйгаруу учурунда заказ берүүчүнүн укугун же конкурстун катышуучусунун (кызмат көрсөтүүлөрдү берүүчүнүн) милдеттенмелерин чектетсе; (в) конкурстук табыштамаларды салыштырууга таасир берсе, талаптарга толук шайкеш келген табыштамаларды берген конкурстун башка катышуучуларынын кызыкчылыктарына зыян келтирсе.

25.2.

Эгерде конкурстук табыштама конкурстук документтердин негизги талаптарына жооп бербесе, анда ал сунушталган баага карабастан заказ берүүчү тарабынан четке кагылат. Конкурстун катышуучусу конкурстук табыштаманы негиздүү четтөөлөрдү жоюу аркылуу өзгөрткөнгө жана конкурстук документтердин негизги талаптарына шайкеш келтиргенге болбойт.

26.

Арифметикалык каталарды оңдоо

26.1.

КНдин 25-бөлүгүнө ылайык конкурстук документтин негизги талаптарына жооп берет деп табылган конкурстук табыштамаларга заказ берүүчү тарабынан арифметикалык каталардын болушуна текшерүү жүргүзүлөт. Каталар табылган учурда заказ берүүчү төмөнкүдөй жол аркылуу аларды оңдойт:

а) Позиция боюнча бирдик үчүн бааны санга көбөйтүүнүн натыйжасында алынган жыйынтык маани жана бирдик үчүн баанын (кызмат көрсөтүүлөрдү аткарууга коюлган жалгыз баа) ортосунда айырма келип чыкса, негиз катары бирдик үчүн баа алынат жана позиция боюнча жыйынтык маани түзөтүлөт;

б) Позициялар боюнча жыйынтык маанилерди кошуу жолу аркылуу алынган жалпы сумма менен өзүнчө позициялар боюнча жыйынтык маанинин ортосунда айырма келип чыкса, анда позициялар боюнча жыйынтык маани артыкчылыкка ээ болот жана жалпы суммага түзөтүү киргизилет;

в) Эгерде цифра жана жазуу жүзүндө берилген чоңдуктардын ортосунда айырма келип чыкса, жогорудагы а) жана б) пунктчаларында сыпатталган арифметикалык каталарды кошпогондо, негиз катары жазуу жүзүндө берилген чоңдук алынат.

26.2.

Конкурстук табыштамада табылган арифметикалык каталар заказ берүүчү тарабынан жогорудагы эрежелерге ылайык оңдолот. Жүргүзүлгөн оңдоолор конкурстун катышуучусу үчүн милдеттүү болуп саналат. Эгерде конкурстун катышуучусу КНдин 26.1-пунктуна ылайык жүргүзүлгөн оңдоолорду кабыл албаса, анын конкурстук табыштамасы четке кагылат жана конкурстук табыштаманы кепилдик  камсыз кылуусу  кармалып калат.

27.

Бирдиктүү валютага которуу

27.1

Ар кайсы валютада көрсөтүлгөн конкурстук табыштамаларды салыштыруу максатында, заказ берүүчү КНдин 21.1-пунктуна ылайык конкурстук табыштамаларды ачуу күнүнө карата Кыргыз Республикасынын Улуттук банкы тарабынан белгиленген алмаштыруу курсунун сатуусу боюнча заказ берүүчү конкурстук табыштамалардын баасын Кыргыз сомуна конверсиялайт.

28.

Конкурстук табыштамаларды баалоо жана салыштыруу

28.1.

Заказ берүүчү КНдин 24-бөлүгүнө ылайык алдын-ала текшерүүдөн ийгиликтүү өткөн жана КНдин 25-бөлүгүнө ылайык конкурстук табыштамалардын негизги талаптарына шайкеш деп таанылган гана Конкурстук табыштамаларга баалоо жана салыштыруу жүргүзөт. Конкурстук табыштамалар КНдин 27-бөлүгүнө ылайык бирдиктүү валютага которгондон кийин, конкурстук табыштамаларды баалоо жана салыштыруу КНдин 26-бөлүгүнө ылайык арифметикалык каталарды оңдоону эске алуу менен жүргүзүлөт.

28.2.

Заказ берүүчү тарабынан конкурстук табыштамаларды баалоо жана салыштырууда, конкурстук табыштамалардын баасынан тышкары ККӨНдө көрсөтүлгөн критерийлер да көңүлгө алынат.

Буга катар, табыштамаларды салыштыруу максаты үчүн белгиленген, конкурстук табыштаманын баалык наркын алуу үчүн, ар бир колдонулуучу критерий үчүн түзөтүү киргизилген сумма ККӨНдө көрсөтүлгөн методикага ылайык эсептелүүгө тийиш. Ал КНдин 27-бөлүгүнө ылайык бирдиктүү валютага которулган жана КНдин 26-бөлүгүн эске алуу менен алдын-ала түзөтүү киргизилген конкурстук табыштаманын баасынан кемитилет (же ККӨНдө көрсөтүлгөн болсо, баасына кошулат).

28.3.

Эгерде Конкурстук табыштамада "Кызмат көрсөтүүлөрдүн тизмесинде" каралган өзүнчө позициялар жок болсо жана конкурстук табыштама КНдин 25-бөлүгүнө ылайык конкурстук  документтин негизги талаптарына жооп берет деп табылган болсо, анда баалык наркты аныктоо үчүн конкурстук табыштаманын наркына, конкурстун башка катышуучулары сунуштаган максималдуу баа коюуну эске алуу менен эсептелген жок позициялардын наркы кошулат. Бирок, конкурстук табыштамалардын жалпы наркы бардык кое берилген позициялардын наркын эске алуу менен бул сатып алуулар үчүн каралган суммадан ашса, заказ берүүчү мындай конкурстук табыштамаларды, талапка жооп бербеген катары, четке кагат.

28.4.

Эгерде конкурстук табыштамада өзүнчө позициялар бар болсо, бирок аларга баа коюлган эмес болсо, анда алардын наркы “Кызмат көрсөтүүлөрдүн тизмеси менен каралган башка позицияларга киргизилген деп эсептелет. Тийиштүү түрдө мындай баа коюлбаган кызмат көрсөтүүлөр аларды аткарууда төлөөгө жатпайт.

Е. Келишимди ыйгаруу

29.

Келишимди ыйгаруу критерийлери

29.1.

Заказ берүүчү төмөнкү документтерди камтыган конкурстук табыштаманы берген конкурстун катышуучусуна келишимди ыйгарат:

- тажрыйба, кадыр-барк, мүнөздөмө;

- кызмат көрсөтүүлөрдүн сапаты, колдонулуучу материалдардын техникалык спецификациянын талаптарына шайкеш келүүсү;

- кызмат көрсөтүүлөрдүн графиги;

- финансылык каражаттардын болушу, финансылык шарттар (аванстык төлөмдүн жоктугу, төлөмдү узак мөөнөткө жылдыруу мүмкүндүгү);

- жабдуулардын болушу;

- техниканын жана өндүрүштүк базанын болушу;

- келишимди аткаруу үчүн квалификациялуу же тийиштүү адистердин болушу;

- жардамчы жана негизги техникалык персоналдын болушу;

- ККӨНдө көрсөтүлгөн башка критерийлер жана/же техникалык спецификацияларга жооп берсе.

30.

Заказ берүүчүнүн конкурстук табыштаманы кабыл алуу же четке кагуу укугу.

30.1.

Эгерде конкурстун предмети болгон кызмат көрсөтүүлөрдү мындан ары сатып алуу зарылдыгы жок болуп калса, келишимди түзүүгө чейинки каалаган учурда, кабыл алынган бардык конкурстук табыштамаларды четке кагууга жана мамлекеттик сатып алуулар жол-жобосун токтотуп коюуга заказ берүүчүнүн укугу бар. Буга катар, заказ берүүчү конкурстун катышуучуларына конкурска катышууга байланыштуу чыгымдарды компенсациялоого жана/же токтотуп коюу тууралуу өзүнүн чечимин негиздөөгө милдеттүү эмес.

30.2.

Заказ берүүчү конкурстук табыштаманы төмөнкү учурларда четке кагат:

а) конкурстун катышуучусу укуктуу эмес болсо, же КНдин 2-бөлүгүнө ылайык кызыкчылыктардын талаш-тартышына ээ болсо;

б) конкурстун катышуучусу КНдин 3-бөлүгүнө ылайык белгиленген квалификациялык талаптарга шайкеш келбесе, же Кыргыз Республикасынын Социалдык фондуна милдеттүү төлөмдөр жана салык боюнча карыздары болсо;

в) конкурстук табыштама КНдин 16-бөлүгүнө ылайык таризделген, КНдин 11-бөлүгүнө талап кылынган документтерди камтыбаса;

г) конкурстун катышуучусу КНдин 15-бөлүгүнө ылайык, конкурстук табыштаманы кепилдик камсыз кылууну, же жогоруда аталган пунктка ылайык кепилдик камсыздоо талап кылынбаса, "Конкурстук табыштаманы кепилдик менен камсыздоочу декларацияны" бербесе;

д) конкурстук табыштама КНдин 25-бөлүгүнө ылайык конкурстук документтердин негизги талаптарына шайкеш келбесе;

е) кызмат көрсөтүүлөрдү аткаруу методдору же колдонулуучу материалдардын же жабдуулардын мүнөздөмөсү конкурстук документтин "Кызмат көрсөтүүлөргө талаптарына" шайкеш келбесе, же КНдин 11.1-пунктунда талап кылынган колдонулуучу материалдардын жана жабдуулардын сапатын тастыктоочу документтин жоктугу;

ж) КНдин 26-бөлүгүнө ылайык, конкурстун катышуучусу анын конкурстук табыштамасындагы арифметикалык каталарды оңдоого макул болбосо;

з) КНде түздөн-түз каралган башка учурларда.

30.3.

Заказ берүүчү төмөнкү учурларда  Конкурс өтпөй калды деп тааныйт:

а) бардык Конкурстук табыштамалар четке кагылганда;

б) Конкурстук табыштамалардын минималдуу баасы бул сатып алууга заказ берүүчү тарабынан бөлүнгөн суммадан ашса.

30.4.

Заказ берүүчү, конкурстук табыштаманы кепилдик камсыз кылуу боюнча милдеттенмелерди кайтарууну кошпогондо, конкурсту токтотуп койгон учурда же бардык конкурстук табыштамаларды же алынгандардын каалаганын четке каккан учурда конкурстун катышуучусунун алдында эч кандай жоопкерчилик тартпайт.

30.5.

Заказ берүүчү конкурс болбой калганын таануу жөнүндө же конкурс токтотулганы тууралуу катышуучуларга кабарлайт жана чечим кабыл алынгандан кийин бир жумуш күн ичинде мамлекеттик сатып алуулардын веб-порталына маалыматты жарыялайт.

31.

Келишимди ыйгаруу жөнүндө билдирме

31.1.

Келишимди ыйгаруу жөнүндө чечим кабыл алынгандан кийин 3 (үч) жумуш күнү ичинде заказ берүүчү мамлекеттик сатып алуулардын веб-порталына өткөрүлгөн конкурс жөнүндө төмөнкү маалыматтарды жарыялайт: катышуучулардын аталышы, ар бир конкурстук табыштаманын баасы жана баалык наркы, конкурстук табыштамаларды четке кагуунун себептери, ошондой эле жеңип чыккан конкурстун катышуучусунун аталышы, ыйгарылган келишимдин предмети, баасы жана созулушу.

31.2.

Жыйынтыктарды жарыялоо менен бирге эле заказ берүүчү жеңүүчүгө анын конкурстук табыштамасы жеңип чыкты деп таанылганы жөнүндө жазуу жүзүндө кабарлайт. Келишимди ыйгаруу жөнүндө билдирме келишимдин ажырагыс бөлүгү болуп саналат.

31.3.

Эгерде конкурстун жыйынтыгын жарыялагандан кийин кайсы бир катышуучу эмне үчүн анын конкурстук табыштамасы жеңүүчү деп аныкталбаган себептерин тактоону кааласа, ал өзүнүн суроо-талабын заказ берүүчүгө жазуу жүзүндө жөнөтүшү керек. Заказ берүүчү конкурстун катышуучусуна анын конкурстук табыштамасын четке кагуунун себептерин көрсөтүү менен, эгер ушундай болгон болсо, конкурстун катышуучусуна түшүндүрүү берет. Түшүндүрүү, түшүндүрүүнү сураган конкурстун катышуучусунун конкурстук табыштамасы боюнча берилет, ал эми конкурстун башка катышуучуларынын конкурстук табыштамалары ачылбайт жана талкууланбайт.

32.

Келишимге кол коюу жана келишимди аткарууга кепилдик камсыздоо берүү

32.1.

Заказ берүүчү конкурстук документте берилген "Келишимдин", "Келишимдин жалпы шарттары" "Келишимдин өзгөчө шарттарынын" стандарттык формаларына ылайык келишимди даярдайт. Кол коюу үчүн жөнөтүлгөн келишимде жеңүүчү болгон конкурстун катышуучусунун конкурстук табыштамасында сунушталган баалар жана шарттар чагылдырылат.

32.2.

Конкурста  жеңип чыккан Катышуучу конкурстар бир этаптуу жана эки этаптуу усул аркылуу өткөрүлгөндө 7 (жети) жумуш күндөн кийин, конкурстар жөнөкөйлөтүлгөн усул аркылуу жана бааны төмөндөтүү усулу аркылуу өткөрүлгөндө 2 (эки) жумуш күндөн кийин Келишимге кол коет жана талап кылынган келишимди аткарууну кепилдик камсыз кылуу менен бирге аны Сатып алуучуга жеткирип берет. Конкурстук табыштамасы жеӊип чыккан подрядчы менен  конкурстук табыштаманын иш-аракетинин мөөнөтүндө конкурстук табыштамалардын шарттарына ылайык сатып алуулар келишими түзүлөт.

32.3.

Кол коюлган келишим менен бирге конкурстун катышуучусу келишимди аткаруунун кепилдик камсыз кылуусун бериши керек. Келишим Кыргыз Республикасынын сатып алуулар алкагындагы Мыйзамдарына ылайык күчүнө кирет.

33.

Көмүскө бүтүм жана мажбурлоо

33.1.

Сатып алуучу Катышуучудан  сатып алуулар жүрүп жатканда этиканын жогорку стандарттарын кармоосун  жана келишимдерди аткаруусун талап кылат жана төмөнкү Законго ылайык келбеген иш-аракеттерге кабылган болбоосу керек:

а)  "көмүскө бүтүм" мамлекеттик каражаттардын эффективдүү жана үнөмдүү сарпталышына жана ачык-айкын өтүшүшнө терс таасирин тийгизе турган эки же андан көп катышуучулардын, алар менен бирге Сатып алуучунун ортосунда болгон жашыруун сүйлөшүп келишкендик.

б) "мажбурлоо" - Келишимди аткарууда же алардын катышуусунда адамдарга же алардын мүлкүнө зыяндарды келтирүү же зыяндарды (тикелей же кыйыр) келтирүү коркунучу.

33.2.

Эгер, Келишимди ыйгарууга сунушталган Конкурстун катышуучусу Закондуу түрдө соттун чечими менен коррупция, алдамчылык, көмүскө бүтүм же мажбурлоо  боюнча жоопко тартылган же соттолгон болсо, Сатып алуучу табыштаманы четке кагышы керек жана аларды ишенимсиз (ак ниетсиз) берүүчүлөрдүн  маалымат базасына киргизүүнү демилгелөөгө тийиш.

А. Жалпы жоболор

1.

Аныктамалар

1.1

Эгер контекстте башкалар көрсөтүлбөсө, бул келишимде  келтирилген мындан аркы колдонулуучу терминдер төмөндөгү мааниге ээ:

а) "Заказ берүүчү " сатып алуучу уюмду билдирет;

б) "кызматтарды берүүчү" конкурстун Жеңүүчүсү деп таанылган юридикалык жак жана келишим шарттарына ылайык заказды ишке ашыруучуну билдирет;

в) "Сатып алынуучу кызматтар тизмеси" сатып алуу предметин билдирет;

г) "Заказды аткаруунун графиги" заказды аткаруунун мөөнөтүн билдирет;

д) "Аткаруучунун конкурстук табыштамасы" тооруктардын жеңүүчүсү деп таанылган жана анын негизинде келишим түзүлгөн катышуучунун конкурстук табыштамасын билдирет;

е) "Келишим" ага бардык тиркемелер жана толуктоолору менен Тараптар тарабынан кол коюлган Макулдашуу, жана келишимде көрсөтүлгөн шилтемелерде көрсөтүлгөн башка документтер;

ж) "Келишим наркы" келишим шарттарына ылайык Кызматтары аткаруу үчүн төлөнүүчү бааны билдирет;

з) "КЖШ" келишимдин жалпы шарттары;

и) "КӨШ" келишимдин өзгөчө шарттарын билдирет, ал КЖШны өзгөртөт же толуктайт;

к) "Тараптар" кырдаалына карата Заказ берүүчүнү же Аткаруучуну билдирет;

л) "Спецификациялар" конкурстук документтерге Заказ берүүчү тарабынан киргизилүүчү кызматтарды спецификациялоону билдирет.

2.

Тили

2.1

Келишим КӨШтө көрсөтүлгөн тилде таризделген, ал милдеттүү жана бул Келишимдин мааниси же чечмелөөсү менен байланыштуу негизги тил болуп саналат.

3.

Келишимдин документтери

3.1.

Келишимди түзүүчү документтер төмөндөгүлөр болуп саналат:

конкурстук табыштаманы кабыл алуу жөнүндө кабарлоо;

келишим;

аткаруучунун конкурстук табыштамасы;

баа таблицасы, сатып алуучу кызматтардын тизмеси, заказды аткаруунун графиги жана берүү шарттары;

келишимдин жалпы шарттары;

келишимдин өзгөчө  шарттары;

 квалификация жөнүндө маалыматтар;

спецификациялар жана чиймелер;

конкурстук шарттарда баяндалган, ар бир башка документ.

3.2.

Келишимдин бөлүгүн түзүүчү (ошондой эле документтердин бардык бөлүктөрү) бардык документтери өз ара байланыштуу жана өз ара түшүндүрүүчү жана бир жалпылык катары саналат.

4.

Келишимди аткарууну кепилдик камсыз кылуу

4.1.

Заказ берүүчү келишимди аткарууну кепилдик камсыз кылууну жеңүүчүдөн талап кылышы мүмкүн, өлчөмү жана формасы Келишимдин өзгөчө шарттарында көрсөтүлгөн.

4.2.

Келишимди аткарууну кепилдик камсыз кылуу Келишим боюнча өзүнүн милдеттенмелерин Подрядчы толугу менен аткаргандан кийин үч (3) күндөн кеч эмес Заказ берүүчү тарабынан кайтарылат, эгер келишимдин өзгөчө шарттарында башка шарттар көрсөтүлбөсө.

5.

Заказ берүүчү менен аткаруучунун ортосундагы расмий баарлашуу

5.1.

Келишим шарттарын ишке ашыруу алкагында тараптар ортосундагы расмий баарлашуу жазуу түрүндө гана күчүндө болот.

Б. Келишимдин башталышы, аякталышы, өзгөртүү жана токтотуу

6.

Келишимдин күчүнө кирүүсү

6.1.

Мамлекеттик сатып алуулар жөнүндө бул келишим жазуу түрүндө түзүлөт жана тараптар кол койгон датадан баштап күчүнө кирет, мамлекеттик бюджеттен каржылануучу бюджеттик мекемелердин келишимдеринен тышкары, алар ыйгарым укуктуу мамлекеттик органда келишимди каттоо күнүнөн баштап түзүлгөн деп эсептелет.

6.2

Кызматтарды берүүчү Кызматтарды аткарууну Келишим күчүнө кирген күндөн тартып баштайт, эгерде башка мөөнөт КӨШтө каралган эмес болсо.

6.3

Кызматтарды берүүчү КӨШтө көрсөтүлгөн пландалган аяктоо датасына карата бардык иштерди аяктайт.Эгер берүчү пландалган бүткөрүү датасына карата иш чараларды бүткөрө албай калса 14.1-пунктка ылайык айыптык санкцияларды төлөө боюнча жоопкерчилик тартат.

7.

Келишимдик документтерди жана маалыматтарды пайдалануу

7.1.

Кызматтарды берүүчү Сатып алуучунун жазуу жүзүндөгү алдын-ала макулдугусуз Келишимдин кандайдыр бир мазмунун же анын кандайдыр бир жоболорун, ошондой эле техникалык документтерди, пландарын, чиймелерин, моделдерин, үлгүлөрүн же Сатып алуучу берген же анын атынан башка адамдарга маалыматтарды ачыктоого тийиш эмес, бул Келишимди аткаруу үчүн Аткаруучу тарабынан тартылган персоналдан тышкары. Көрсөтүлгөн маалымат аткаруучу тарабынан тартылган персоналга келишимдик милдеттенмелерди аткаруу үчүн зарыл болгондой түрдө конфиденциалдуу түрдө берилүүгө тийиш.

7.2.

Кызматтарды берүүчү Сатып алуучунун алдын-ала макулдугусуз кандайдыр бир жогоруда саналган документтерин же Келишимди ишке ашыруучу максатында тышкаркы маалыматты берүүгө тийиш эмес.

8.

Өзгөртүү

8.1.

Бул Келишимдин шарттарын өзгөртүү, Кызматтардын көлөмүн ар кандай өзгөртүүлөрүн кошкондо, Тараптар ортосунда жазуу түрүндө макулдугу болуусунда гана жол берилет, Кыргыз Республикасынын мыйзамдарында каралган учурларда.

8.2.

Зарылдыгына карай Сатып алуучу келишимди түзүү учурунда кызматтар Тизмесинде көрсөтүлгөн кызматтардын санын (көлөмүн) көбөйтөт же азайтат бир продукциянын бирдигинин баасын өзгөртүүсүз же башка шарттарда (пландалган суммадан үнөмдөлгөн каражаттын чегинде).

9.

Форс-мажор

9.1.

Берүүчү өзүнүн Келишимди аткаруунун кепилдигин камсыз кылуусунан ажырап калбайт жана айып төлөм төлөө үчүн же анын шарттарын аткарбаган күчүндө Келишимди бузууга жоопкерчилик тартпайт, эгер  Келишимди аткарууну кечиктирүү  кырдаалдын форс-мажорунун натыйжасы болуп саналса.

9.2.

Ушул бөлүктүн максаты үчүн "форс-мажор" Аткаруучунун жаңылыш же туура эместигине байланышпаган жана күтүлбөгөн мүнөзгө ээ болгон Аткаруучу тараптан контролго  баш ийбеген окуяны билдирет. Мындай окуялар согуш жана революция, жаратылыш жана табигый кырсыктар, эпидемиялар, карантиндер жана башкалар, бирок алар менен чектелбейт.

9.3.

Форс-мажордук кырдаал келип чыкканда Аткаруучу мындай кырдаалдар жана алардын себептери жөнүндө жазуу жүзүндө кабарлоону Сатып алуучуга токтоосуз жиберүүгө тийиш. Эгер Сатып алуучудан башка жазуу жүзүндөгү Нускамалар келип түшпөсө, Аткаруучу Келишим боюнча өзүнүн милдеттерин аткарууну улантат, анткени бул максатка ылайыктуу жана форс-мажордун кырдаалына карабастан Келишимди аткаруунун альтернативдик жолун издөөнү улантат. Ар кандай мезгилдин ичинде Тараптар ушул келишимге ылайык ар кандай иш аракеттерди же тапшырмаларды аяктоосу тийиш, бул Тарап форс-мажордун кырдаалына байланыштуу мындай иш-аракеттерди аткара албагандай мезгилге барабар мөөнөткө чейин узартылат.

9.4

Форс-мажордук кырдаалдар  пайда болуусунда же андан аркы иштөө үчүн мүмкүнчүлүктөрдүн жоктугунда, кызматтарды берүүчү аванстык төлөмдү кемитүү менен кызматтарды фактылай аткаргандыгы боюнча төлөмдөрү алуу укугуна ээ.

10

Келишимди бузуу

10.1.

Тараптардын биринин, келишимде каралган принципиалдуу шарттардан аны ажырата турган, келишимди олуттуу бузган учурда, заказ берүүчү же кызмат көрсөтүүлөрдү берүүчү тарабынан келишимди көрсөтүлгөн мөөнөткө чейин бузганга болот.

10.2.

Келишимди олуттуу бузуулар деп төмөнкүлөр эсептелет, бирок булар менен гана чектелип калбайт:

а) эгерде кызмат көрсөтүүлөрдү берүүчү "Кызмат көрсөтүүлөрдү берүүнүн жана заказ аткаруунун графиги" деген 9-тиркемеде көрсөтүлгөн мөөнөттөрдү бузса, заказ берүүчү келишимди буза алат;

б) заказ берүүчү тарабынан белгиленген убакыт аралыгында, кызмат көрсөтүүлөрдү берүүчү заказ берүүчү тарабынан көрсөтүлгөн кемчиликтерди жойбосо, заказ берүүчү келишимди бузат;

в) эгерде заказ берүүчү аткаруучу тараптан берилген тийиштүү билдирмеден кийин өзүнүн милдеттенмелерин аткарбаса, анда кызмат көрсөтүүлөрдү берүүчү келишимди бузат;

г) эгерде келишимди аткаруу процессинде кызмат көрсөтүүлөрдү берүүчү, коррупция, алдамчылыкка жол берген болсо;

Кыргыз Республикасынын мыйзамдарында каралган башка учурларда.

10.3.

Бул келишимди бузгандан кийин, 10.2 пунктуна ылайык заказ берүүчү келишимди бузуу күчүнө киргенге чейин аткарылган кызмат көрсөтүүлөр үчүн аткаруучуга төлөм жүргүзүүгө тийиш.

11.

Заказдын графигин аткаруу мөөнөтү боюнча талаптар

11.1.

Кызмат көрсөтүүлөрдү берүүчү "Кызмат көрсөтүүлөрдү берүү жана заказ аткаруунун графиги" № 6 тиркемеде көрсөтүлгөн заказ аткаруунун мөөнөтү жана тартиби боюнча талаптарды сактоого тийиш. Графиктен четтеп кетүү же аткаруучу тараптан заказды аткарууну кечеңдетүү ага салына турган төмөнкүдөй санкцияларга алып келиши мүмкүн: келишимди аткарууну кепилдик камсыз кылууну кармап калуу менен келишимди жокко чыгаруу, же "Келишимдин өзгөчө шарттарында" көрсөтүлгөн өлчөмдө үстөк айыпты подрядчыны төлөтүү. Үстөк айыптын жалпы суммасы "Келишимдин өзгөчө шарттарында" көрсөтүлгөн суммадан ашпашы керек. Заказ берүүчү үстөк айыпты аткаруучуга тийиштүү суммадан кемитип коет. Үстөк айыптарды төлөө аткаруучунун келишимди аткаруу милдеттенмелеринен арылтпайт.

В. Сатып алуучунун милдеттенмеси

12.

Колдонулган мыйзамдардын өзгөрүшү

12.1.

Эгерде келишимге кол коюлгандан кийин, аткаруучу тарабынан берилүүчү кызмат көрсөтүүлөрдүн баасынын көбөйүшүнө же азаюусуна алып келе турган салыктарга, жыйымдарга же милдеттүү төлөмдөргө тиешелүү колдонулган мыйзамдарга кандайдыр-бир өзгөртүү киргизилсе, анда келишимдин баасына тийиштүү түзөтүүлөр киргизилиши керек, ошондой эле тараптардын сүйлөшүүлөрү менен тийиштүү түрдө жогорулатылып же төмөндөтүлүшү керек.

13.

Төлөмдөр

13.1.

12.1-пунктунда көрсөтүлгөн учурлардан тышкары, аткаруучунун пайдасына төлөнүүчү төлөмдөр кызмат көрсөтүүлөрдү аткарууда аткаруучу тарабынан чыгымдалган бардык чыгымдар жана сарптоолорду камтыган келишимдин суммасынан ашпашы керек.

13.2

Аткаруучуга төлөм "Келишимдин өзгөчө шарттарында" көрсөтүлгөн төлөө графигине ылайык жүргүзүлөт. Аткаруучу төлөнүүчү аванстын суммасына банктык кепилдикти бергенден кийин аванстык төлөм заказ берүүчү тарабынан жүргүзүлөт. Мындай төлөмдөргө байланыштуу бардык башка төлөмдөр "Келишимдин өзгөчө шарттарында" көрсөтүлгөн шарттарды аткаргандан кийин жана  аткаруучу тарабынан заказ берүүчүгө тийиштүү сумма көрсөтүлгөн эсеп-фактураны бергенден кийин жүргүзүлөт.

14.

 Кечиктирилген төлөмдөр боюнча үстөк айып

14.1.

Ушул келишимдин шарттарынын 9-бөлүгүн эске алуу менен, эгерде  Заказ берүүчү аткаруучуга тийиштүү болгон сумманы "Келишимдин өзгөчө шарттарында" көрсөтүлгөн мөөнөттө төлөп бербесе, анда  заказ берүүчү кечиктирилген төлөм боюнча үстөк айып ар бир күн үчүн “Келишимдин өзгөчө шарттарында” көрсөтүлгөн өлчөмдө, бирок келишимдин жалпы наркынын 5% ашык эмес өлчөмдө үстөк айып төлөп берет.

Г. Сапатты контролдоо

15.

Кемчиликтерди табуу, жоюу жана аткаруу сапатын камсыздабаганы үчүн айып пул

15.1.

Заказ берүүчү кызмат көрсөтүүлөрдүн аткарылышын текшерет жана табылган кемчиликтердин бардыгы боюнча аткаруучуга билдирет. Заказ берүүчү аткаруучуга кемчиликтерди өзүң жой деп көрсөтмө бере алат, ошондой эле  заказ берүүчүнүн ою боюнча кемчиликтер бар деп эсептеген ар бир кызмат көрсөтүүнү текшерүүгө жана берүүгө көрсөтмө берет. Кемчиликтерди жоюу мөөнөтүн заказ берүүчү "Келишимдин өзгөчө шарттарында" көрсөтөт.

 Эгерде кызмат көрсөтүүлөрдү берүүчү заказ берүүчүнүн билдирмесинде көрсөтүлгөн мөөнөттө кемчиликтерди жойбосо, заказ берүүчү кемчиликтерди жоюуга кетчү сарптоолорду баалайт, ал эми кызмат көрсөтүүлөрдү берүүчү бул сумманы жана аткаруу сапатын камсыздабаганы үчүн айып пулду төлөйт.

Ж. Талаш-тартыштарды жөнгө салуу

16.

Талаш-тартыштарды жөнгө салуу

16.1.

Эгерде заказ берүүчү менен аткаруучунун ортосунда бул келишим боюнча же ага байланыштуу кайчы пикирлер же кандайдыр бир талаш-тартыштар келип чыкса, тараптар талаш-тартыштарды тынчтык жолу менен өз ара консультациялар аркылуу чечүүгө бардык аракеттерин жумшашы керек.

16.2.

Эгерде 10 күн аралыгында тараптар талаш-тартыштарды же кайчы пикирлерди өз ара консультациялар аркылуу чече алышпаса, анда же заказ берүүчү же кызмат көрсөтүүлөрдү берүүчү башка тарапка "Келишимдин өзгөчө шарттарында" көрсөтүлгөн соттук териштирүүлөрдү баштоо ниети жөнүндө билдирме жөнөтөт.

16.3.

Бул документте соттук териштирүүлөр үчүн кандайдыр бир шилтемелерге карабастан, эгерде башка жөнүндө макулдаша алышпаса, тараптар келишим боюнча өздөрүнүн милдеттенмелерин аткарууну уланта берүүлөрү керек.

17.

Салыктар жана алымдар

17.1.

Кызмат көрсөтүүлөрдү берүүчү, чет өлкөлүк берүүчүлөрдү дагы  кошкондо, Кыргыз Республикасынын мыйзамдарына ылайык бардык алынуучу салыктар, алымдар, лицензиялык жыйымдардын баарына жоопкерчилик тартат.

18.

Колдонулуучу укук

18.1.

 Келишимге  Кыргыз Республикасынынын Жарандык кодексинин ченемдери колдонулууга тийиш.