КР Айыл чарба министрлигинин 2022-жылдын 11-январындагы № 1-дп буйругуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН АЙЫЛ ЧАРБА, ТАМАК-АШ ӨНӨР ЖАЙЫ

ЖАНА МЕЛИОРАЦИЯ МИНИСТРЛИГИ

БУЙРУГУ

2018-жылдын 14-ноябры №2

Мамлекеттик кызмат көрсөтүүлөрдүн административдик регламенттерин бекитүү жөнүндө

 «Кыргыз Республикасынын Өкмөтүнүн 2014-жылдын 3-июнундагы мамлекеттик органдар, алардын түзүмдүк бөлүмдөрү жана ведомстволук мекемелери тарабынан жеке жана юридикалык жактарга берилүүчү мамлекеттик кызмат көрсөтүүлөрдүн стандарттарын бекитүү жөнүндө» токтомуна өзгөртүүлөрдү киргизүү тууралуу» Кыргыз Республикасынын Өкмөтүнүн 2018-жылдын 28-майындагы № 254 токтомуна ылайык, Кыргыз Республикасынын Өкмөтүнүн 2014-жылдын 15-сентябрындагы №530 «Кыргыз Республикасынын Өкмөтүнүн айрым ченем жаратуу ыйгарым укуктарын аткаруу бийлигинин бир катар мамлекеттик органдарына өткөрүп берүү жөнүндө» токтомунун 2-пунктунун негизинде,

БУЙРУК КЫЛАМ:

1. Кыргыз Республикасынын Айыл чарба, тамак-аш өнөр жайы жана мелиорация министрлигинин компетенциясына кирген мамлекеттик кызмат көрсөтүүлөрдүн төмөнкү административдик регламенттери бекитилсин:

- 1-тиркемеге ылайык жеке жана юридикалык жактардын арыздары боюнча карантиндик объекттерди аныктоого айыл чарба жерлерин, көчөттөрдү, иши өсүмдүктөрдөн алынуучу продукциялар, үлгүлөрдү алуу жана лабораториялык экспертизаларды жүргүзүү менен байланышкан ишканаларды жана ага жанаша жайгашкан аймактарды изилдөө (энтомологиялык экспертиза, гербологиялык экспертиза, фитопатологиялык экспертиза);

- 2-тиркемеге ылайык экспорттоо максатында карантинге алынчу продукциянын карантиндик фитосанитардык абалын аныктоо, анын ичинде бардык фитосанитардык анализдердин жана экспертизалардын бардык түрлөрү менен аныктоо, карантинге алынчу продукциянын карантиндик фитосанитардык карантин абалы жөнүндө корутунду/фитосанитардык документтерди берүү;

- 3-тиркемеге ылайык карантинге алынчу продукцияны, транспорт каражаттарын зыянсыздоо, кампа жайларды өсүмдүктөрдүн карантинин камсыздоо ченемдерине жана эрежелерине ылайык профилактикалык фитосанитардык зыянсыздоо жана зыянсыздалганын ырастоочу документти берүү.

2. Ченемдик укуктук актынын көчүрмөсү мамлекеттик жана расмий тилдерде 2 (эки) нускада, кагаз жана электрондук түрдө, аталган ченемдик укуктук акты жарыяланган булакты көрсөтүү менен Кыргыз Республикасынын юстиция министрлигине мамлекеттик каттоодон өткөрүү үчүн жиберилсин.

3. Бул буйрук расмий жарыяланган күндөн тартып он беш күндөн кийин күчүнө кирет.

 1-тиркеме

Мамлекеттик кызматтын

АДМИНИСТРАТИВДИК РЕГЛАМЕНТИ

Жеке жана юридикалык жактардын арыздары боюнча

карантиндик объекттерди аныктоого айыл чарба жерлерин, көчөттөрдү, иши өсүмдүктөрдөн алынуучу продукциялар,

үлгүлөрдү алуу жана лабораториялык экспертизаларды жүргүзүү менен байланышкан ишканаларды жана ага жанаша

жайгашкан аймактарды изилдөө (энтомологиялык экспертиза, гербологиялык экспертиза, фитопатологиялык экспертиза)

Кыргыз Республикасынын Өкмөтүнүн 2012-жылдын 10-февралындагы №85 токтому менен бекитилген Аткаруу бийлигинин органдары, алардын түзүмдүк бөлүмдөрү жана ведомстволук мекемелери көрсөтүүчү

мамлекеттик кызмат көрсөтүүлөрдүн бирдиктүү реестринин (тизмесинин) 5-главасы, 19-1 пункту

1.  Жалпы жоболор

1.               Аталган мамлекеттик кызмат көрсөтүү Кыргыз Республикасынын Айыл чарба, тамак-аш өнөр жайы жана мелиорация министрлигинин Өсүмдүктөрдүн карантини департаменти тарабынан ишке ашырылат.

2.               Бул кызмат көрсөтүүнүн административдик регламенти Кыргыз Республикасынын Өкмөтүнүн 2018-жылдын 28-майындагы №254 токтому менен бекитилген тийиштүү кызмат көрсөтүү стандарттарынын талаптарына шайкеш келет.

3.               Кызмат көрсөтүү стандарттарында берилген негизги параметрлер:

1)              Жалпы кызмат көрсөтүү мөөнөтү: 5 күнгө чейин;

2)              Изилдөө боюнча мамлекеттик кызмат көрсөтүүнү алуу үчүн керектүү документтердин тизмеги:

а) жеке жана юридикалык жактардын арыздары боюнча карантиндик объекттерди аныктоого айыл чарба жерлерин, көчөттөрдү, иши өсүмдүктөрдөн алынуучу продукциялар, үлгүлөрдү алуу жана лабораториялык экспертизаларды жүргүзүү менен байланышкан ишканаларды жана ага жанаша жайгашкан аймактарга изилдөө (энтомологиялык экспертиза, гербологиялык экспертиза, фитопатологиялык экспертиза) жүргүзүүгө берилген арыз;

б) ким экендигин ырастаган документ;

в) кызмат көрсөтүү акысы төлөнгөндүгү жөнүндө квитанция;

г) юридикалык жактын атынан, анын өкүлүнүн ыйгарым укуктарын тастыктоочу (ишеним кат) кошумча документ берет.

3) Кызмат көрсөтүү акысы – мамлекеттик кызмат көрсөтүүлөргө акы төлөнөт. Кызмат көрсөтүү акысы агрардык өнөржай комплекси жаатындагы ыйгарым укуктуу мамлекеттик органдын маалымат стенддеринде жана расмий сайтында жайгаштырылган баалардын прейскурантында көрсөтүлгөн (www.agroprod.kg). Акы төлөө шарттары: төлөөгө берилген эсептин негизинде накталай эмес эсептешүү.

4) Кызмат көрсөтүүнүн натыйжасы:

- Карантиндик объекттерди аныктоо;

- лабораториялык экспертиза жүргүзүү;

- карантинге алынуучу продукциянын коопсуздугун камсыздоо, анын жыйынтыгы боюнча карантиндик фитосанитардык экспертиза жөнүндө күбөлүк жана текшерүү актысы же карантиндик сертификат толтурулат.

2.  Кызмат көрсөтүү процессинде аткарылуучу жол-жоболордун тизмеси

4.  Кызмат көрсөтүү төмөнкү жол-жоболордун топтомунан турат:

1-таблица