КР 2016-жылдын 16-майындагы № 60 Мыйзамына ылайык 2017-жылдын 1-январынан тартып КҮЧҮН ЖОГОТОТ

КЫРГЫЗ РЕСПУБЛИКАСЫНЫН МЫЙЗАМЫ

2010-жылдын 28-январы № 15

"Жергиликтүү өз алдынча башкаруунун финансы-экономикалык негиздери жөнүндө" Кыргыз Республикасынын Мыйзамына өзгөртүүлөр киргизүү тууралуу

1-берене.

"Жергиликтүү өз алдынча башкаруунун финансы-экономикалык негиздери жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы. 2004-ж., № 2. 65-ст.) төмөнкүдөй өзгөртүүлөр киргизилсин:

1. 3-статьянын 1-пунктундагы "гранттардан," деген сөз алып салынсын.

2. 4-статьянын 1-пункту төмөнкүдөй редакцияда баяндалсын:

"1. Кыргыз Республикасынын салык жана башка мыйзамдарында каралган жергиликтүү салыктар менен жыйымдар түздөн-түз жергиликтүү бюджеттерге түшөт.".

3. 6-статьяда:

1-пункт төмөнкүдөй редакцияда баяндалсын:

"1. Жалпы мамлекеттик салыктарга жана республикалык деңгээлде бөлүштүрүлүүчү кирешелерге төмөнкүлөр кирет:

1) киреше салыгы:

2) сатуудан салык;

3) ыктыярдуу патенттин негизиндеги салык:

4) милдеттүү патенттин негизиндеги салык;

5) бирдиктүү салыктын негизиндеги салык салуунун жөнөкөйлөтүлгөн системасы;

6) мыйзам тартибинде белгиленген башка жалпы мамлекеттик салыктар жана кирешелер.";

4-пункт күчүн жоготту деп табылсын.

4. 22-статьянын 1-пунктундагы "иштерди" деген сөз "маселелерди" деген сөз менен алмаштырылсын.

2-берене.

Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин.

3-берене.

Ушул Мыйзам расмий жарыяланган күндөн тартып күчүнө кирет.