КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 5-октябры № 159

Ташкент шаарында 2004-жылдын 17-июнунда кол коюлган Шанхай кызматташтык уюмунун Региондук террорчулукка каршы түзүмүнүн алкагында жашыруун маалыматты коргоону камсыздоо жөнүндө макулдашууну ратификациялоо тууралуу

1-берене.

Ташкент шаарында 2004-жылдын 17-июнунда кол коюлган Шанхай кызматташтык уюмунун Региондук террорчулукка каршы түзүмүнүн алкагында жашыруун маалыматты коргоону камсыздоо жөнүндө макулдашуу ратификациялансын.

2-берене.

Көрсөтүлгөн Макулдашуунун 6-беренесин аткаруу үчүн Кыргыз Республикасынын Мамлекеттик улуттук коопсуздук комитети аны ишке ашыруу боюнча компетенттүү орган болуп аныкталсын.

3-берене.

Кыргыз Республикасынын Тышкы иштер министрлиги көрсөтүлгөн Макулдашуунун күчүнө кириши үчүн зарыл болгон мамлекеттик ички жол-жоболорду Кыргыз Республикасы аткаргандыгы жана аны ишке ашырууга жооптуу болгон компетенттүү орган жөнүндө Шанхай кызматташтык уюмунун катчылыгына билдирсин.

4-берене.

Ушул Мыйзам расмий жарыяланган күндөн тартып күчүнө кирет.