КЫРГЫЗ РЕСПУБЛИКАСЫНЫН МЫЙЗАМЫ

2011-жылдын 1-ноябры № 193

Вена шаарында 2007-жылдын 29-январында кол коюлган Ядролук куралдарды жайылтпоо жөнүндө келишимге байланыштуу кепилдиктерди колдонуу жөнүндө Кыргыз Республикасы менен Атом энергиясы боюнча эл аралык агенттиктин ортосундагы Макулдашууга Кошумча протоколду ратификациялоо тууралуу

1-берене.

Вена шаарында 2007-жылдын 29-январында кол коюлган Ядролук куралдарды жайылтпоо жөнүндө келишимге байланыштуу кепилдиктерди колдонуу тууралуу Кыргыз Республикасы менен Атом энергиясы боюнча эл аралык агенттиктин ортосундагы Макулдашууга Кошумча протокол ратификациялансын.

2-берене.

Кыргыз Республикасынын Тышкы иштер министрлиги жогоруда көрсөтүлгөн Кошумча протоколдун күчүнө кириши үчүн зарыл болгон мамлекеттик ички жол-жоболорду Кыргыз Республикасы аткаргандыгы жөнүндө Атом энергиясы боюнча эл аралык агенттикке белгиленген тартипте билдирсин.

3-берене.

Кыргыз Республикасынын Өкмөтү үч айлык мөөнөттө көрсөтүлгөн Кошумча протоколдун жоболорун ишке ашырууну камсыз кылуу үчүн зарыл чараларды көрсүн.

4-берене.

Ушул Мыйзам расмий жарыяланган күндөн тартып күчүнө кирет.