КР Өкмөтүнүн

2009-жылдын 3-мартындагы № 85-б буйругуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 21-октябры № 544-б

"Нарын облусундагы электр берүү жана бөлүштүрүү системасында техникалык коромжулуктарды азайтуу (Нарын III) - Ат-Башы гидроэлектрстанциясын реконструкциялоо" деген финансылык жардам берүү боюнча 2004-жылдын 21-октябрындагы Кыргыз Республикасынын Өкмөтү менен Швейцария Конфедерациясынын Өкмөтүнүн ортосундагы Макулдашууга ылайык:

1. Төмөнкүдөй курамда Мамлекеттик кабыл алуу комиссиясы түзүлсүн:

Түмөнбаев А.Р. - Кыргыз Республикасынын өнөр жай, энергетика жана отун ресурстары министринин орун басары, Мамлекеттик кабыл алуу комиссиясынын төрагасы;

Абдыкадыров Э.М. - Кыргыз Республикасынын Өкмөтүнө караштуу Архитектура жана курулуш боюнча мамлекеттик агенттиктин директорунун орун басары, Мамлекеттик кабыл алуу комиссиясынын төрагасынын орун басары;

Мамбетжанов М.Т. - Кыргыз Республикасынын Финансы министрлигинин статс-катчысы, Мамлекеттик кабыл алуу комиссиясынын төрагасынын орун басары;

Акбагышев А.А. - Ат-Башы гидроэлектрстанциясынын директору (макулдашуу боюнча);

Бурханов А.М. - Кыргыз Республикасынын Өкмөтүнө караштуу курчап турган чөйрөнү коргоо жана токой чарбасы боюнча мамлекеттик агенттиктин директорунун орун басары;

Бейшебаев Э.К. - Кыргыз Республикасынын Өзгөчө кырдаалдар министрлигинин алдындагы Мамлекеттик өрткө каршы кызматынын башкы башкармалыгынын Өрт көзөмөлү башкармалыгынын начальнигинин орун басары;

Инносент Ндекези - "Grichti№g & Valterio" компаниясынан Долбоордун менеджери (макулдашуу боюнча);

Исраилов А.Н. - Кыргыз Республикасынын Өнөр жай, энергетика жана отун ресурстары министрлигинин алдындагы Энергетика жана газ боюнча мамлекеттик инспекциясынын директорунун орун басары;

Мамытов М.А. - Кыргыз Республикасынын Өнөр жай, энергетика жана отун ресурстары министрлигинин отун-энергетикалык комплекси башкармалыгынын начальниги;

Мурадилов Т.Ж. - Кыргыз Республикасынын Нарын облусунун Башкы мамлекеттик санитардык врачы;

Назаров Ж.М. - "Электр станциялары" ачык акционердик коомунун башкы директорунун биринчи орун басары (макулдашуу боюнча);

Түлөбердиев Ж.Т. - Кыргыз Республикасынын Мамлекеттик мүлктү башкаруу боюнча мамлекеттик комитетинин башкы эксперти;

Шалтаев Р.С. - Нарын облусунун мамлекеттик администрациясынын өнөр жай, курулуш, транспорт жана коммуникациялар бөлүмүнүн башчысы.

2. Кыргыз Республикасынын Финансы министрлиги "Электр станциялары" ачык акционердик коому менен бирдикте Мамлекеттик кабыл алуу комиссиясына жумушчу комиссиясынын Кыргыз Республикасынын мыйзамдарына ылайык бекитилген актысын жана документтерди берсин.

3. Мамлекеттик кабыл алуу комиссиясына төмөнкүлөр милдеттендирилсин:

- жумушчу комиссиясы аныктаган кемчиликтерди четтетүүнү жана объектти пайдаланууга кабыл алууга даярдыгын текшерүү жана пайдалануучу уюмдун балансына негизги фонддорду кабыл алуу-өткөрүп берүү маселелери боюнча чечим кабыл алуу;

- Швейцария Конфедерациясы Өкмөтүнүн гранты боюнча бөлүнгөн финансылык каражаттарды пайдалануунун натыйжалуулугу жөнүндө корутунду берүү.

4. Мамлекеттик кабыл алуу комиссиясы:

- өз ишинде өкмөттөр аралык макулдашууларды, Кыргыз Республикасынын мыйзамдарын жана пайдаланууга кабыл алуу эрежесин жетекчиликке алсын;

- Кабыл алуу-өткөрүп берүү актысын Кыргыз Республикасынын Өкмөтүнүн Аппаратына бекитүүгө берсин;

- Мамлекеттик кабыл алуу комиссиясынын иши 2008-жылдын 13-18-октябрындагы мезгил болуп аныкталсын.

5. Бул буйруктун аткарылышын контролдоо Кыргыз Республикасынын Өкмөтүнүн Аппаратынын энергетика жана минералдык ресурстар бөлүмүнө жүктөлсүн.