КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2008-жылдын 18-декабры № 664-б

(КР Өкмөтүнүн

2009-жылдын 5-августундагы № 421-б буйругунун

редакциясына ылайык)

Кыргыз Республикасынын Улуттук байланыш агенттигинин материалдык-техникалык базасын чыңдоо, радиожыштык спектринин пайдаланылышына контролду күчөтүү жана Кыргыз Республикасынын аймагында уруксат берилбеген сигналдарды аныктоо жана жоюу максатында:

1. Кыргыз Республикасынын Улуттук байланыш агенттигине Бишкек шаары, 8-микрорайон, 8/1-үй, 127-кв. дарегинде жайгашкан кызматтык жайды бир булактан алуу ыкмасы менен: Кыргыз Республикасынын Улуттук байланыш агенттигинин атайын каражаттарынын эсебинен, минимум чектик суммадан ашпаган суммада сатып алууга уруксат берилсин.

2. Кыргыз Республикасынын Ысык-Көл облусунун мамлекеттик администрациясы Ысык-Көл облусунун Ысык-Көл районунун Чолпон-Ата шаарында № 9 Радиореле станциянын (РРС) аймагында жайгашкан жана "Кыргызтелеком" ачык акционердик коомунун мөөнөтсүз пайдалануусунда турган 0,08 га жер участокту Кыргыз Республикасынын Улуттук байланыш агенттигинин Чыгыш аймактык башкармалыгына телекоммуникациялар үчүн берүүнү белгиленген тартипте тариздесин.

3. Бул буйруктун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн.