КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2009-жылдын 18-майы № 227-б

Кыргыз Республикасынын транспорттук көз карандысыздыгын чечүү жана Кыргыз Республикасынын Баткен облусунун Лейлек районундагы Жаңы-Жер, Бешкент, Маргун, Кулунду айылдык округдарынын ортосундагы үзгүлтүксүз автотранспорт катнашын камсыздоо максатында:

1. Кыргыз Республикасынын Транспорт жана коммуникациялар министрлигинин Ош-Баткен-Исфана автомобиль жол башкармалыгы Кыргыз Республикасынын Баткен облусунун Лейлек районундагы Кулунду айылдык округундагы айылдардын ортосунда 5-категориядагы 2,5 км аралыктагы Кулунду-Максат автомобль жолун долбоорлоо жана куруу боюнча заказчы болуп аныкталсын.

2. Кыргыз Республикасынын Транспорт жана коммуникациялар министрлиги белгиленген тартипте:

- Кулунду-Максат автомобиль жолунун долбоордук-сметалык документтерин даярдоого 500 (беш жүз) миң сомду 2009-жылдын республикалык бюджетинде каралган каражаттардын чектеринде пайдалансын;

- Кулунду-Максат автомобиль жолун курууну 2009-2010-жылдары Кыргыз Республикасынын Жол фондунун каражаттарынын эсебинен жана тиешелүү жылдарга республикалык бюджетте каралган каражаттардын чектеринде жүргүзсүн.

3. Кыргыз Республикасынын Баткен облусунун мамлекеттик администрациясы Кулунду-Максат автомобиль жолун курууга жер участок берүүнү белгиленген тартипте камсыз кылсын.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын курулуш, транспорт жана коммуникациялар бөлүмүнө жүктөлсүн.