КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2012-жылдын 18-майы № 202-б

 (КР Өкмөтүнүн 2012-жылдын 28-майындагы № 229-б

буйругунун редакциясына ылайык)

2012-жылдын 30-апрелинде Кыргыз Республикасы менен Азербайжан Республикасынын ортосунда Экономикалык жана гуманитардык кызматташтык боюнча биргелешкен өкмөттөр аралык комиссиянын биринчи жыйынынын Протоколунун 3.1-пунктун аткаруу үчүн:

1. Казакстан Республикасынын жана Азербайжан Республикасынын Мамлекеттик нефти компаниясынын катышуусунда Кыргыз Республикасында нефтини кайра иштетүү заводун куруу боюнча сунуштарды даярдоо үчүн Биргелешкен үч тараптуу жумушчу топтун кыргыз-казак бөлүгү төмөнкү курамда түзүлсүн:

Кыргыз тараптан:

- Кыргыз Республикасынын энергетика жана өнөр жай министри, Биргелешкен жумушчу топтун тең төрагасы;

- Кыргыз Республикасынын финансы министринин орун басары;

- Кыргыз Республикасынын экономика жана монополияга каршы саясат министринин орун басары;

- Кыргыз Республикасынын юстиция министринин орун басары;

- Кыргыз Республикасынын Өкмөтүнө караштуу Мамлекеттик бажы кызматынын төрагасынын орун басары;

- Кыргыз Республикасынын Өкмөтүнө караштуу Мамлекеттик салык кызматынын төрагасынын орун басары;

- Кыргыз Республикасынын Өкмөтүнө караштуу Геология жана минералдык ресурстар боюнча мамлекеттик агенттиктин директорунун орун басары;

- Кыргыз Республикасынын Транспорт жана коммуникациялар министрлигинин алдындагы "Кыргыз темир жолу" улуттук компаниясы" мамлекеттик ишканасынын башкы директору;

- "Кыргызстандын улуттук электр тармагы" ачык акционердик коомунун башкы директору (макулдашуу боюнча).

Казакстан тараптан (макулдашуу боюнча):

- "КазМунайГаз" улуттук компаниясы" акционердик коомунун нефти жана газ департаментинин директору;

- "КазМунайГаз" улуттук компаниясы" акционердик коомунун нефтини кайра иштетүү боюнча башкы эксперти.

2. Биргелешкен жумушчу топтун кыргыз-казакстан бөлүгүнүн тең төрагасына белгиленген тартипте министрликтердин, администрациялык ведомстволордун, аткаруу бийлигинин башка органдарынын кызматкерлерин, көз карандысыз эксперттерди жана консультанттарды ишке тартууга укук берилсин.

3. Биргелешкен жумушчу топтун кыргыз-казакстан бөлүгүнүн жумушчу органы болуп Кыргыз Республикасынын Энергетика жана өнөр жай министрлиги аныкталсын.

4. Бул буйруктун аткарылышын контролдоо Кыргыз Республикасынын Өкмөтүнүн Аппаратынын реалдуу сектор жана инфраструктура бөлүмүнө жүктөлсүн.