КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

ТЕСКЕМЕ

2010-жылдын 7-августу № 23

 (КР Премьер-министринин 2010-жылдын 18-ноябрындагы № 132  буйругунун редакциясына ылайык)

Кыргыз адабиятын өнүктүрүүгө зор салым кошкон, Кыргыз Республикасынын эл жазуучусу, прозачы, мамлекеттик ишмер Асанбек Стамовдун сөөгүн коюуну уюштуруу үчүн:

1. Төмөнкүдөй курамдагы комиссия түзүлсүн:

Садык Шер-Нияз - Кыргыз Республикасынын маданият жана маалымат министри, комиссиянын төрагасы;

Абдрахманов С.А. - Кыргыз Республикасынын Чүй облусунун мамлекеттик администрация башчысы - губернатор, комиссиянын төрагасынын орун басары.

Комиссия мүчөлөрү:

Өмүркулов И.Ш. - Бишкек шаарынын мэри;

Алымбаев А. - Кыргыз Республикасынын Жазуучулар союзунун төрагасы;

Раев С.А. - Кыргыз Республикасынын Президентинин кеңешчиси;

Оторбаев К.Т. - Кыргыз Республикасынын Улуттук телерадиокорпорациясынын башкы директору (макулдашуу боюнча);

Надырбеков Б. - Чүй облусунун Москва районунун мамлекеттик администрация башчысы - аким;

Эралиев С. - эл акыны, Кыргыз Республикасынын Баатыры (макулдашуу боюнча);

Жусуев С. - эл акыны, Кыргыз Республикасынын Баатыры (макулдашуу боюнча);

Касымбеков Т. - эл жазуучусу, Кыргыз Республикасынын Баатыры (макулдашуу боюнча);

Садыков Ж. - эл акыны (макулдашуу боюнча);

Саламатов Т.С. - А.Малдыбаев атындагы Кыргыз улуттук академиялык опера жана балет театрынын директору.

2. Жарандык коштошуу зыйнаты 2010-жылдын 9-августунда саат 10.00дө А.Малдыбаев атындагы Кыргыз улуттук академиялык опера жана балет театрында өткөрүлсүн.

3. Бишкек шаарынын Ала-Арча көрүстөнү сөөк коюлуучу жер болуп аныкталсын.

4. Каза болгондун үй-бүлөсүнө материалдык жардам көрсөтүү үчүн Кыргыз Республикасынын Президентинин резервдик фондусунан 100000 (жүз миң) сом бөлүнсүн.

5. Бул тескеменин аткарылышын контролдоо Кыргыз Республикасынын Маданият жана маалымат министрлигине жүктөлсүн.