КР Өкмөтүнүн 2014-жылдын 7-октябрындагы № 448-б («Манас» эл аралык аэропортунун жабдууларын жакшыртуу" долбоору боюнча Кыргыз Республикасынын Өкмөтү менен Япониянын Өкмөтүнүн ортосундагы алмашуу ноталарынын жана Кыргыз Республикасынын Өкмөтү менен Япония эл аралык кызматташтык агенттигинин (JICA) ортосундагы Гранттык макулдашуунун долбоору жөнүндө) буйругу.

КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2014-жылдын 7-октябры № 448-б

Кыргыз Республикасынын Өкмөү менен Япония эл аралык кызматташтык агенттигинин ортосундагы кызматташтыкты андан ары өнүктүрүү максатында, Бишкек шаарында 2004-жылдын 6-октябрында кол коюлган жана Кыргыз Республикасынын 2005-жылдын 6-августундагы №130 Мыйзамы менен ратификацияланган Кыргыз Республикасынын Өкмөтү менен Япониянын өкмөтүнүн ортосундагы Техникалык кызматташтык жөнүндө макулдашууга ылайык:

1. "Манас" эл аралык аэропортунун жабдууларын жакшыртуу" долбоору боюнча Кыргыз Республикасынын Өкмөтү менен Япониянын Өкмөтүнүн ортосундагы алмашуу ноталарынын жана Кыргыз Республикасынын Өкмөтү менен Япония эл аралык кызматташтык агенттигинин (JICA) ортосундагы Гранттык макулдашуунун расмий тилде тиркелген долбоорлору жактырылсын.

2. Кыргыз Республикасынын Финансы министрине принциптүү эмес мүнөздөгү өзгөртүүлөрдү жана толуктоолорду киргизүү укугу менен алмашуу ноталарынын жана Гранттык макулдашуунун долбоорлоруна Кыргыз Республикасынын Өкмөтүнүн атынан кол коюуга ыйгарым укук берилсин.