КР Министрлер Кабинетинин 2026-жылдын 24-июлундагы № 562-т тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН БУЙРУГУ

2019-жылдын 5-июлу № 248-б

Туруктуу органикалык булгоочулар жөнүндө Стокгольм конвенциясын ишке ашыруу максатында:

1. Туруктуу органикалык булгоочулар жөнүндө Стокгольм конвенциясын аткаруу боюнча иш-аракеттер планы (мындан ары - Иш-аракеттер планы) тиркемеге ылайык бекитилсин.

2. Министрликтер, мамлекеттик комитеттер, административдик ведомстволор, жергиликтүү өз алдынча башкаруу органдары (макулдашуу боюнча):

- Иш-аракеттер планын аткаруу боюнча чараларды көрүшсүн;

- жыл сайын 15-январга чейин Иш-аракеттер планын аткаруунун жүрүшү жөнүндө Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттигине маалымат берип турушсун.

3. Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттиги:

- Иш-аракеттер планын аткарууга координациялоо жана мониторинг жүргүзсүн;

- жыл сайын 25-январга чейин Иш-аракеттер планын аткаруунун жүрүшү жөнүндө Кыргыз Республикасынын Өкмөтүнүн Аппаратына маалымат берип турсун.

4. Төмөнкүлөр күчүн жоготту деп таанылсын:

- Кыргыз Республикасынын Өкмөтүнүн 2006-жылдын 3-июлундагы № 371-б буйругу;

- Кыргыз Республикасынын Өкмөтүнүн 2007-жылдын 2-октябрындагы № 372-б буйругу.

5. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси жана экология бөлүмүнө жүктөлсүн.