КЫРГЫЗ РЕСПУБЛИКАСЫНЫН ӨКМӨТҮ

БУЙРУК

2019-жылдын 18-июлу № 268-б

(КР Өкмөтүнүн 2021-жылдын 16-мартындагы № 62-б буйругунун редакциясына ылайык)

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:

1. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд Бишкек шаары, Ч.Айтматов көчөсү, 1 дареги боюнча жайгашкан Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин алдындагы «Бишкек штамптоочу завод» мамлекеттик ишканасынын медициналык санитардык бөлүгүнүн жалпы аянты 532,9 кв. метр болгон биринчи кабаттагы бөлмөлөрүн жана жалпы аянты 189,2 кв. метр болгон жертөлөсүн Кыргыз Республикасынын Юстиция министрлигинин ыкчам башкаруусуна белгиленген тартипте өткөрүп берсин.

2. Кыргыз Республикасынын Юстиция министрлиги:

1) ушул буйруктун 1-пунктунда аталган бөлмөлөрдү ыкчам башкарууга белгиленген тартипте кабыл алсын;

2) ушул буйруктун 1-пунктунда аталган бөлмөлөрдү күтүүнү жана пайдаланууну жыл сайын республикалык бюджетте каралуучу финансылык каражаттардын чегинде ишке ашырсын;

3) ушул буйруктун 1-пунктунда аталган бөлмөлөрдүн максаттуу колдонулушун жана сакталышын камсыз кылсын.

3. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын экономика жана инвестиция бөлүмүнө жүктөлсүн.