Загрузка документа…
КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИ
ТЕСКЕМЕ
(КР Министрлер Кабинетинин 2022-жылдын 23-августундагы № 450-т, 2024-жылдын 18-мартындагы № 100-т, 2024-жылдын 20-декабрындагы № 816-т , 2025-жылдын 12-мартындагы № 156-т ,
2025-жылдын 28-августундагы № 738-т тескемелеринин редакцияларына ылайык)
2022-жылдын 16-апрели № 120-т
Финансы системасынын ресурстарын мобилизациялоо боюнча иш-чараларга дем берүү, агрардык секторго колдоо көрсөтүү, Кыргыз Республикасынын Президентинин 2021 -жылдын 8-февралындагы № 25 "Кыргыз Республикасынын агроөнөр жай комплексин өнүктүрүү боюнча чаралар жөнүндө" Жарлыгын ишке ашыруунун натыйжалуулугун жогорулатуу, жеңилдетилген кредиттик каражаттар менен камсыз кылуу жолу менен агроөнөр жай кластерлерин өнүктүрүү максатында, "Кыргыз Республикасынын Бюджеттик кодексинин 115-беренесине, ''Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:
1. Төмөнкүлөр бекитилсин:
1) "Агроөнөр жай комплексин кредиттөө" долбоору 1-тиркемеге ылайык;
2) "Субсидиялоо механизмин ишке ашыруу жолу менен агроөнөр жай комплексин кредиттөө" долбоору 2-тиркемеге ылайык.
3) "Пайыздык ставкаларды капиталдаштыруу механизмин ишке ашыруу жолу менен агроөнөр жай комплексин кредиттөө" долбоору 3-тиркемеге ылайык.
(КР Министрлер Кабинетинин 2024-жылдын 20-декабрындагы № 816-т , 2025-жылдын 12-мартындагы № 156-т , 2025-жылдын 28-августундагы № 738-т тескемелеринин редакцияларына ылайык)
2. Кыргыз Республикасынын Финансы министрлиги белгиленген тартипте:
1) Долбоорду ишке ашыруунун алкагында жеңилдетилген кредиттерди берүү жана анын ичинде ислам принциптерине ылайык каржылоо үчүн уставдык капиталды көбөйтүүгө "Айыл Банк" ачык акционердик коомуна (ААК) 5500000000,0 (беш миллиард беш жүз миллион) жана "Элдик банк" ачык акционердик коомуна (ААК) 4500000000,0 (төрт миллиард беш жүз миллион) сом бөлүп берсин;
2) Кыргыз Республикасынын Жогорку Кеңешинин Бюджет, экономикалык жана фискалдык саясат боюнча комитети менен макулдашуу боюнча Долбоорду ишке ашырууга 10000000000,0 (он миллиард) сом суммасында каражатты карасын;
3) ушул тескеменин 2-пунктунун 1-пунктчасында көрсөтүлгөн капиталдаштыруу суммасына "Айыл банк" ААКтын жана "Элдик банк" ААКтын акционери катары Кыргыз Республикасынын Министрлер Кабинетинин ыйгарым укуктуу мамлекеттик органы болуп чыксын;
4) алты айлык мөөнөттө нөлдүк купондук кирешеси бар мамлекеттик баалуу кагаздарды чыгаруу жана жүгүртүү маселелерин жөнгө салуучу ченемдик укуктук актыны иштеп чыксын жана белгиленген тартипте Кыргыз Республикасынын Президентинин Администрациясына киргизсин;
5) "Кыргыз Республикасынын 2022-жылга республикалык бюджети жана 2023-2024-жылдарга болжолу жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу" Кыргыз Республикасынын Мыйзамынын долбоорун иштеп чыгууда ушул тескемеден келип чыгуучу өзгөртүүлөрдү эске алсын;
6) төмөнкүлөрдүн эсебинен Долбоорго каражаттарды тартуу механизмдерин иштеп чыксын:
- мамлекеттин катышуу үлүшү бар коммерциялык банктардын Кыргыз Республикасынын Финансы министрлигинин мамлекеттик баалуу кагаздарынын кепилдиги алдында тартылган каражаттарынын;
- Долбоорду ишке ашырууга катышкан мамлекеттин катышуу үлүшү бар коммерциялык банктарда депозиттерде жайгашкан республикалык бюджеттин каражаттарынын.
7) Кыргыз Республикасынын Финансы министрлиги белгиленген тартипте "Айыл Банк" ААКка 2024-жылга республикалык бюджеттин каражаттарынан "Пайыздык ставкаларды субсидиялоо механизмин ишке ашыруу жолу менен агроөнөр жай комплексин кредиттөө" долбоорун ишке ашыруу үчүн пайыздык ставкаларды субсидиялоого 125700000 (жүз жыйырма беш миллион жети жүз миң) сом бөлүп берсин;