Сравнение редакций

Документке

Мурунку05.02.2024

1-тиркеме

(Кыргыз Республикасынын

Министрлер Кабинетинин

2023-жылдын 14-декабрындагы № 678

токтомуна ылайык)

Иштин айрым түрлөрүн лицензиялоо жөнүндө жобо

(Кыргыз Республикасынын Министрлер Кабинетинин 2024-жылдын 5-февралындагы № 45 токтомунун редакциясына ылайык)

I бөлүк

ЖАЛПЫ БӨЛҮМ

1-глава. Жалпы жоболор

1. Иштин айрым түрлөрүн лицензиялоо жөнүндө жобо (мындан ары – Жобо) “Кыргыз Республикасындагы лицензиялык-уруксат берүү тутуму жөнүндө” Кыргыз Республикасынын Мыйзамын ишке ашыруу максатында лицензиарлардын аткарылуучу иштерге жана (же) көрсөтүлүүчү кызматтарга лицензияларды жана (же) уруксаттарды берүү, кайра жол-жоболоштуруу, узартуу, колдонулушун токтотуу боюнча ишин тартипке келтирүү максатында иштелип чыкты.

2. Жобо лицензиарлардын лицензиялоо боюнча ыйгарым укуктарын жүзөгө ашыруудагы аракеттеринин (жол-жоболорунун) мөөнөттөрүн жана ырааттуулугун аныктайт.

3. Кыргыз Республикасынын аймагында лицензияны жана (же) уруксатты берүүдө, кайра тариздөөдө, дубликатын берүүдө, ошондой эле чет мамлекеттин лицензиары тарабынан берилген лицензияны өз ара таануу тартибинде жана бир тараптуу тартипте таанууну жүзөгө ашырууда мамлекеттик алымды алуу салыктык эмес кирешелер жөнүндө Кыргыз Республикасынын мыйзамдарына ылайык жүзөгө ашырылат.

4. Лицензиялоону ушул Жобонун II бөлүгүндө “Өзгөчө бөлүгүндө” көрсөтүлгөн лицензиарлар жүргүзөт.

5. Лицензиардын лицензиялоо процессиндеги иши ушул Жобого, лицензиялоо чөйрөсүн жөнгө салуучу мыйзамдардын талаптарына, ошондой эле тиешелүү тармактагы ченемдик укуктук актыларга ылайык жүзөгө ашырылат.

6. Маалыматтык технологияларды пайдалануу менен лицензиялоо жүзөгө ашырылган учурда лицензияларды жана (же) уруксаттарды берүү, кайра жол-жоболоштуруу, токтото туруу, кайра жаңылоо жана жокко чыгаруу менен байланышкан бардык процесстер автоматташтырылган (электрондук) формада жүзөгө ашырылат. Бардык юридикалык маанилүү иш-аракеттер жана юридикалык маанилүү чечимдер электрондук түрдө жүргүзүлөт.

7. Лицензия жана (же) уруксат электрондук документ түрүндө да, кагаз жүзүндө да таризделиши мүмкүн.

8. Лицензияларды жана (же) уруксаттарды берүү үчүн зарыл болгон документтер лицензиар тарабынан ведомстволор аралык электрондук өз ара аракеттенүү аркылуу суралат. Бул учурда арыз ээсинен документтерди кагаз түрүндө берүү талап кылынбайт.

2-глава. Лицензиялоону жүзөгө ашыруу

эрежелери жөнүндө маалымдоо

9. Лицензиялоо тартиби жөнүндө маалымат лицензиарлардын расмий сайттарында, лицензиарлар жана алардын региондук бөлүмдөрү жайгашкан имараттардагы маалымат такталарында жайгаштырылат.

10. Лицензиялоо тартиби жөнүндө маалымат төмөнкүлөрдү камтыйт:

– лицензия же уруксат алуу тартибин аныктаган ченемдик укуктук актылардын актуалдуу тексттери;

– лицензияларды жана (же) уруксаттарды алуу үчүн зарыл болгон документтердин тизмеги;

– арызга тиркелүүчү документтерди күбөлөндүрүү боюнча талаптар;

– лицензияларды жана уруксаттарды алуу үчүн арыз ээлерине талаптар;

– лицензияларды жана (же) уруксаттарды алууга арыздарды берүү жана кароо жол-жоболорун жана мөөнөттөрүн баяндоо;

– лицензияларды жана (же) уруксаттарды берүүдөн баш тартуу үчүн негиздер;

– лицензиарлардын чечимдерине даттануу жол-жоболорун баяндоо;

– лицензиялардын, даттанууларды кароонун, анын ичинде региондук бөлүмдөрдүн аталышы, жайгашкан жери жана иштөө режими;

– мамлекеттик алымдын өлчөмү жана төлөө тартиби.

11. Лицензиялоо маселелери боюнча консультацияларды төмөнкү учурларда лицензиарлардын адистери беришет:

1) жеке кайрылууда (оозеки кайрылууда);

2) маалымат жана консультация үчүн телефондор аркылуу;

3) электрондук байланыш аркылуу, анын ичинде лицензиарлардын расмий сайттары аркылуу;

4) жазуу жүзүндөгү кайрылуулар боюнча.

3-глава. Лицензиар тарабынан лицензиялоо

процессин жүзөгө ашыруунун натыйжалары

12. Лицензиар тарабынан лицензиялоо процессин жүзөгө ашыруунун натыйжалары болуп төмөнкүлөр саналат:

1) лицензия жана (же) уруксат берүү;

2) лицензия жана (же) уруксат берүүдөн негиздүү баш тартуу;

3) лицензияны жана (же) уруксатты кайра тариздөө;

4) лицензиянын жана (же) уруксаттын колдонуу мөөнөтүн узартуу;

5) лицензиянын жана (же) уруксаттын колдонулушун токтотуу;

6) лицензиянын жана (же) уруксаттын дубликатын берүү;

7) лицензиянын жана (же) уруксаттын дубликатын берүүдөн негиздүү баш тартуу;

8) чет мамлекеттердин ыйгарым укуктуу органдары тарабынан берилген лицензияларды таануу;

9) лицензиар тарабынан мурда таанылган чет мамлекеттердин ыйгарым укуктуу органдары берген лицензиялардын Кыргыз Республикасынын аймагында колдонулушун токтото туруу;

10) эскертүү түрүндө таасир этүү чарасын колдонуу;

11) айып пул салуу түрүндөгү таасир этүү чарасын колдонуу;

12) лицензиянын жана (же) уруксаттын колдонулушун токтото туруу түрүндө таасир этүү чарасын колдонуу;

13) лицензияны жана (же) уруксатты колдонууну кайра жаңылоо;

14) лицензиянын жана (же) уруксаттын колдонулушун жаңылоодон негиздүү баш тартуу;

15) лицензияны таануу жөнүндө чечимди жокко чыгаруу тууралуу маселени кароо үчүн сот органдарына доо арызын берүү;

16) лицензияны жана (же) уруксатты жокко чыгаруу жөнүндө маселени кароо үчүн сот органдарына доо арызын берүү;

17) лицензиялар жана (же) уруксаттар жөнүндө маалыматтарды Лицензиялардын жана (же) уруксаттардын бирдиктүү автоматташтырылган (электрондук) реестрине киргизүү (өзгөртүү).

13. Лицензиар тарабынан лицензиялоо боюнча функцияларды аткаруунун жыйынтыгы лицензиардын актысы түрүндө таризделет жана лицензиялык иште сакталат.

14. Арыз ээсинин же анын өкүлүнүн талабы боюнча лицензиардын актыларынын көчүрмөлөрү же алардын көчүрмөлөрү акысыз берилет.

4-глава. Лицензиялоо процессинде лицензиар

тарабынан иш-аракеттерди жүзөгө ашыруу

мөөнөттөрү

15. Лицензия жана (же) уруксат берүү же аларды берүүдөн баш тартуу жөнүндө чечим лицензия жана (же) уруксат берүү жөнүндө арыз жана ага тиркелген документтер катталган күндөн тартып 30 календардык күндүн ичинде кабыл алынат.

16. Лицензияны жана (же) уруксатты кайра тариздөө (кайра тариздөөдөн баш тартуу) жөнүндө чечим ага тиркелген документтер менен лицензияны жана (же) уруксатты кайра тариздөө жөнүндө арыз катталган күндөн тартып 5 жумуш күндүн ичинде кабыл алынат.

17. Убактылуу лицензияны жана (же) уруксатты колдонуу мөөнөтүн узартуу (узартуудан баш тартуу) жөнүндө чечим ага тиркелген документтери менен лицензияны жана (же) уруксатты колдонуу мөөнөтүн узартуу жөнүндө арыз катталган күндөн тартып 5 жумуш күндүн ичинде кабыл алынат.

18. Лицензиянын жана (же) уруксаттын колдонулушун токтотуу жөнүндө чечим төмөнкү күндөн тартып 5 жумуш күндөн кечиктирбестен кабыл алынат:

1) жеке ишкер катары ишин токтоткондугу жөнүндө маалыматты камтыган жеке жактын арызы катталган;

2) жеке ишкер катары өзүнүн ишин токтоткондугу жөнүндө маалыматтарды камтыган юридикалык жактын арызы катталган;

3) лицензияны жана (же) уруксатты колдонуу мөөнөтү бүткөн;

4) жүзөгө ашырууга лицензия жана (же) уруксат берилген иш-аракеттердин толук көлөмдө аткарылгандыгы жөнүндө арыз катталган;

5) иштин лицензиялануучу түрүн жүзөгө ашыруу ыктыярдуу токтотулган учурда арыз катталган;

6) иштин лицензиялануучу түрлөрүнүн тизмегинен иштин айрым түрү алып салынган;

7) лицензияны жана (же) уруксатты жокко чыгаруу жөнүндө соттун чечими мыйзамдуу күчүнө кирген;

8) жеке жактын каза болгондугу жөнүндө күбөлүктүн көчүрмөсү алынган;

9) жеке ишкердин иши токтотулган;

10) ишкердик ишке патенттин колдонуу мөөнөтү бүткөн;

11) лицензияны жана (же) уруксатты берүүнү же колдонуу мөөнөтүн узартууну мыйзамсыз деп таануу жөнүндө соттун чечими күчүнө кирген.

19. Лицензиатка эскертүү берүү жөнүндө чечим лицензиялык талаптардын аткарылбагандыгы аныкталган күндөн тартып 3 жумуш күндүн ичинде же коллегиалдуу орган тарабынан чечим кабыл алынганда 10 жумуш күндүн ичинде кабыл алынат.

20. Лицензиатка айып салуу жөнүндө чечим аныкталган эреже бузуулар четтетилбеген учурда эскертүүдө көрсөтүлгөн лицензиялык талаптардын аныкталган бузууларын жоюу мөөнөтү аяктаган күндөн тартып 10 жумуш күндүн ичинде кабыл алынат.

21. Лицензиянын жана (же) уруксаттын колдонулушун токтото туруу жөнүндө чечим аныкталган тартип бузуулар жоюлбаган учурда айып салууда көрсөтүлгөн лицензиялык талаптардын аныкталган бузууларын жоюу үчүн мөөнөт аяктаган күндөн тартып 5 жумуш күндүн ичинде кабыл алынат. Коллегиалдуу орган тарабынан чечим кабыл алынган же пландан тышкаркы текшерүү жүргүзүлгөн учурда чечим аныкталган тартип бузууларды жоюу мөөнөтү аяктаган күндөн тартып 10 жумуш күндүн ичинде кабыл алынат.

22. Лицензияны жана (же) уруксатты колдонууну кайра жаңылоо (кайра жаңылоодон баш тартуу) жөнүндө чечим аныкталган бузууларды жоюу боюнча лицензиялык текшерүү аяктаган күндөн тартып 3 жумуш күндүн ичинде же коллегиалдуу орган тарабынан чечим кабыл алынганда 10 жумуш күндүн ичинде кабыл алынат.

23. Лицензияны жана (же) уруксатты жокко чыгаруу жөнүндө маселени кароо үчүн сот органдарына доо арызын берүү жөнүндө чечим лицензиянын жана (же) уруксаттын колдонулушун токтото турууга алып келген аныкталган лицензиялык талаптардын бузууларын жоюу мөөнөтү аяктаган күндөн тартып 3 жумуш күндүн ичинде кабыл алынат. Коллегиалдуу орган тарабынан чечим кабыл алынган же пландан тышкаркы текшерүү жүргүзүлгөн учурда чечим аныкталган тартип бузууларды жоюу мөөнөтү аяктаган күндөн тартып 10 жумуш күндүн ичинде кабыл алынат.

24. Чет мамлекеттердин ыйгарым укуктуу органдары тарабынан берилген лицензияларды таануу жөнүндө чечим Кыргыз Республикасынын Министрлер Кабинети бекиткен Кыргыз Республикасынын аймагында бир тараптуу тартипте таанылуучу лицензиялардын тизмегине ылайык лицензияны таануу жөнүндө арыз катталган күндөн тартып 5 жумуш күндүн ичинде кабыл алынат.

25. Мурда лицензиар тарабынан таанылган чет мамлекеттердин ыйгарым укуктуу органдары тарабынан берилген лицензиялардын Кыргыз Республикасынын аймагында колдонулушун токтото туруу жөнүндө чечим жана лицензияны таануу жөнүндө чечимди жокко чыгаруу тууралуу маселени кароо үчүн сот органдарына доо арызын берүү жөнүндө чечим ушул Жобонун 21, 24-пункттарында аныкталган тартипте кабыл алынат.

26. Лицензиялардын жана уруксаттардын автоматташтырылган (электрондук) бирдиктүү реестрине маалыматтарды киргизүү лицензияны жана (же) уруксатты берүү, таануу, кайра тариздөө, токтото туруу, кайра жаңылоо, колдонулушун токтотуу жөнүндө чечим кабыл алынгандан, лицензияны жана (же) уруксатты жокко чыгаруу жөнүндө сот тарабынан кабыл алынган чечим мыйзамдуу күчүнө киргенден кийин 1 жумуш күндүн ичинде ишке ашырылат.

27. Лицензиар тиешелүү чечим кабыл алгандан кийин 3 жумуш күндүн ичинде төмөнкүлөр жөнүндө кабыл алынган актыны лицензиатка (арыз ээсине) жиберүүгө милдеттүү:

1) лицензия жана (же) уруксат берүү же берүүдөн баш тартуу жөнүндө;

2) лицензияны жана (же) уруксатты кайра тариздөө же кайра тариздөөдөн баш тартуу жөнүндө;

3) лицензияны жана (же) уруксатты колдонуу мөөнөтүн узартуу же узартуудан баш тартуу жөнүндө;

4) лицензиянын жана (же) уруксаттын дубликатын берүү же берүүдөн баш тартуу жөнүндө;

5) чет мамлекеттердин ыйгарым укуктуу органдары тарабынан берилген лицензияны таануу жөнүндө;

6) эскертүү берүү жөнүндө;

7) лицензияны жана (же) уруксатты токтото туруу жөнүндө;

8) айып пул салуу жөнүндө;

9) лицензияны жана (же) уруксатты кайра жаңылоо жөнүндө;

10) лицензияны жана (же) уруксатты колдонууну токтотуу жөнүндө;

11) лицензияны жана (же) уруксатты жокко чыгаруу жөнүндө сотко доо арызын берүү жөнүндө.

28. Лицензиянын жана (же) уруксаттын түп нускасы лицензия жана (же) уруксат берүү жөнүндө чечим кабыл алынган күндөн тартып 5 жумуш күндүн ичинде арыз ээсине берилет. Лицензияны жана (же) уруксатты алуу үчүн арыз ээси келбеген учурда лицензиар лицензияны жана (же) уруксатты алуу зарылдыгы жөнүндө билдирүү жөнөтөт.

29. Дубликаты лицензиатка лицензиянын жана (же) уруксаттын дубликатын берүү жөнүндө арыз берилген күндөн тартып 3 жумуш күндүн ичинде берилет.

5-глава. Лицензияны жана (же) уруксатты

берүү, таануу үчүн зарыл болгон документтер

30. Лицензияны жана (же) уруксатты алуу үчүн арыз ээси лицензиарга төмөнкүлөрдү берүүгө милдеттүү:

1) төмөнкүлөрдү көрсөтүү менен арыз:

– юридикалык жак үчүн – юридикалык жактын (уюмдун) толук жана кыскартылган аталышын жана уюштуруу-укуктук формасын;

– жеке жак үчүн – фамилиясын, атын жана атасынын атын;

– жайгашкан жерин;

– лицензиар кат алышууну жүзөгө ашырган электрондук почтанын дарегин;

2) жеке жак үчүн – инсандыгын ырастоочу документтин көчүрмөсүн;

3) юридикалык жак жана жеке ишкер үчүн – мамлекеттик каттоо жөнүндө күбөлүктүн көчүрмөсүн же жеке жак үчүн ишкердик ишке патенттин көчүрмөсүн;

4) арызды кароо жана лицензия жана (же) уруксат берүү үчүн мамлекеттик алым төлөнгөндүгүн ырастоочу документтин көчүрмөсүн;

5) арыз ээсинин ыйгарым укуктуу өкүлү арыз берген учурда лицензиарга арыз жана тиркелген документтерди берүү укугуна ишеним катты;

6) берилген документтердин тизмесин;

7) арыз ээси жүзөгө ашырууга ниеттенген иштин лицензиялануучу түрү үчүн ушул Жобонун өзгөчө бөлүгүндө каралган документтерди.

Зарыл болгон учурда лицензиарга документтин түп нускасы жана/же анын тиешелүү түрдө күбөлөндүрүлгөн көчүрмөлөрү берилиши керек.

31. Чет мамлекеттердин ыйгарым укуктуу органдары тарабынан берилген лицензияны таануу үчүн арыз ээси лицензиарга төмөнкүлөрдү берет:

1) юридикалык жактын (уюмдун) толук жана кыскартылган аталышын жана уюштуруу-укуктук формасын, анын жайгашкан жерин, лицензиар кат алышууну жүзөгө ашырган анын электрондук почтасынын дарегин, чечимдердин, кабарлоолордун, билдирүүлөрдүн жиберилишин, банктын аталышын жана банктагы алыш-бериш эсебинин номерин, арыз ээси ишке ашырууга ниеттенген иштин лицензиялануучу түрүн көрсөтүү менен чет мамлекеттин ыйгарым укуктуу адамы тарабынан берилген лицензияны таануу жөнүндө арызды;

2) чет мамлекеттин ыйгарым укуктуу адамы тарабынан берилген лицензиянын түп нускасын жана көчүрмөсүн;

3) арыз ээсинин ишинин мыйзамдуулугун ырастоочу документтер (келип чыккан өлкөдөгү мамлекеттик каттоо).

32. 31-пунктта көрсөтүлгөн документтер чет өлкөлүк расмий документтерди консулдук легалдаштыруу талаптарына ылайык күбөлөндүрүлүүгө же апостиль коюу, мамлекеттик жана расмий тилдерге которуу менен күбөлөндүрүлүүгө тийиш.

33. Ушул главада каралбаган лицензияны жана (же) уруксатты берүү, таануу үчүн документтерди арыз ээсинин берүүсү жөнүндө лицензиардын талап кылуусуна тыюу салынат.

6-глава. Лицензиялоону жүзөгө ашыруу үчүн

документтерди кабыл алуудан баш тартуунун

негиздери

34. Документтерди кабыл алуудан баш тартуу үчүн негиз болуп төмөнкүлөр саналат:

1) ушул Жободо белгиленген талаптарга ылайык келбеген адамдын арыздарды жана документтерди берүүсү;

2) лицензия жана (же) уруксат берүү, кайра тариздөө, убактылуу лицензияны колдонуу мөөнөтүн узартуу, лицензияны же уруксатты колдонууну токтото туруу (кайра жаңылоо) жана токтотуу, чет мамлекеттердин ыйгарым укуктуу органдары тарабынан берилген лицензияларды таануу үчүн ушул Жободо каралган бир же бир нече документтердин жоктугу;

3) лицензиянын колдонуу мөөнөтүн узартуу жөнүндө арыз берүү үчүн белгиленген мөөнөттү бузуу менен документтерди берүү;

4) оңдоолору же кошуп жазуулары бар, сөздөрү чийилген же аларда айтылбаган башка оңдоолору бар документтерди, карандаш менен жазылган документтерди, ошондой эле алардын мазмунун бир мааниде чечмелөөгө мүмкүндүк бербеген олуттуу зыянга учураган документтерди берүү.

35. Документтерди кабыл алуудан баш тартуу арыз ээси тарабынан баш тартуу үчүн негиз болгон себептер жоюлгандан кийин кайталап жана андан кийинки кайрылуулар үчүн тоскоолдук болуп саналбайт.

Лицензиардын жазуу жүзүндөгү баш тартуусу лицензиар документтерди алган күндөн тартып бир жумуш күндүн ичинде арыз ээси берген бардык документтерди тиркөө менен арыз ээсине берилет.

36. Ушул Жободо каралбаган негиздер боюнча лицензиялоону ишке ашыруу үчүн документтерди кабыл алуудан баш тартууга тыюу салынат.

7-глава. Лицензиялоодон баш тартуунун

негиздери

37. Лицензияны жана (же) уруксатты берүүдөн, лицензияны таануудан, убактылуу лицензияны колдонуу мөөнөтүн узартуудан, лицензияны жана (же) уруксатты кайра тариздөөдөн, токтотулуп турган лицензияны (же) уруксатты колдонууну кайра жаңылоодон баш тартуу үчүн негиздер болуп төмөнкүлөр саналат:

1) берилген документтерден анык эмес, бурмаланган же толук эмес маалымат табылганда;

2) арыз ээсинин документтеринин “Кыргыз Республикасындагы лицензиялык-уруксат берүү тутуму жөнүндө” Кыргыз Республикасынын Мыйзамында жана ушул Жободо белгиленген талаптарга ылайык келбеши;

3) субъекттердин бул категориясы үчүн иштин белгилүү бир түрүн жүзөгө ашырууга мыйзамдарда каралган тыюу салуунун болушу;

4) арыз ээсине иштин ушул түрү менен алектенүүгө тыюу салган соттун чечими болсо;

5) лицензияны жана (же) уруксатты кароо жана берүү үчүн мамлекеттик алым төлөнбөсө;

6) табылган лицензиялык талаптарды бузууларды четтетпөө.

38. Ушул Жободо каралбаган негиздер боюнча лицензия жана (же) уруксат берүүдөн баш тартууга тыюу салынат.

8-глава. Лицензиялоо процесси

39. Лицензиялоо процесси төмөнкүлөрдү камтыйт:

1) лицензия жана (же) уруксат берүү үчүн документтерди кабыл алуу;

2) берилген документтерди талдоо;

3) лицензиялык контролдоо жүргүзүү;

4) лицензия жана (же) уруксат берүү же берүүдөн баш тартуу жөнүндө чечим кабыл алуу;

5) лицензияны жана (же) уруксатты тариздөө;

6) лицензиянын жана (же) уруксаттын түп нускасын (дубликатын) берүү (берүүдөн баш тартуу);

7) лицензияны жана (же) уруксатты кайра тариздөө;

8) убактылуу лицензияны колдонуу мөөнөтүн узартуу;

9) лицензияны жана (же) уруксатты колдонууну токтотуу;

10) лицензияны таануу жөнүндө (таануудан баш тартуу жөнүндө) чечим кабыл алуу;

11) эскертүү берүү жөнүндө чечим кабыл алуу;

12) айып пул салуу жөнүндө чечим кабыл алуу;

13) берилген (таанылган) лицензияны жана (же) уруксатты колдонууну токтото туруу жөнүндө чечим кабыл алуу;

14) берилген (таанылган) лицензияны жана (же) уруксатты колдонууну кайра жаңылоо (кайра жаңылоодон баш тартуу) жөнүндө чечим кабыл алуу;

15) лицензияны жана (же) уруксатты жокко чыгаруу жөнүндө маселени кароо үчүн сот органдарына доо арызын берүү;

16) Лицензиялардын жана (же) уруксаттардын автоматташтырылган (электрондук) бирдиктүү реестрин жүргүзүү.

9-глава. Лицензия жана (же) уруксат берүү үчүн

документтерди кабыл алуу жана лицензиялык ишти

түзүү

40. Лицензия жана (же) уруксат берүү жөнүндө арыз жана ушул Жобонун 5-главасында көрсөтүлгөн документтер алар келип түшкөн күнү катталат.

41. Арыздын формасы лицензиар тарабынан бекитилет.

42. Арызда тиркелген документтердин тизмеси көрсөтүлөт.

43. Арыздарды каттоо журналына арыз ээсинин аталышы (аты), арыздын катар номери, арызды кабыл алуу датасы, берилген документтердин тизмеси, арызды кароо компетенциясына кирген мамлекеттик органга кайра даректелген күн, арызды кайтарып берүү датасы, лицензияны жана (же) уруксатты берүү же берүүдөн баш тартуу жөнүндө актылардын реквизиттери, даттануу датасы, даттануу боюнча кабыл алынган чечимдин датасы жана түрү, лицензиялык ишти жүргүзүүгө жооптуу адамдын аты-жөнү жазылат.

44. Арыздын көчүрмөсү (кабыл алынган документтерди көрсөтүү менен) журналда анын катталгандыгы жөнүндө белги коюу менен арыз ээсине тапшырылат.

45. Лицензиар лицензиялык ишти арыз катталган күнү түзөт.

46. Ар бир арыз боюнча бирден лицензиялык иш түзүлөт.

47. Лицензиялык иш төмөнкүлөрдү камтыйт:

1) арыз жана ага тиркелген документтер;

2) лицензиар тарабынан лицензияга чейинки текшерүү жүргүзүлгөн акт (бар болсо);

3) лицензиардын коллегиалдуу органынын жыйналыштарынын протоколдору (бар болсо);

4) лицензия жана (же) уруксат берүү, лицензияны таануу, лицензияны жана (же) уруксатты берүүдөн баш тартуу, лицензияны жана (же) уруксатты кайра тариздөө, узартуу, токтото туруу, кайра жаңылоо, токтотуу же жокко чыгаруу жөнүндө лицензиардын чечими;

5) лицензиар тарабынан лицензиатка жүргүзүлгөн текшерүүлөрдүн актылары лицензиялык текшерүүлөрдүн толтурулган барактары менен;

6) лицензиянын жана (же) уруксаттын көчүрмөлөрү;

7) таасир этүү чараны (чараларды) колдонуу жөнүндө актылардын көчүрмөлөрү;

8) лицензияны мөөнөтүнөн мурда токтотуу жөнүндө арыз (бар болсо).

48. Лицензиялык иш лицензиаттын иштин лицензиялануучу түрүн жүзөгө ашырган мөөнөтүнүн ичинде лицензиарда сакталат.

Лицензиялануучу иш токтотулгандан кийин иш лицензиардын архивинде 3 жыл сакталат.

10-глава. Лицензия жана (же) уруксат берүү

(берүүдөн баш тартуу) жөнүндө чечим кабыл алуу

49. Лицензиардын лицензия жана (же) уруксат берүү (берүүдөн баш тартуу) жөнүндө чечими арыз ээси берген документтерди, лицензия алдындагы текшерүүнүн жыйынтыктарын (бар болсо) талдоонун негизинде чыгарылат.

50. Лицензиардын лицензия жана (же) уруксат берүү же берүүдөн баш тартуу жөнүндө актысы лицензия алдындагы текшерүү жүргүзүлгөн күндөн тартып 3 жумуш күндүн ичинде эки нускада таризделет.

51. Кабыл алынган чечим жөнүндө акт лицензия жана (же) уруксат берүү же берүүдөн баш тартуу жөнүндө чечим кабыл алынгандан кийин 3 жумуш күндүн ичинде тапшырылат (же арыз ээсине тапшыруу жөнүндө кабарлоо менен почта байланышы аркылуу жиберилет).

52. Ушул Жобонун 6-главасында аныкталган баш тартуу үчүн негиздер четтетилген учурда арыз кайрадан каралууга тийиш. Мындай учурда лицензия жана (же) уруксат берүү жөнүндө арызды кароо мөөнөтү арыз кайталап кароого берилген күндөн тартып эсептелет.

53. Арыз ээсинин мурда каралган документтери боюнча арызды кабыл алуудан баш тартууга жол берилбейт.

54. Эгерде лицензия берүүчү 30 календардык күндүн ичинде арыз ээсине лицензия жана (же) уруксат берүүдөн баш тартуу жөнүндө жазуу жүзүндө билдирбесе, лицензия жана (же) уруксат берилди деп эсептелет.

55. Ушул Жобонун 54-пунктунда каралган учурда лицензиар лицензия жана (же) уруксат берүү мөөнөтү аяктаган күндөн кийинки күндөн кечиктирбестен лицензия жана (же) уруксат берүү жөнүндө маалыматтарды Лицензиялардын жана уруксаттардын автоматташтырылган (электрондук) бирдиктүү реестрине киргизүүгө жана арыз ээсине суралып жаткан лицензияны жана (же) уруксатты берүүгө милдеттүү.

11-глава. Лицензияны жана (же) уруксатты

тариздөө жана берүү

56. Лицензияда жана (же) уруксатта төмөнкүлөр көрсөтүлөт:

1) лицензиялоочу органдын аталышы;

2) юридикалык жактын толук жана (эгерде бар болсо) кыскартылган аталышы жана уюштуруу-укуктук формасы;

3) жеке адамдын паспорттук маалыматтары,

– жеке ишкерлер үчүн – жеке ишкерди мамлекеттик каттоо жөнүндө жазуунун каттоо номери;

– патенттин негизинде иш жүргүзгөн жактар үчүн – патенттин номери жана колдонуу мөөнөтү;

4) иштин лицензиялануучу түрү;

5) лицензияны жана (же) уруксатты колдонуу мөөнөтү (эгерде белгилүү бир мөөнөт белгиленсе);

6) ишти жүзөгө ашыруу аймагы (эгерде аймактык чектөөлөр белгиленсе);

7) лицензия жана (же) уруксат берилген күн жана каттоо номери;

8) салык төлөөчүнүн идентификациялык номери.

Зарыл болгон учурда лицензияда жана (же) уруксатта лицензиялык ишти түзүүчү аткарылуучу иштердин, көрсөтүлүүчү кызматтардын тизмеси көрсөтүлөт (эгерде лицензиялык ишти түзүүчү жумуштар жана (же) кызмат көрсөтүүлөр бар болсо).

57. Лицензиянын жана (же) уруксаттын таризделген түп нускасынан көчүрмө алынат лицензияны жана (же) уруксатты тариздөө үчүн жооптуу адамдын колу менен күбөлөндүрүлөт жана лицензиялык ишке тиркелет.

58. Ушул главада белгиленген лицензияны жана (же) уруксатты тариздөө тартиби чет мамлекеттердин органдары тарабынан берилген лицензияларга жана (же) уруксаттарга жайылтылбайт.

59. Лицензия жана (же) уруксат лицензия жана (же) уруксат берүү жөнүндө чечим кабыл алынган күндөн тартып 3 жумуш күндүн ичинде арыз ээсине же анын мыйзамдуу өкүлүнө кол коюу менен тапшырылат же болбосо тапшырылгандыгы жөнүндө кабарландыруу менен почта байланышы аркылуу жөнөтүлөт.

12-глава. Лицензиянын жана (же) уруксаттын

дубликатын берүү (берүүдөн баш тартуу)

60. Лицензиянын жана (же) уруксаттын дубликатын берүү үчүн ал жоголгон же бузулган учурда лицензиянын жана (же) уруксаттын дубликатын берүү жөнүндө лицензиаттын арызы менен кайрылуусу негиз болот.

61. Лицензия жана (же) уруксат бузулган учурда арызга бузулган лицензия жана (же) уруксат тиркелет.

62. Лицензия жана (же) уруксат жоголгон учурда арызга калкты каттоо чөйрөсүндөгү ыйгарым укуктуу органдын (табылгалар бюросу) маалымкаты тиркелет.

63. Жоголгон, бузулган лицензиялар жана (же) уруксаттар лицензиат арыз берген күндөн тартып жараксыз деп эсептелет.

64. Арыз берилген күндөн тартып 3 жумуш күндүн ичинде лицензиар лицензиянын бланкынын жогорку оң бурчунда “Дубликат” деген жазуу менен лицензиянын жана (же) уруксаттын дубликатын берет.

65. Дубликат ыйгарым укуктуу кызмат адамынын колу жана лицензиардын мөөрү менен күбөлөндүрүлөт.

66. Лицензиат лицензиянын жана (же) уруксаттын дубликатын берүүдөн баш тартуу жөнүндө лицензиардын чечимине сот тартибинде даттанууга укуктуу.

67. Жаңы лицензияны жана (же) уруксатты берүүдө лицензиар анын дубликатын алып коёт.

68. Чет мамлекеттердин органдары тарабынан берилген жоголгон же бузулган лицензиялардын жана (же) уруксаттардын дубликаттары берилбейт.

13-глава. Лицензияны жана (же) уруксатты

кайра тариздөө

69. Лицензия жана (же) уруксат төмөнкү учурларда кайра таризделүүгө тийиш:

1) юридикалык жакты кайра уюштурууда;

2) юридикалык жактын аталышын өзгөртүүдө;

3) жеке жактын фамилиясын, атын, атасынын атын өзгөртүүдө;

4) чектелген мамлекеттик ресурстарды пайдаланууга лицензияны ээликтен ажыратууда;

5) лицензиянын колдонуу мөөнөтүн узартууда;

6) юридикалык жакты реструктуризациялоодо.

70. Лицензияны жана (же) уруксатты кайра тариздөө үчүн негиздерди жана жаңы маалыматтарды көрсөтүп, тиешелүү өзгөртүүлөрдү ырастаган документтерди тиркөө менен лицензияны жана (же) уруксатты кайра тариздөө жөнүндө арыз лицензиарга лицензиат тарабынан кайра тариздөө үчүн негиздер пайда болгон күндөн тартып 15 жумуш күндүн ичинде берилет.

71. Келип түшкөн документтер алар катталган күнү лицензиаттын лицензиялык ишине тиркелет.

72. Лицензияны жана (же) уруксатты кайра тариздөө же кайра тариздөөдөн баш тартуу жөнүндө чечим кабыл алынган күндөн тартып 3 жумуш күндүн ичинде лицензиатка кол коюу менен тапшырылат же болбосо тапшырылгандыгы жөнүндө кабарлоо менен почта байланышы аркылуу жөнөтүлөт.

73. Кайра таризделген лицензияны жана (же) уруксатты тариздөө жана берүү ушул Жобонун 11-главасында белгиленген тартипте жүзөгө ашырылат.

74. Убактылуу лицензияларды кайра тариздөөдө лицензияны колдонуунун жалпы мөөнөтү өзгөрбөйт.

14-глава. Убактылуу лицензиянын колдонуу

мөөнөтүн узартуу

75. Убактылуу лицензияны колдонуу мөөнөтүн узартуу үчүн негиз болуп лицензиаттын лицензияны алгачкы алуу үчүн зарыл болгон документтерди тиркөө менен анын колдонуу мөөнөтүн узартуу жөнүндө арыз менен кайрылуусу эсептелет.

76. Лицензияны колдонуу мөөнөтүн узартуу жөнүндө арыз лицензиарга лицензияны колдонуу мөөнөтү аяктаганга чейин 90 календардык күндөн эрте эмес жана 30 календардык күндөн кеч эмес берилет.

77. Келип түшкөн документтер катталган күнү лицензиаттын лицензиялык ишине тиркелет.

78. Лицензиянын колдонуу мөөнөтүн узартуу жөнүндө арызды кароого жооптуу адам ушул Жобонун 9-главасында белгиленген тартипте берилген документтерди текшерет.

79. Зарыл болгон учурда лицензияга чейинки текшерүү жүргүзүлөт.

80. Лицензиянын колдонуу мөөнөтүн узартуу же бул мөөнөттү узартуудан баш тартуу жөнүндө чечим ушул Жобонун 10-главасында белгиленген тартипте кабыл алынат.

81. Лицензиардын лицензияны колдонуу мөөнөтүн узартуу же бул мөөнөттү узартуудан баш тартуу жөнүндө чечимди кабыл алуу мөөнөтү лицензия берүү же аны берүүдөн баш тартуу жөнүндө чечим кабыл алуу үчүн белгиленген мөөнөттөрдөн ашпоого тийиш.

82. Лицензиатка мөөнөтү өтүп кеткен лицензияда көрсөтүлгөн маалыматтарга окшош маалыматтарды камтыган жаңы колдонуу мөөнөтү менен жаңы лицензия таризделет.

83. Лицензиянын түп нускасынан көчүрмө алынып, тариздөө үчүн жооптуу адистин колу менен күбөлөндүрүлөт жана мурдагы лицензия берилген учурда ачылган лицензиялык ишке тиркелет.

15-глава. Лицензиянын жана (же) уруксаттын

колдонулушун токтотуу

84. Лицензиянын жана (же) уруксаттын колдонулушу төмөнкү учурларда токтотулат:

1) лицензиаттын лицензиянын жана (же) уруксаттын колдонулушун токтотуу жөнүндө арыз менен кайрылуусу;

2) жеке жактын жеке ишкер катары ишин токтотуусу;

3) жеке жактын патентинин колдонуу мөөнөтүнүн аякташы;

4) юридикалык жакты жоюу;

5) лицензиянын жана (же) уруксаттын колдонуу мөөнөтүнүн аякташы;

6) аны жүзөгө ашырууга лицензия жана (же) уруксат берилген аракеттерди, операцияларды толук көлөмдө жасоо;

7) лицензиялануучу иштин түрүн жүзөгө ашырууну мөөнөтүнөн мурда ыктыярдуу токтотуу жөнүндө лицензиаттын (лицензиаттын укук мураскорунун) арызы;

8) лицензиялануучу иштин түрлөрүнүн тизмесинен иштин айрым түрүн алып салуу;

9) лицензияны жана (же) уруксатты жокко чыгаруу, лицензияны жана (же) уруксатты берүүнү же узартууну мыйзамсыз деп таануу жөнүндө соттун чечиминин мыйзамдуу күчүнө кирүүсү;

10) жеке адамды аракетке жөндөмсүз деп таануу же анын каза болушу.

85. Лицензияны жана (же) уруксатты колдонууну мөөнөтүнөн мурда ыктыярдуу токтотуу лицензиаттын арызынын негизинде жүзөгө ашырылат, ага токтотулуп жаткан лицензиянын жана (же) уруксаттын түп нускасы тиркелет.

Лицензияны жана (же) уруксатты мөөнөтүнөн мурда токтотуу жөнүндө арызды алган учурда лицензиар пландуу лицензиялык текшерүүдө камтылбаган мезгил үчүн лицензиаттан маалыматтарды суроого укуктуу. Суралган маалыматтар иштин ушул түрүнө карата колдонулуучу лицензиялык текшерүү барагынын чегинен чыга албайт.

86. Арыз жана тиркелген документтер катталган күнү лицензиаттын лицензиялык ишине тиркелет.

87. Лицензияны жана (же) уруксатты колдонууну мөөнөтүнөн мурда токтотуу жөнүндө чечим тиешелүү арыз келип түшкөн же ушул Жобонун 85-пунктунда көрсөтүлгөн жагдайлар келип чыккан күндөн тартып 10 жумуш күндүн ичинде кабыл алынат.

88. Чечим кабыл алынган күндөн тартып 3 жумуш күндүн ичинде лицензиатка кол койдуруу менен тапшырылат же болбосо почта байланышы аркылуу тапшырылгандыгы жөнүндө кабарландыруу менен жөнөтүлөт.

89. Лицензияны жана (же) уруксатты колдонуу токтотулганда лицензиар лицензияны жана (же) уруксатты колдонууну токтотуу жөнүндө маалыматты Автоматташтырылган (электрондук) бирдиктүү реестрге киргизет.

90. Маалыматтар Автоматташтырылган (электрондук) реестрге бирдиктүү киргизилген күндөн тартып лицензияны жана (же) уруксатты колдонуу токтотулду деп таанылат.

16-глава. Чет мамлекеттердин ыйгарым

укуктуу органдары тарабынан берилген лицензияны

таануу (таануудан баш тартуу)

91. Чет мамлекеттердин ыйгарым укуктуу органдары тарабынан берилген лицензияларды Кыргыз Республикасынын аймагында таануу лицензияларды өз ара таануу тартибинде эл аралык макулдашуулардын негизинде, ошондой эле бир тараптуу тартипте жүзөгө ашырылат.

92. Кыргыз Республикасы катышуучусу болуп саналган, мыйзамда белгиленген тартипте күчүнө кирген эл аралык келишимдерге ылайык чет мамлекеттердин ыйгарым укуктуу органдары тарабынан берилген иштин айрым түрлөрүнө берилген лицензиялар лицензиялоонун кошумча жол-жоболорун жүргүзбөстөн жана улуттук лицензия бербестен лицензиар тарабынан Бирдиктүү автоматташтырылган (электрондук) реестрге чет мамлекеттердин лицензиялары жөнүндө маалыматтарды киргизүү жолу менен Кыргыз Республикасынын аймагында жарактуу деп таанылат.

93. Кыргыз Республикасынын аймагында бир тараптуу тартипте таанылуучу «Кыргыз Республикасындагы лицензиялык-уруксат берүү тутуму жөнүндө» Кыргыз Республикасынын Мыйзамынын 3-беренесинин 27-бөлүгүндө көрсөтүлгөн лицензиялардын тизмегине Кыргыз Республикасынын мыйзамдарында белгиленген талаптарга лицензиялык талаптары окшош же андан ашкан чет мамлекеттердин лицензиарлары тарабынан берилген лицензиялар гана киргизилүүгө тийиш.

94. Кыргыз Республикасынын аймагында бир тараптуу тартипте таанылуучу лицензиялардын тизмесинде лицензиялардын жана ошол лицензияларды берген мамлекеттердин аталыштары камтылууга тийиш.

95. Лицензияларды бир тараптуу тартипте таануу жол-жобосу берилген лицензиялардын жана документтердин аныктыгын текшерүү жана лицензияларды таануу жөнүндө маалыматтарды Бирдиктүү автоматташтырылган (электрондук) реестрге киргизүү жол-жобосуна негизделет.

96. Чет мамлекеттин ыйгарым укуктуу органы тарабынан берилген Кыргыз Республикасынын аймагында лицензиянын колдонулушун таануу жөнүндө маалыматтарды Бирдиктүү автоматташтырылган (электрондук) реестрге киргизүү үчүн арыз ээси лицензияны таануу жөнүндө арыз менен ушул Жобонун 31-пунктунда көрсөтүлгөн документтерди берүү менен тиешелүү лицензиарга кайрылат.

97. Лицензиар берилген документтерди текшерүүнү 3 жумуш күндүн ичинде жүзөгө ашырат жана Кыргыз Республикасынын аймагында көрсөтүлгөн лицензиянын колдонулушун таануу жөнүндө маалыматты Бирдиктүү автоматташтырылган (электрондук) реестрге киргизет.

98. Эгерде чет мамлекеттин ыйгарым укуктуу органы тарабынан берилген лицензияны колдонуу мөөнөтү чектелген болсо, Кыргыз Республикасынын аймагында таанылган лицензияны колдонуу чет мамлекет тарабынан берилген лицензияны колдонуу мөөнөтүнө жараша чектелүүгө тийиш.

99. Лицензиясы белгиленген тартипте таанылган лицензиат лицензиялык жөнгө салынууга тийиш болгон иштин тиешелүү түрүн жүзөгө ашыруу үчүн Кыргыз Республикасынын мыйзамдарында белгиленген лицензиялык талаптарды бузган учурда, лицензиар “Кыргыз Республикасындагы лицензиялык-уруксат берүү тутуму жөнүндө” Кыргыз Республикасынын Мыйзамына ылайык Кыргыз Республикасынын аймагында көрсөтүлгөн лицензиянын колдонулушун өзүнүн чечими менен токтото алат же болбосо лицензияны таануу жөнүндө чечим лицензиардын кайрылуусунун негизинде сот тартибинде жокко чыгарылышы мүмкүн.

100. Лицензиат чет мамлекеттин таанылган лицензиясынын колдонулушун токтото туруу жөнүндө лицензиардын чечимине сот тартибинде даттанууга укуктуу.

17-глава. Лицензияларды жана (же) уруксаттарды

мамлекеттик каттоо

101. Лицензияларды мамлекеттик каттоо Лицензиялардын жана уруксаттардын автоматташтырылган (электрондук) бирдиктүү реестрине (мындан ары – Реестр) маалыматтарды киргизүү аркылуу жүзөгө ашырылат.

102. Реестрге Кыргыз Республикасында берилген лицензиялар жана уруксаттар, ошондой эле Кыргыз Республикасынын аймагында таанылган чет мамлекеттердин лицензиарлары тарабынан берилген лицензиялар жөнүндө маалыматтар киргизилет.

103. Реестр лицензиялардын жана уруксаттардын укуктук статусун ырастоочу расмий булак болуп саналат. Мамлекеттик органдар өз ыйгарым укуктарын жүзөгө ашыруу үчүн Реестрден лицензиялар жана уруксаттар жөнүндө маалыматты жеке жана юридикалык жактардан аталган маалыматты ырастоону кошумча талап кылбастан алууга милдеттүү.

104. Реестрде төмөнкүдөй маалыматтар көрсөтүлөт:

1) юридикалык жактын толук жана кыскартылган (эгерде бар болсо) аталышы, анын ичинде фирмалык аталышы жана уюштуруу-укуктук формасы, юридикалык дареги;

2) жеке жактын фамилиясы, аты, атасынын аты, анын жашаган жери, анын инсандыгын күбөлөндүрүүчү документтин маалыматтары, жеке ишкерлер үчүн – жеке ишкерди мамлекеттик каттоо жөнүндө жазуунун каттоо номери же патенттин номери;

3) лицензиялануучу иштин түрү жана аракеттердин түрү;

4) ишти жүзөгө ашыруу аймагы;

5) лицензияны жана (же) уруксатты колдонуу мөөнөтү;

6) салык төлөөчүнүн идентификациялык номери;

7) лицензия жана (же) уруксат берилген дата жана каттоо номери;

8) лицензияны жана (же) уруксатты колдонууну токтото туруунун жана кайра жаңылоонун негизи жана мөөнөтү;

9) лицензияны жана (же) уруксатты токтотуунун негизи жана датасы.

105. Реестрдин маалыматтык бөлүгү төмөнкүлөрдү камтыйт:

1) республиканын аймагында берилүүчү лицензиялардын жана уруксаттардын тизмеги;

2) лицензия же уруксат алуунун тартибин аныктоочу ченемдик укуктук актыларга шилтемелер;

3) лицензияларды жана уруксаттарды алуу үчүн зарыл болгон документтердин тизмеги;

4) лицензияларды жана уруксаттарды алууга талапкерлерге карата талаптар;

5) лицензияларды жана уруксаттарды алууга арыздарды берүүнүн жана кароонун жол-жоболорун баяндоо;

6) лицензияларды жана уруксаттарды берүүдөн баш тартуу үчүн негиздер;

7) лицензиялоочу органдардын чечимдерине даттануу жол-жоболорун баяндоо;

8) лицензияларды жана уруксаттарды берүүнү, даттанууларды кароону жүзөгө ашыруучу органдардын, анын ичинде региондук бөлүмдөрдүн аталышы, жайгашкан жери жана иштөө режими;

9) мамлекеттик алымды төлөөнүн өлчөмү жана тартиби.

106. Лицензияларды жана уруксаттарды берүүнү жүзөгө ашыруучу мамлекеттик органдар Реестрди жүргүзөт, ошондой эле Реестрдин маалыматтык бөлүгүнүн аныктыгын жана актуалдуулугун камсыз кылат.

107. Лицензияларды жана уруксаттарды берүүнү жүзөгө ашыруучу мамлекеттик органдар Реестрдин маалыматтык бөлүгүнө киргизилген маалыматтарга жана талаптарга гана таянууга укуктуу.

108. Реестр ишкердикти өнүктүрүү боюнча ыйгарым укуктуу органдын расмий сайтында, ошондой эле лицензиарлардын расмий сайттарында жайгаштырылат жана Кыргыз Республикасынын мамлекеттик сырлар жана коммерциялык сырлар жөнүндө мыйзамдары менен чектелген маалыматтарды кошпогондо, ачык болуп саналат.

II бөлүк

ӨЗГӨЧӨ БӨЛҮМ

18-глава. Электр энергиясын өндүрүүнү,

берүүнү, бөлүштүрүүнү, сатууну, экспорттоону жана

импорттоону лицензиялоонун өзгөчөлүктөрү

109. Электр энергиясын өндүрүүгө, берүүгө, бөлүштүрүүгө, сатууга, экспорттоого жана импорттоого лицензия (энергиянын кайра жаралуучу булактарын пайдалануунун натыйжасында алынган электр энергиясын өндүрүүнү, ошондой эле 1000 кВт чейинки кубаттуулукта жеке пайдалануу үчүн энергиянын ар кандай булактарынан электр энергиясын өндүрүүнү кошпогондо) отун-энергетикалык комплексин жөнгө салуу боюнча ыйгарым укуктуу мамлекеттик орган тарабынан берилет.

110. Электр энергиясын өндүрүүгө, берүүгө, бөлүштүрүүгө, сатууга, экспорттоого жана импорттоого лицензия (энергиянын кайра жаралуучу булактарын пайдалануунун натыйжасында алынган электр энергиясын өндүрүүнү, ошондой эле 1000 кВт чейинки кубаттуулукта жеке пайдалануу үчүн энергиянын бардык булактарынан электр энергиясын өндүрүүнү кошпогондо) мөөнөтсүз, ажыратылгыс болуп саналат жана Кыргыз Республикасынын бүткүл аймагында колдонулат.

111. Электр энергиясын өндүрүү боюнча ишти жүзөгө ашыруу үчүн (энергиянын кайра жаралуучу булактарын пайдалануунун натыйжасында алынган электр энергиясын өндүрүүнү, ошондой эле 1000 кВт чейинки кубаттуулукта жеке пайдалануу үчүн энергиянын каалаган булактарынан электр энергиясын өндүрүүнү кошпогондо) арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

2) техникалык коопсуздук чөйрөсүндө көзөмөлдөө жана контролдоо боюнча ыйгарым укуктуу мамлекеттик органдын жабдуулардын жана инфраструктуралардын техникалык коопсуздук ченемдерине шайкештиги жөнүндө оң корутундусу;

3) лицензиялануучу ишти сапаттуу жана коопсуз жүзөгө ашырууну камсыз кылуучу квалификациялуу адистердин бар экендиги жөнүндө маалыматтар (дипломдордун, эмгек китепчелеринин, билими же квалификациясы жөнүндө күбөлүктөрдүн же сертификаттардын көчүрмөлөрү);

4) электр чарбасы үчүн жооптуу адис жөнүндө буйруктун көчүрмөсү;

5) материалдык-техникалык жабдылгандыгын жана лицензиялануучу иштин түрү боюнча ниеттерин толук баяндаган түшүндүрмө кат;

6) менчигинде электр энергиясын өндүрүү үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктыгы жөнүндө акт же башка документ) көчүрмөлөрү.

112. Электр энергиясын сатуу боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде электр энергиясын сатуу үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктыгы жөнүндө акт же башка документ) көчүрмөлөрү (буга үчүнчү жактардын жабдуулары аркылуу электр энергиясын экспорттоо жана/же импорттоо учурлары кирбейт);

7) арыз ээси өзү электр энергиясын өндүрүүчү (генератор) болуп саналган учурларды кошпогондо, үчүнчү жактардан электр энергиясын сатып алуу мүмкүнчүлүгүн ырастаган документтердин (контракттардын, ниет келишимдеринин, расмий каттардын) көчүрмөлөрү.

113. Электр энергиясын берүү боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

7) арыз ээсинин электр энергиясын берүү боюнча кызмат көрсөтүүлөрүнө үчүнчү жактардын кызыкчылыгын ырастаган документтердин көчүрмөлөрү (ниет келишими, коммерциялык сунуштар, расмий каттар).

114. Электр энергиясын бөлүштүрүү боюнча ишти жүзөгө ашыруу үчүн арыз ээси кошумча төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

115. Электр энергиясын экспорттоо боюнча ишти жүзөгө ашыруу үчүн арыз ээси кошумча төмөнкүдөй документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде зарыл болгон жабдуулардын болушун же үчүнчү жактардын жабдуулары аркылуу экспорттоо мүмкүндүгүн ырастаган документтердин (сатып алуу-сатуу/белекке берүү келишими/баланстык таандыктыгы жөнүндө акт/ижара/ишенимдүү башкаруу келишими/өткөрүп берүү контрагы/ниет келишими же башка документ) көчүрмөлөрү;

7) экспортту ырастаган документтердин көчүрмөлөрү (керектөөчү менен контракт, контракт жок болгон учурда – контракт түзүлгөндөн кийин аны берүү жөнүндө кепилдик кат).

116. Электр энергиясын импорттоо боюнча ишти жүзөгө ашыруу үчүн арыз ээси кошумча төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

7) импортту ырастаган документтердин көчүрмөлөрү (жеткирүүчү менен контракт, контракт жок болгон учурда – контракт түзүлгөндөн кийин аны берүү жөнүндө кепилдик кат).

117. Электр энергиясын өндүрүү боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) менчигинде электр энергиясын өндүрүү үчүн зарыл болгон жабдуулардын болушу;

3) белгиленген коопсуздук ченемдерине ылайык лицензиялык ишти адамдардын ден соолугуна жана өмүрүнө зыян келтирбестен ишке ашыруу;

4) отун-энергетикалык комплексин жөнгө салуу боюнча ыйгарым укуктуу мамлекеттик органга натыйжалуулуктун негизги көрсөткүчтөрү боюнча отчетту квартал сайын, отчеттук мезгилден кийинки айдын 20сынан кеч эмес мөөнөттө берүү.

118. Электр энергиясын сатуу боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) көп батирлүү үйлөрдү, турак жайларды жана социалдык маанилүү объекттерди баштапкы электр энергиясы менен камсыздоо;

3) алардын иштөө аймагындагы, электр менен жабдууга суроо-талап жиберген бардык керектөөчүлөрдү, анын ичинде алыскы райондордогу керектөөчүлөрдү электр менен жабдууну камсыз кылуу;

4) түзүлгөн келишимге (контрактка) ылайык электр энергиясын үзгүлтүксүз жана сапаттуу берүүнү камсыз кылуу;

5) бөлүштүрүүчү ишкананын балансында турган материалдарды сатып алуу, энергия жабдууларын орнотуу жана оңдоо боюнча материалдык чыгымдардын ордун керектөөчүлөргө өз эсебинен алты айдын ичинде толтуруу;

6) электр энергиясын алдын ала эскертүүсүз өчүрүүдөн жана/же ГОСТтун талаптарына ылайык келбеген электр энергиясын берүүдөн келип чыккан материалдык зыяндын ордун керектөөчүлөргө толтуруу;

7) менчигинде электр энергиясын сатуу үчүн зарыл болгон жабдуулардын болушу;

8) лицензиялык ишти белгиленген коопсуздук ченемдерине ылайык адамдардын ден соолугуна жана өмүрүнө зыян келтирбестен ишке ашыруу;

9) электр энергиясына тарифтерди бекитилген өлчөмдөрдө колдонуу;

10) отун-энергетикалык комплексин жөнгө салуу боюнча ыйгарым укуктуу мамлекеттик органга натыйжалуулуктун негизги көрсөткүчтөрү боюнча отчетту квартал сайын, отчеттук мезгилден кийинки айдын 20сынан кеч эмес мөөнөттө берүү.

119. Электр энергиясын бөлүштүрүү боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) менчигинде электр энергиясын бөлүшүү үчүн зарыл болгон жабдуулардын болушу;

3) лицензиялык ишти белгиленген коопсуздук ченемдерине ылайык адамдардын ден соолугуна жана өмүрүнө зыян келтирбестен ишке ашыруу.

120. Электр энергиясын берүү боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) түзүлгөн келишимге (контрактка) ылайык электр энергиясын үзгүлтүксүз жана сапаттуу берүүнү камсыз кылуу;

3) менчигинде электр энергиясын берүү үчүн зарыл болгон жабдуулардын болушу;

4) лицензиялык ишти белгиленген коопсуздук ченемдерине ылайык адамдардын ден соолугуна жана өмүрүнө зыян келтирбестен ишке ашыруу;

5) электр энергиясына тарифтерди бекитилген өлчөмдөрдө колдонуу.

121. Электр энергиясынын экспорту боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) кепилдик катта көрсөтүлгөн милдеттенмелерди аткаруу (кепилдик кат болгон учурда);

3) түзүлгөн келишимге (контрактка) ылайык электр энергиясын үзгүлтүксүз жана сапаттуу берүүнү камсыз кылуу;

4) менчигинде электр энергиясын экспорттоо үчүн зарыл болгон жабдуулардын болушу же үчүнчү жактардын жабдуулары аркылуу экспорттоо мүмкүнчүлүгү;

5) лицензиялык ишти белгиленген коопсуздук ченемдерине ылайык адамдардын ден соолугуна жана өмүрүнө зыян келтирбестен ишке ашыруу;

6) отун-энергетикалык комплексин жөнгө салуу боюнча ыйгарым укуктуу мамлекеттик органга натыйжалуулуктун негизги көрсөткүчтөрү боюнча отчетту квартал сайын, отчеттук мезгилден кийинки айдын 20сынан кеч эмес мөөнөттө берүү.

122. Электр энергиясынын экспорту боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) кепилдик катта көрсөтүлгөн милдеттенмелерди аткаруу (кепилдик кат болгон учурда);

3) түзүлгөн келишимге (контрактка) ылайык электр энергиясын үзгүлтүксүз жана сапаттуу берүүнү камсыз кылуу;

19-глава. Жылуулук энергиясын өндүрүүнү, берүүнү,

бөлүштүрүүнү, сатууну лицензиялоонун

өзгөчөлүктөрү

123. Жылуулук энергиясын өндүрүүгө, берүүгө, бөлүштүрүүгө, сатууга лицензия отун-энергетикалык комплексин жөнгө салуу боюнча ыйгарым укуктуу мамлекеттик орган тарабынан берилет.

124. Жылуулук энергиясын өндүрүүгө, берүүгө, бөлүштүрүүгө, сатууга лицензия мөөнөтсүз, ажыратылгыс болуп саналат жана Кыргыз Республикасынын бүткүл аймагында колдонулат.

125. Жылуулук энергиясын өндүрүү боюнча ишти жүзөгө ашыруу үчүн (энергиянын кайра жаралуучу булактарын пайдалануунун натыйжасында алынган жылуулук энергиясын өндүрүүнү, ошондой эле жеке пайдалануу үчүн энергиянын кандай болбосун булактарынан жылуулук энергиясын өндүрүүнү кошпогондо) арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган жылуулук энергиясын өндүрүү үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктыгы жөнүндө акт же башка документ) көчүрмөлөрү.

126. Жылуулук энергиясын сатуу боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган жылуулук энергиясын сатуу үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктыгы жөнүндө акт же башка документ) көчүрмөлөрү;

7) арыз ээси өзү жылуулук энергиясын өндүрүүчү болуп саналган учурларды кошпогондо, үчүнчү жактардан жылуулук энергиясын алуу мүмкүнчүлүгүн ырастаган документтердин көчүрмөлөрү (контракттар, ниет келишимдери, расмий каттар).

127. Жылуулук энергиясын берүү боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган жылуулук энергиясын берүү үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктыгы жөнүндө акт же башка документ) көчүрмөлөрү;

7) жылуулук энергиясын берүү боюнча арыз ээсинин кызмат көрсөтүүлөрүнө үчүнчү жактардын кызыкчылыгын ырастаган документтердин көчүрмөлөрү (ниет келишими, коммерциялык сунуштар, расмий каттар).

128. Жылуулук энергиясын бөлүштүрүү боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда жылуулук энергиясын бөлүштүрүү үчүн белгиленген тартипте катталган зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктыгы жөнүндө акт же башка документ) көчүрмөлөрү;

7) эки же андан көп керектөөчүлөрдүн бар экендигин ырастаган документтердин көчүрмөлөрү (контракттар/ниет келишимдери/коммерциялык сунуштар/расмий каттар).

129. Жылуулук энергиясын өндүрүү боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) менчигинде жана/же ээлигинде жана пайдалануусунда жылуулук энергиясын өндүрүү үчүн зарыл болгон жабдуулардын болушу;

3) адамдардын ден соолугуна жана өмүрүнө зыян келтирбестен, белгиленген коопсуздук ченемдерине ылайык лицензияланган ишти жүзөгө ашыруу;

130. Жылуулук энергиясын өндүрүү боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) керектөөчүлөргө лицензиялануучу иштин түрү боюнча кызмат көрсөтүүлөргө тоскоолдуксуз жетүүнү камсыз кылуу;

3) көп батирлүү үйлөрдү, турак жайларды жана социалдык маанилүү объекттерди жылуулук энергиясы менен баштапкы камсыздоо;

4) түзүлгөн келишимге (контрактка) ылайык жылуулук энергиясын үзгүлтүксүз жана сапаттуу жеткирүүнү камсыз кылуу;

5) керектөөчүлөргө алдын ала эскертүүсүз жылуулук энергиясын өчүрүүдөн жана/же ГОСТтун талаптарына ылайык келбеген жылуулук энергиясын берүүдөн келтирилген материалдык зыяндын ордун толтуруу;

6) менчигинде жана/же ээлигинде жана пайдалануусунда жылуулук энергиясын сатуу үчүн зарыл болгон жабдуулардын болушу;

7) лицензиялык ишти белгиленген коопсуздук ченемдерине ылайык адамдардын ден соолугуна жана өмүрүнө зыян келтирбестен ишке ашыруу;

8) жылуулук энергиясына тарифтерди бекитилген өлчөмдөрдө колдонуу;

9) отун-энергетикалык комплексин жөнгө салуу боюнча ыйгарым укуктуу мамлекеттик органга натыйжалуулуктун негизги көрсөткүчтөрү боюнча отчетту квартал сайын, отчеттук мезгилден кийинки айдын 20сынан кеч эмес мөөнөттө берүү.

131. Жылуулук энергиясын бөлүштүрүү боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) менчигинде жана/же ээлигинде жана пайдалануусунда жылуулук энергиясын бөлүштүрүү үчүн зарыл болгон жабдуулардын болушу;

132. Жылуулук энергиясын берүү боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) түзүлгөн келишимге (контрактка) ылайык электр энергиясын үзгүлтүксүз жана сапаттуу берүүнү камсыз кылуу;

3) менчигинде жана/же ээлигинде жана пайдалануусунда жылуулук энергиясын берүү үчүн зарыл болгон жабдуулардын болушу;

5) жылуулук энергиясына тарифтерди бекитилген өлчөмдөрдө колдонуу.

20-глава. Өсүмдүк сырьесунан биоэтанолду өнөр

жай көлөмүндө өндүрүүнү жана аны сатууну

кошпогондо, мунайды жана жаратылыш газын кайра

иштетүүнү лицензиялоонун өзгөчөлүктөрү

133. Мунайды жана жаратылыш газын кайра иштетүүгө лицензия отун-энергетикалык комплексин жөнгө салуу боюнча ыйгарым укуктуу мамлекеттик орган тарабынан берилет.

134. Мунайды жана жаратылыш газын кайра иштетүүгө лицензия мөөнөтсүз, ажыратылгыс болуп саналат жана Кыргыз Республикасынын бүткүл аймагында колдонулат.

135. Мунайды кайра иштетүү боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган мунайды кайра иштетүү үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими же башка документ) көчүрмөлөрү;

7) кооптуу өндүрүштүк объекттердин декларациясы жөнүндө эксперттик корутунду;

8) кооптуу өндүрүш объекттерин пайдалануучу уюмдун жоопкерчилигинин камсыздандыруу полиси;

9) мунайзаттарды кайра иштетүү боюнча кызматтарды көрсөтүү жөнүндө келишим (өндүрүштүк ишти жүзөгө ашыруу үчүн көмүрсуутек чийки затын берүүчү (берүүчүлөр) менен келишим);

10) мунайзаттарды сактоо боюнча кызматтарды көрсөтүү жөнүндө келишим;

11) өрткө каршы абал жөнүндө корутунду.

136. Жаратылыш газын кайра иштетүү боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган жаратылыш газын кайра иштетүү үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими же башка документ) көчүрмөлөрү;

7) кооптуу өндүрүштүк объекттердин декларациясы жөнүндө эксперттик корутунду;

8) кооптуу өндүрүш объекттерин пайдалануучу уюмдун жоопкерчилигинин камсыздандыруу полиси;

9) газ продуктусун кайра иштетүү боюнча кызматтарды көрсөтүү жөнүндө келишим (өндүрүштүк ишти жүзөгө ашыруу үчүн чийки затты берүүчү (берүүчүлөр) менен келишим);

10) газ продуктусун сактоо боюнча кызматтарды көрсөтүү жөнүндө келишим;

11) өрткө каршы абал жөнүндө корутунду.

137. Мунайды кайра иштетүү боюнча ишке лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) лицензиялык ишти белгиленген коопсуздук ченемдерине ылайык адамдардын ден соолугуна жана өмүрүнө зыян келтирбестен ишке ашыруу;

3) менчигинде жана/же ээлигинде жана пайдалануусунда мунайды жана жаратылыш газын кайра иштетүү үчүн зарыл болгон жабдуулардын болушу;

138. Жаратылыш газын кайра иштетүү боюнча ишке коюлуучу лицензиялык талаптар:

1) акыркы 12 айда лицензиялануучу ишти жүзөгө ашыруу;

21-глава. Жаратылыш газын өндүрүүнү,

берүүнү, бөлүштүрүүнү жана сатууну лицензиялоонун

өзгөчөлүктөрү

139. Жаратылыш газын өндүрүүгө, берүүгө, бөлүштүрүүгө жана сатууга лицензия отун-энергетикалык комплексин жөнгө салуу боюнча ыйгарым укуктуу мамлекеттик орган тарабынан берилет.

140. Жаратылыш газын өндүрүүгө, берүүгө, бөлүштүрүүгө жана сатууга лицензия мөөнөтсүз, ажыратылгыс болуп саналат жана Кыргыз Республикасынын бүткүл аймагында колдонулат.

141. Жаратылыш газын өндүрүү боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган жаратылыш газын өндүрүү үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими же башка документ) көчүрмөлөрү.

142. Жаратылыш газын сатуу боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган жаратылыш газын сатуу үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктыгы жөнүндө акт же башка документ) көчүрмөлөрү;

7) арыз ээси өзү жаратылыш газын өндүрүүчү (генератор) болуп саналган учурларды кошпогондо, жаратылыш газын үчүнчү жактардан сатып алуу мүмкүнчүлүгүн ырастаган документтердин (контракттардын, ниет келишимдеринин, расмий каттардын) көчүрмөлөрү.

143. Жаратылыш газын берүү боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган жаратылыш газын берүү үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктыгы жөнүндө акт же башка документ) көчүрмөлөрү;

7) арыз ээсинин жаратылыш газын, энергия берүү (ташуу) боюнча кызмат көрсөтүүлөргө үчүнчү жактардын кызыкчылыгын ырастаган документтердин көчүрмөлөрү (ниет келишими, коммерциялык сунуштар, расмий каттар).

144. Жаратылыш газын бөлүштүрүү боюнча ишти жүзөгө ашыруу үчүн арыз ээси кошумча түрдө төмөнкү документтерди берет:

1) банктык реквизиттер жөнүндө маалыматтар (юридикалык жактар үчүн);

4) электр чарбасы үчүн жооптуу адис жөнүндө буйруктун көчүрмөсү;

6) менчигинде жана/же ээлигинде жана пайдалануусунда белгиленген тартипте катталган жаратылыш газын бөлүштүрүү үчүн зарыл болгон жабдуулардын бар экендигин ырастаган документтердин (сатып алуу-сатуу/белекке берүү келишими, баланстык таандыктык актысы же башка документ) көчүрмөлөрү;

145. Жаратылыш газын өндүрүү боюнча ишке коюлуучу лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) менчигинде жана/же ээлигинде жана пайдалануусунда жаратылыш газын өндүрүү үчүн зарыл болгон жабдуулардын болушу;

3) лицензиялык ишти белгиленген коопсуздук ченемдерине ылайык адамдардын ден соолугуна жана өмүрүнө зыян келтирбестен ишке ашыруу;

146. Жаратылыш газын сатуу боюнча ишке коюлуучу лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

3) көп батирлүү үйлөрдү, турак жайларды жана социалдык маанилүү объекттерди жаратылыш газы менен баштапкы камсыздоо;

4) түзүлгөн келишимге (контрактка) ылайык жаратылыш газын үзгүлтүксүз жана сапаттуу берүүнү камсыз кылуу;

5) жаратылыш газын алдын ала эскертүүсүз өчүрүүдөн жана/же ГОСТтун талаптарына ылайык келбеген жаратылыш газын берүүдөн келип чыккан материалдык зыяндын ордун керектөөчүлөргө толтуруу;

6) менчигинде жана/же ээлигинде жана пайдалануусунда жаратылыш газын сатуу үчүн зарыл болгон жабдуулардын болушу;

8) жаратылыш газына тарифтерди бекитилген өлчөмдөрдө колдонуу;

147. Жаратылыш газын бөлүштүрүү боюнча ишке коюлуучу лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) менчигинде жана/же ээлигинде жана пайдалануусунда жаратылыш газын бөлүштүрүү үчүн зарыл болгон жабдуулардын болушу;

148. Жаратылыш газын берүү боюнча ишке коюлуучу лицензиялык талаптар болуп төмөнкүлөр саналат:

1) акыркы 12 айда лицензиялануучу ишти жүзөгө ашыруу;

2) түзүлгөн келишимге (контрактка) ылайык жаратылыш газын үзгүлтүксүз жана сапаттуу берүүнү камсыз кылуу;

3) менчигинде жана/же ээлигинде жана пайдалануусунда жаратылыш газын берүү үчүн зарыл болгон жабдуулардын болушу;

5) жаратылыш газына тарифтерди бекитилген өлчөмдөрдө колдонуу.

22-глава. Этил спиртин өндүрүүнү жана

жүгүртүүнү лицензиялоо өзгөчөлүктөрү

149. Этил спиртин өндүрүүгө жана жүгүртүүгө лицензия этил спиртин, алкоголдуу жана спирттүү продукцияны өндүрүү жана жүгүртүү чөйрөсүндөгү ыйгарым укуктуу мамлекеттик орган тарабынан берилет.

150. Этил спиртин өндүрүүгө жана жүгүртүүгө лицензия мөөнөтсүз, ажыратылгыс болуп саналат жана Кыргыз Республикасынын бүткүл аймагында колдонулат.

151. Этил спиртин өндүрүүгө жана жүгүртүүгө лицензия алуу үчүн арыз ээси кошумча төмөнкүдөй документтерди берет:

1) уставдык капиталды төлөгөндүгүн ырастаган документтин көчүрмөсү;

2) юридикалык жактын уюштуруу документтеринин көчүрмөлөрү (нотариус тарабынан күбөлөндүрүлгөн);

3) этил спиртин (коньяк спиртинен тышкары) өндүрүүчүлөр үчүн – менчигинде имараттардын, курулмалардын, кампа жана стационардык өндүрүштүк жайлардын жана жабдуулардын бар экендигин ырастаган документтердин түп нускаларын көрсөтүү менен алардын көчүрмөлөрү.

152. Этил спиртин өндүрүү жана жүгүртүү боюнча ишке коюлуучу лицензиялык талаптар болуп төмөнкүлөр саналат:

1) арыз ээсине менчик укугунда таандык болгон өндүрүштүк имараттардын, курулмалардын, кампа жана стационардык жайлардын, ошондой эле санитардык-эпидемиологиялык, экологиялык жана өрт коопсуздугунун талаптарына ылайык этил спиртин өндүрүү жана жүгүртүү үчүн зарыл болгон жабдуулардын болушу;

2) спирт сактоочу жайларда даяр продукцияны берүүнү жүзөгө ашыруучу идиштердеги чыгым өлчөгүчтөрдүн болушу;

3) продукцияны кабыл алууну, сактоону, берүүнү жана эсепке алууну жүзөгө ашыруу үчүн гана арналган кампа жайларынын болушу;

4) этил спиртин өндүрүүнү жана жүгүртүүнү мамлекеттик жөнгө салууну ишке ашыруучу, мамлекеттик саясатты иштеп чыгуучу жана ишке ашыруучу ыйгарым укуктуу органга маалымат берүү менен спирт заводдоруна бардык кирүүлөрдө (чыгууларда) видеобайкоонун болушу;

5) этил спиртин өндүрүүнүн жана жүгүртүүнүн көлөмүн Кыргыз Республикасынын Министрлер Кабинети аныктаган тартипте декларациялоо;

6) этил спиртин өндүрүүнүн технологиясын сактоо;

7) этил спиртин жүгүртүүнү аны өндүрүүнүн жана жүгүртүүнүн мыйзамдуулугун күбөлөндүрүүчү төмөнкүдөй коштоочу документтер болгондо гана жүзөгө ашыруу:

– товардык-транспорттук коштомо кагаз же эсеп-фактура;

– этил спиртинин коопсуздуктун техникалык регламенттерине шайкештигин ырастоочу документтердин көчүрмөлөрү;

– жүктүн бажы декларациясынын көчүрмөсү (импорттолгон этил спирти, алкоголдуу жана спирттүү продукция үчүн);

– этил спиртин өндүрүү жана жүгүртүү боюнча ишти жүзөгө ашыруу үчүн жыйымды төлөө;

8) чийки заттын жана даяр продукциянын кыймылын эсепке алуу журналынын болушу;

9) тамак-аш чийки затынан иштелип чыккан этил спиртин, тамак-аш эмес чийки заттан иштелип чыккан этил спиртин, ошондой эле мунайзаттарга кошумча катары арналган этил спиртин бир эле дарек боюнча, бир эле стационардык, кампа жайларында жана жабдууларда өндүрүүгө жана (же) сактоого тыюу салуу.

23-глава. Алкоголдук продукцияны өндүрүүнү

жана жүгүртүүнү (өндүрүү же сатуу максатында

сактоо, дүң жана чекене сатуу) лицензиялоонун

өзгөчөлүктөрү

153. Алкоголдук продукцияны өндүрүүгө жана жүгүртүүгө (өндүрүү же сатуу максатында сактоо, дүң жана чекене сатуу) лицензия этил спиртин, алкоголдук жана спирттүү продукцияны өндүрүү жана жүгүртүү чөйрөсүндөгү ыйгарым укуктуу мамлекеттик орган тарабынан берилет.

154. Алкоголдук продукцияны өндүрүүгө жана жүгүртүүгө (өндүрүү же сатуу максатында сактоо, дүң жана чекене сатуу) лицензия мөөнөтсүз, ажыратылгыс болуп саналат жана Кыргыз Республикасынын бүткүл аймагында колдонулат.

155. Алкоголдук продукцияны өндүрүүгө жана жүгүртүүгө (өндүрүү же сатуу максатында сактоо, дүң жана чекене сатуу) лицензия алуу үчүн арыз ээси кошумча түрдө төмөнкү документтерди берет:

1) алкоголдук продукцияны өндүрүүнү жана дүңүнөн сатууну жүзөгө ашыруучу юридикалык жактар үчүн уставдык капиталдын төлөнгөндүгүн ырастоочу документтин көчүрмөсү;

2) юридикалык жактын уюштуруу документтеринин көчүрмөлөрү (юридикалык жактын мөөрү менен күбөлөндүрүлгөн);

3) түп нускаларын көрсөтүү менен менчигинде жабдуулардын бар экендигин ырастаган документтердин көчүрмөлөрү;

4) алкоголдук продукцияны сатуу үчүн имараттарды, жайларды жана курулмаларды менчикке же ижарага алуу укугун ырастоочу документтердин көчүрмөлөрү, жайларды ижарага алууда укук белгилөөчү кошумча документ көрсөтүлөт;

5) салык органында катталгандыгын ырастоочу документтердин көчүрмөлөрү (патент ыктыярдуу же милдеттүү);

6) QR-кодду, электрондук акчаны же соода объекттериндеги ПОС-терминалдарды колдонуу менен төлөмдүн кабыл алынгандыгын ырастоочу документтердин көчүрмөлөрү.

156. Алкоголдук продукцияны өндүрүү жана жүгүртүү (өндүрүү же сатуу, дүң жана чекене сатуу максатында сактоо) боюнча ишке карата лицензиялык талаптар болуп төмөнкүлөр саналат:

1) арыз ээсине менчик укугунда же ижара укугунда таандык өндүрүштүк имараттардын, курулмалардын, кампа жана стационардык жайлардын, ошондой эле санитардык-эпидемиологиялык, экологиялык жана өрт коопсуздугунун талаптарына ылайык алкоголдук продукцияларды өндүрүү үчүн зарыл болгон жабдуулардын болушу;

2) арак заводдорунун болгон көмүр-фильтрациялык колонналарында чыгым өлчөгүчтөрдүн болушу;

3) алкоголдук продукцияны өндүрүүнү жана жүгүртүүнү мамлекеттик жөнгө салууну ишке ашыруучу, мамлекеттик саясатты иштеп чыгуучу жана ишке ашыруучу ыйгарым укуктуу органга маалыматтарды берүү менен өндүрүштүк жана кампа жайларына бардык кирүүлөрдө (чыгууларда) видеобайкоонун болушу;

4) электр энергиясын контролдоонун жана эсепке алуунун “АСКУЭ” автоматташтырылган системасынын приборлорунун болушу;

5) этил спиртин жүгүртүүнүн жана алкоголдук продукцияны өндүрүүнүн жана жүгүртүүнүн көлөмдөрүн Кыргыз Республикасынын Министрлер Кабинети аныктаган тартипте декларациялоо;

6) алкоголдук продукцияны өндүрүүнүн технологиясын сактоо;

7) алкоголдук жана спирттүү продукцияны жүгүртүүнү аны өндүрүүнүн жана жүгүртүүнүн мыйзамдуулугун күбөлөндүрүүчү төмөнкүдөй коштоочу документтер болгондо гана жүзөгө ашыруу:

– товардык-транспорттук коштомо кагаз же эсеп-фактура;

-- этил спиртинин жана алкоголдуу продукциянын коопсуздугунун техникалык регламенттерине шайкештигин ырастоочу документтердин көчүрмөлөрү;

8) Кыргыз Республикасынын аймагында өндүрүлгөн жана сатылып жаткан аракты Кыргыз Республикасынын Министрлер Кабинети белгилеген минималдуу дүң-өткөрүү жана чекене баадан төмөн эмес сатууга;

9) алкоголдук продукцияны өндүрүү жана жүгүртүү боюнча ишти жүзөгө ашыруу үчүн жыйымды төлөө;

10) сатылуучу алкоголдук продукцияга акциздик маркалардын болушу жана шайкештиги;

11) Бажы бирлигинин “Тамак-аш продукциясы аны маркалоо бөлүгүндө” (ББ ТР 022/2011) жана “Таңгактын коопсуздугу жөнүндө” (ББ ТР 005/2011) жана “Алкоголдук продукциянын коопсуздугу жөнүндө” (ЕАЭБ ТР 047/2018) техникалык регламенттеринин талаптарына шайкештиги;

12) алкоголдук продукцияны сактоого жана дүңүнөн сатууга жана/же контролдук-кассалык машинага лицензиясы жок субъекттерге алкоголдук продукцияны сатууга тыюу салуу;

13) керектөөчүлөрдүн өмүрү жана ден соолугу үчүн коопсуздук талаптарын камсыз кылууну регламенттеген техникалык документтердин болушу (техникалык жөнгө салуу жана метрология, өрт коопсуздугу, айлана-чөйрөнү коргоо жаатындагы документтер);

14) продукцияны кабыл алууну, сактоону, берүүнү жана эсепке алууну жүзөгө ашыруу үчүн гана арналган кампа жайларынын болушу;

15) техникалык жөнгө салуу жаатындагы мыйзамдардын талаптарына ылайык даяр продукцияны, өндүрүштүн кошумча продуктуларын, чийки затты, көмөкчү материалдарды, керектөө идиштерин сактоо үчүн шарттардын болушу;

16) алкоголдук тармактын ишканаларында чийки заттын жана даяр продукциянын кыймылын эсепке алуу журналынын болушу.

24-глава. Жеке медициналык мекемелер жана

жеке ишкерлер тарабынан жүзөгө ашырылуучу

медициналык ишти лицензиялоонун өзгөчөлүктөрү

(жеке медициналык мекемелерде же болбосо жеке

ишкерлерде жалдоо же эмгек келишими боюнча

иштеген медициналык кызматкерлердин ишин

кошпогондо)

157. Жеке медициналык мекемелер жана жеке ишкерлер тарабынан жүзөгө ашырылуучу медициналык ишке лицензия (жеке медициналык мекемелерде же болбосо жеке ишкерлерде жалдоо же эмгек келишими боюнча иштеген медициналык кызматкерлердин ишин кошпогондо) саламаттык сактоо чөйрөсүндөгү ыйгарым укуктуу мамлекеттик орган тарабынан берилет.

158. Ушул Жобонун 1-тиркемесине ылайык иштин түрлөрү лицензияланууга тийиш.

159. Жеке медициналык ишке лицензия мөөнөтсүз, ажыратылгыс болуп саналат жана Кыргыз Республикасынын бүткүл аймагында колдонулат.

160. Жеке медициналык ишке лицензия алуу үчүн арыз ээси кошумча түрдө төмөнкү документтерди берет:

1) жеке жактар үчүн:

-- арыз ээсине салык төлөөчүнүн жана камсыздандыруу төгүмдөрүн төлөөчүнүн идентификациялык салык номери ыйгарылгандыгын ырастоочу документтин көчүрмөсү;

-- арызда көрсөтүлгөн иштин түрүн жүзөгө ашыруу үчүн имараттарга жана жабдууларга ээлик кылуунун, пайдалануунун менчик укугун же башка мыйзамдуу негиздерин ырастоочу документтин көчүрмөсү (ижара келишими, техпаспорт, сатып алуу-сатуу келишими);

-- пациенттер жана медициналык кызматкерлер үчүн медициналык аппаратуранын жана медициналык техниканын коопсуздук ченемдерине шайкештигин ырастоочу документтин көчүрмөсү (метрологиялык корутунду, текшерүү актылары жана режимдик комиссиянын актысы);

-- арызда көрсөтүлгөн иштин түрлөрүн жүзөгө ашыруу үчүн пайдаланылуучу жайларга жана имараттарга карата санитардык-гигиеналык талаптарга ылайыктуулугун ырастоочу документтин көчүрмөсү (санитардык корутунду);

-- лицензиялануучу иштин түрлөрүн сапаттуу жана коопсуз жүзөгө ашырууну камсыз кылган квалификациялык адистердин бар экендигин ырастоочу документтердин көчүрмөлөрү (медициналык билими жөнүндө диплом, адистин сертификаты болгон учурда акыркы 5 жыл ичинде клиникалык ординатураны аяктагандыгы жана квалификациясын жогорулаткандыгы жөнүндө документтер жана бар болсо берилген адистиги боюнча категорияны ыйгаруу менен аттестациялоо жөнүндө учурдагы сертификат, илимий наамдары бар экендиги жөнүндө документтер, эмгек китепчеси);

2) юридикалык жак үчүн:

161. Жеке медициналык иштин лицензиялануучу түрлөрүн жүзөгө ашырууда лицензиатта төмөнкүлөр болууга милдеттүү:

1) арыз ээсине менчик укугунда же башка мыйзамдуу негизде таандык болгон, лицензиялануучу иштин түрлөрүн жүзөгө ашыруу үчүн зарыл болгон, Кыргыз Республикасынын Өкмөтүнүн 2016-жылдын 11-апрелиндеги № 201 токтому менен бекитилген “Дарылоо-алдын алуу уюмдарына карата санитардык-эпидемиологиялык талаптарга” (мындан ары – СанЭжЧ) ылайык санитардык-эпидемиологиялык, экологиялык жана өрт коопсуздугунун талаптарына ылайык келген имараттар, стационардык жайлар;

2) ушул Жобонун 1-тиркемесине ылайык лицензиялануучу иштин түрлөрүн жүзөгө ашыруу үчүн зарыл болгон медициналык жабдуулар, аппаратуралар, медикаменттер;

3) тиешелүү документтер менен ырасталган тиешелүү медициналык билими, квалификациясы, адистиги жана көндүмдөрү бар персонал;

4) жалданган медициналык кызматкерлерге бир эле учурда 2ден ашык эмес медициналык мекемелерде иштөөгө уруксат берилет;

5) маалыматты андан кийин саламаттык сактоо жаатындагы ыйгарым укуктуу органга өткөрүп берүү менен төрөткө жардам берүүчү мекемелердеги, хирургиялык профилдеги стационарлардын кабыл алуучу жана операциялык блокторундагы видеобайкоо приборлору.

162. Лицензиат жеке медициналык иштин лицензиялануучу түрлөрүн жүзөгө ашырууда төмөнкүлөрдү камсыз кылууга милдеттүү:

1) саламаттык сактоо жаатындагы ыйгарым укуктуу органдын колдонуудагы клиникалык протоколдоруна жана башка ченемдик укуктук актыларына ылайык көрсөтүлүүчү медициналык кызматтын сапатынын тийиштүү деңгээлин;

2) саламаттык сактоо жаатындагы ыйгарым укуктуу органдын белгиленген формасы боюнча эсепке алуу-отчеттук медициналык документтерди;

3) жыл сайын, отчеттук мезгилден кийинки айдын 10унан кечиктирбестен саламаттык сактоо жаатындагы ыйгарым укуктуу органга статистикалык отчеттуулуктун формасына ылайык иштин ар бир түрү боюнча өзүнчө отчет берүүнү;

4) медициналык кызматкерлердин кесиптик жоопкерчилигин милдеттүү камсыздандырууну;

5) билим берүү документтерин милдеттүү нострификациялоодон өткөн адистерди алыскы жана жакынкы чет өлкөлөрдөн консультациялык-методикалык жардам үчүн чакырууну;

6) адистерди алмаштырууда лицензиарга 30 календардык күндүн ичинде маалымат берүүнү;

7) медициналык кызматкерлердин квалификациясын милдеттүү түрдө жогорулатууну.

163. Лицензиат жеке медициналык иштин лицензиялануучу түрлөрүн жүзөгө ашырууда төмөнкүлөрдү сактоого милдеттүү:

1) Кыргыз Республикасынын Өкмөтүнүн 2012-жылдын 12-январындагы № 32 “Кыргыз Республикасынын Саламаттык сактоо уюмдарындагы инфекциялык контролдоо боюнча нускамаларды бекитүү жөнүндө” токтому менен бекитилген Кыргыз Республикасынын Саламаттык сактоо уюмдарындагы инфекциялык контролдоо боюнча нускамага ылайык медициналык жардам көрсөтүүдө оорукана ичиндеги инфекцияны алдын алуу боюнча чараларды күчөтүү максатында калкка медициналык жардам көрсөтүү менен байланышкан оорукана ичиндеги инфекциялардын алдын алууга багытталган колдонуулучу медициналык процедуралардын, медициналык багыттагы буюмдарды жана медициналык жабдууларды, шаймандарды дезинфекциялоонун жана стерилизациялоонун коопсуздугу боюнча санитардык-эпидемиологиялык талаптарды;

2) Кыргыз Республикасынын Өкмөтүнүн 2019-жылдын 30-декабрындагы № 719 “Кыргыз Республикасынын саламаттык сактоо уюмдарында медициналык калдыктар жана сымаптуу буюмдар менен иштөө боюнча маселелер жөнүндө” токтомуна ылайык медициналык калдыктардын бардык түрлөрүн бөлүүгө, чогултууга, таңгактоого, маркалоого, эсепке алууга, сактоого, ташууга, жугушсуздандырууга/зыянсыздандырууга, көмүүгө карата талаптарды.

25-глава. Фармацевтикалык ишти

лицензиялоонун өзгөчөлүктөрү

164. Фармацевтикалык ишке лицензия саламаттык сактоо чөйрөсүндөгү ыйгарым укуктуу орган тарабынан берилет.

165. Фармацевттик ишке лицензия мөөнөтсүз, ээликтен ажыратылгыс болуп саналат жана Кыргыз Республикасынын бүткүл аймагында колдонулат.

166. Фармацевтикалык иш төмөнкүлөрдү камтыйт:

1) дары каражаттарын өндүрүү;

2) медициналык буюмдарды өндүрүү;

3) дары каражаттарын жана медициналык буюмдарды дүңүнөн сатуу;

4) медициналык буюмдарды дүңүнөн сатуу;

5) дары каражаттарын жана медициналык буюмдарды чекене сатуу;

6) медициналык буюмдарды чекене сатуу;

7) дары каражаттарын даярдоо жана чекене сатуу;

8) саламаттык сактоо уюмунун дарыканасында дары каражаттарын жана медициналык буюмдарды даярдоо, сактоо жана берүү;

9) дары каражаттарын жана медициналык буюмдарды сактоо жана берүү.

167. Лицензиялоо процесси жүргүзүлгөндөн кийин фармацевттик ишти жүзөгө ашыруу үчүн кошумча объекттер ачылган учурда объекттер жөнүндө маалыматтар лицензиялардын жана уруксаттардын реестрине киргизилет.

168. Фармацевтикалык ишке лицензия алуу үчүн арыз ээси кошумча түрдө төмөнкү документтерди берет:

1) лицензиатта ага менчик укугунда же башка мыйзамдуу негизде таандык болгон, фармацевтикалык ишти жүзөгө ашыруу үчүн зарыл болгон жайлардын, имараттардын, курулмалардын жана башка объекттердин бар экендигин ырастаган документтердин көчүрмөлөрү;

2) жүргүзүлүп жаткан ишке ылайык жайларды жайгаштырууну көрсөтүү менен жайдын техникалык паспортунун көчүрмөсү;

3) квалификациялуу адистердин бар экендигин ырастаган документтердин көчүрмөлөрү (билими тууралуу диплом, аттестация тууралуу сертификат, эмгек китепчеси);

4) дары каражаттарын өндүрүүнү жүзөгө ашыруу үчүн:

-- жайлардын дары каражаттарын өндүрүүгө коюлуучу талаптарга ылайыктуулугу жөнүндө санитардык-эпидемиологиялык кызматтын корутундусу;

-- өндүрүштүк аянтчада өндүрүлүүчү (өндүрүүгө пландалган) дары каражаттарынын тизмеги;

-- аянты, жайгашкан жери, чектеш зоналары/аймактары жөнүндө маалыматты кошуу менен өндүрүштүк аянтчанын досьеси;

-- дары каражаттарын сериялык чыгарууну баштоонун алдында ыйгарым укуктуу органга маалымдоо жөнүндө арыз ээсинин кепилдик милдеттенмеси;

5) дары каражаттарын дүң сатууну жүзөгө ашыруу үчүн:

-- Евразия экономикалык бирлигинин талаптагыдай дистрибьютордук практикасына ылайык ишти уюштурууну баяндаган сапат боюнча колдонмонун көчүрмөсү;

-- дары каражаттарын жана медициналык буюмдарды сактоо бөлмөлөрүн температуралык картага түшүрүү жөнүндө документтин көчүрмөсү;

6) дары каражаттарын даярдоону жүзөгө ашыруу үчүн –даярдалуучу (даярдоого пландалган) дары каражаттарынын тизмеги.

169. Фармацевтикалык ишти жүзөгө ашыруу үчүн лицензиялык талаптар болуп төмөнкүлөр саналат:

1) лицензиатта фармацевтикалык ишти түзүүчү иштерди жүзөгө ашыруу үчүн зарыл болгон, менчик укугунда же башка мыйзамдуу негизде ага таандык болгон жайлардын, имараттардын, курулмалардын жана башка объекттердин, техникалык каражаттардын, жабдуулардын болушу;

2) ишти жүзөгө ашыруу үчүн зарыл болгон квалификациялуу персоналдын болушу.

170. Дары каражаттарын чыгарууну ишке ашыруу үчүн кошумча лицензиялык талаптар болуп төмөнкүлөр саналат:

1) жайлардын санитардык-гигиеналык ченемдерге жана эрежелерге ылайыктуулугу;

2) Евразия экономикалык бирлигинин талаптагыдай өндүрүштүк практика эрежелеринин талаптарын сактоо;

3) аттестацияланган дары каражаттарын өндүрүүчүнүн ыйгарым укуктуу адамынын болушу;

4) 2ден кем эмес квалификациялуу адистердин болушу (жогорку фармацевтикалык, химиялык-фармацевтикалык, биологиялык, химиялык, биотехнологиялык билими жөнүндө диплом).

171. Медициналык буюмдарды чыгарууну жүзөгө ашыруу үчүн кошумча лицензиялык талаптар болуп төмөнкүлөр саналат:

1) жайлардын санитардык-гигиеналык ченемдерге жана эрежелерге ылайыктуулугу;

2) медициналык буюмдардын сапат менеджменти системасынын стандартынын талаптарын сактоо;

3) 2ден кем эмес квалификациялуу адистердин болушу (жогорку фармацевтикалык, медициналык, биологиялык, химиялык, биотехнологиялык, биоинженердик билими жөнүндө диплом).

172. Дары каражаттарын жана медициналык буюмдарды дүңүнөн сатууну ишке ашыруу үчүн кошумча лицензиялык талаптар:

1) Евразия экономикалык бирлигинин талаптагыдай дистрибьютордук практикасынын эрежелеринин талаптарын сактоо;

2) жогорку фармацевтикалык билими бар адистин болушу.

173. Медициналык буюмдарды дүңүнөн сатууну ишке ашыруу үчүн кошумча лицензиялык талаптар болуп төмөнкүлөр саналат:

1) жогорку фармацевтикалык билими бар адистин болушу;

2) медициналык буюмдардын кампасынын аянты 50 кв. м кем болбоого тийиш жана төмөнкүлөрдү камтышы керек:

– негизги сактоо аянты – 30 кв. м кем эмес;

– 20 кв. м кем эмес башка өндүрүштүк жайлар (кабыл алуу, контролдоо, берүү ж.б.).

174. Дары каражаттарын жана медициналык буюмдарды чекене сатууну ишке ашыруу үчүн кошумча лицензиялык талаптар болуп төмөнкүлөр саналат:

1) талаптагыдай дарыкана практикасынын эрежелерин сактоо;

2) дарыкана үчүн жогорку фармацевтикалык билими бар адистин болушу;

3) алыскы калктуу конуштардагы дарыканалар, дарыкана пункттары жана күркөлөр үчүн фармацевтикалык орто билими бар адиске уруксат берилет;

4) алыскы, барууга кыйын жана калк аз жайгашкан пункттарда дары каражаттарын жана медициналык буюмдарды чекене сатуу бөлүгүндө квалификациясын кошумча жогорулатуудан өткөн медициналык билими бар адистерге дарыкана уюмунда иштөөгө уруксат берилет;

5) дарыкананын аянты 35 кв. м кем болбоого тийиш жана төмөнкүлөрдү камтышы керек:

– соода залы – 15 кв. м кем эмес;

– дары каражаттарын жана медициналык буюмдарды жана дарыканалык ассортименттеги товарларды сактоо үчүн жай – 10 кв. м кем эмес;

– административдик-тиричилик жайлары – 10 кв. м кем эмес;

6) алыскы калктуу конуштарда даяр дары каражаттарынын жана медициналык буюмдардын дарыканасынын аянты 20 кв. м кем эмес жана ага төмөнкүлөр кирет:

– соода залы – (14 кв. м кем эмес);

– дары каражаттарын жана медициналык буюмдарды сактоо үчүн жай;

7) дарыкана пунктунун аянты медициналык багыттагы имараттын түзүмүндө жайгашканда 12 кв. м кем болбошу керек жана негизги милдеттерди жана функцияларды аткаруу мүмкүнчүлүгүн камсыз кылышы керек;

8) өзүнчө турган имаратта (курулушта) жана медициналык эмес багыттагы имараттын түзүмүндө жайгашкан дарыкана пунктунун аянты 20 кв. м кем болбошу керек жана негизги милдеттерди жана функцияларды аткаруу мүмкүнчүлүгүн камсыз кылышы керек;

9) дарыкана күркөсү аянты 12 кв.м кем болбошу керек жана негизги функцияларды жана милдеттерди аткаруу мүмкүнчүлүгүн камсыз кылышы керек.

175. Медициналык буюмдарды чекене сатууну ишке ашыруу үчүн кошумча лицензиялык талаптар (медициналык буюмдар дүкөнү, оптика дүкөнү, угуу протез борбору) болуп төмөнкүлөр саналат:

1) көрүүнү жана угууну диагностикалоо боюнча кызматтарды көрсөтүүдө – оптика дүкөнү жана угуу протезин жүргүзүү борбору үчүн медициналык ишке лицензиянын болушу;

2) адистин болушу (объекттин лицензиялануучу түрүнө ылайык жогорку фармацевтикалык же медициналык билими жөнүндө диплом);

3) медициналык буюмдар дүкөнүнүн, оптика дүкөнүнүн жана угуу протез борборунун аянты 35 кв. м кем болбоого тийиш жана төмөнкүлөрдү камтышы керек:

– соода залы – 15 кв. м кем эмес;

– медициналык буюмдарды сактоо үчүн жай – 10 кв. м кем эмес;

– административдик-тиричилик жайлары – 10 кв. м кем эмес;

4) медициналык буюмдарды сатуу дүкөнүнүн пунктунун аянты – 20 кв. м кем эмес. Медициналык буюмдарды сатуу дүкөнү медициналык буюмдар дүкөнүнүн түзүмдүк бөлүмү болуп саналат жана өз алдынча иштей албайт.

176. Дары каражаттарын даярдоо жана чекене сатуу үчүн кошумча лицензиялык талаптар болуп төмөнкүлөр саналат:

1) дары каражаттарын даярдоо эрежелерин сактоо;

2) жогорку фармацевтикалык билими бар 2ден кем эмес адистин болушу;

3) асептикалык шарттарды талап кылбаган дары каражаттарын даярдоо укугу бар дарыкананын аянты 75 кв. м кем болбоого тийиш жана төмөнкүлөрдү камтышы керек:

– соода залы – 15 кв. м кем эмес;

– административдик-тиричилик жайлары – 10 кв. м кем эмес;

– дары каражаттарын сактоо үчүн жай – 20 кв. м кем эмес;

– ассистенттик бөлмө – 12 кв. метрден кем эмес;

– кир жуучу жай – 5 кв. м кем эмес;

– инъекциялар үчүн тазаланган сууну алуу үчүн жай – 3 кв. м кем эмес;

– стерилизациялоочу жай – 10 кв. м кем эмес;

4) асептикалык шарттарды талап кылган дары каражаттарын даярдоо укугу бар дарыкананын аянты 85 кв. м кем болбоого тийиш жана төмөнкүлөрдү камтышы керек:

– соода залы – 15 кв. м кем эмес;

– административдик-тиричилик жайлары – 10 кв. м кем эмес;

– дары каражаттарын сактоо үчүн жай – 20 кв. м кем эмес;

– ассистенттик бөлмө – 12 кв. метрден кем эмес;

– кир жуучу жай – 5 кв. м кем эмес;

– асептикалык блок – 10 кв. м кем эмес;

– тазаланган сууну алуу үчүн жай – 3 кв. м кем эмес;

– стерилизациялоочу жай – 10 кв. м кем эмес.

177. Саламаттык сактоо уюмдарынын дарыканасында дары каражаттарын жана медициналык буюмдарды даярдоо, сактоо жана берүү үчүн кошумча лицензиялык талаптар болуп төмөнкүлөр саналат:

1) дары каражаттарын даярдоо эрежелерин сактоо;

2) талаптагыдай дарыкана практикасынын эрежелерин сактоо;

3) жогорку фармацевтикалык билими бар 2ден кем эмес адистин болушу;

4) саламаттык сактоо уюмдарын даярдоого укугу бар дарыкананын өндүрүштүк жайларынын минималдуу аянты 130 кв. м кем болбоого тийиш, ал уруксат берилген жумуштарды аткаруу мүмкүнчүлүгүн камсыз кылат жана ага төмөнкүлөр кирет:

– талаптарды берүү/кабыл алуу, заказдарды түзүү үчүн 8 кв. м кем эмес өлчөмдөгү жай;

– дары каражаттарын сактоо үчүн жай (жалпы аянты 40 кв. м кем эмес);

– келип түшкөн продукцияны кабыл алуу жана таңгактан чыгаруу үчүн жай (материалдык бөлмө) 10 кв. м кем эмес;

-- ассистенттик бөлмө – 15 кв. м кем эмес;

– тазаланган суу алуу үчүн жай – 5 кв. м;

– стерилизациялоочу жай – 10 кв. м кем эмес;

– асептикалык блок – 12 кв. м кем эмес

– кир жуучу, кургатуучу жай –10 кв. м кем эмес;

– административдик-тиричилик жайлары (персоналдын бөлмөсү, башчынын кабинети, санузел, гардероб – 20 кв. м кем эмес).

178. Саламаттык сактоо уюмдарынын дарыканасында дары каражаттарын жана медициналык буюмдарды сактоо жана берүү үчүн кошумча лицензиялык талаптар болуп төмөнкүлөр саналат:

1) дарыкананын талаптагыдай практикасын сактоо;

2) жогорку фармацевтикалык билими бар адистердин болушу, алыскы калктуу конуштарда фармацевтикалык орто билими бар адиске уруксат берилет;

3) саламаттык сактоо уюмунун дары каражаттарын жана медициналык буюмдарды сактоо жана берүү укугу бар дарыкана жайларынын минималдуу аянты уруксат берилген иштерди аткаруу мүмкүнчүлүгүн камсыз кылган 20 кв. м кем болбошу керек.

179. Дары каражаттарын өндүрүүнү жөзөгө ашыруу үчүн 170-пункттун 2 жана 3-пунктчалары арыз ээлери үчүн гана колдонулат жана 2023-жылдын 1-январынан тартып лицензиаттар үчүн да колдонууга киргизилет.

180. Дары каражаттарын жана медициналык буюмдарды дүңүнөн сатууну жүзөгө ашыруу үчүн 172-пункттун 1-пунктчасы арыз ээлери үчүн гана колдонулат жана 2025-жылдын 1-январынан тартып лицензиаттар үчүн да колдонууга киргизилет.

181. Дары каражаттарын жана медициналык буюмдарды даярдоо, чекене сатуу жана берүү үчүн 172-пункттун 1-пунктчасы, 174-пункттун 1-пунктчасы, 177-пункттун 2-пунктчасы 2026-жылдын 1-январынан тартып колдонууга киргизилет.

182. 2026-жылдын 1-январынан тартып дары каражаттарын өндүрүүнү жүзөгө ашырган лицензиатты лицензиялык контролдоо лицензиатта анын өндүрүштүк аянтчасынын Евразия экономикалык бирлигинин талаптагыдай өндүрүштүк практикасынын талаптарына ылайыктуулугу жөнүндө колдонуудагы документи (сертификаты) бар экендигин текшерүү жолу менен жүзөгө ашырылат.

183. Дары каражаттарын жана медициналык буюмдарды дүңүнөн сатууга лицензия алган күндөн тартып 6 айдын ичинде лицензиат Евразия экономикалык бирлигинин талаптагыдай дистрибьютордук практикасынын талаптарына шайкештик сертификатын алууга милдеттүү.

184. 2025-жылдын 1-январынан тартып дары каражаттарын жана медициналык буюмдарды дүңүнөн сатууну жүзөгө ашырган лицензиатты лицензиялык контролдоо лицензиатта Евразия экономикалык бирлигинин талаптагыдай дистрибьютордук практикасынын талаптарына шайкештиги жөнүндө колдонуудагы документ (сертификат) бар экендигин текшерүү жолу менен жүргүзүлөт.

26-глава. Ветеринардык дары каражаттарын

өндүрүүнү (даярдоону) жана сатууну лицензиялоонун

өзгөчөлүктөрү

185. Ветеринардык дары каражаттарын өндүрүүгө (даярдоого) жана сатууга лицензия ветеринардык дары каражаттарын жана тоют кошумчаларын жүгүртүү жаатындагы функцияларды жүзөгө ашыруучу ыйгарым укуктуу мамлекеттик орган тарабынан берилет.

186. Ветеринардык дары каражаттарын өндүрүүгө (даярдоого) жана сатууга лицензия ажыратылгыс болуп саналат жана Кыргыз Республикасынын бүткүл аймагында колдонулат.

187. Лицензия алуу үчүн арыз ээси кошумча түрдө төмөнкү документтерди берет:

1) жеке маалыматтарды коргоо жаатындагы Кыргыз Республикасынын мыйзамдарына ылайык бекитилген форма боюнча жеке адамдын жеке маалыматтарын чогултууга жана иштеп чыгууга макулдугу (жеке жактар үчүн);

2) арыз ээсине салык төлөөчүнүн жана камсыздандыруу төгүмдөрүн төлөөчүнүн идентификациялык салык номери ыйгарылгандыгын ырастоочу документтин көчүрмөсү;

3) арыз ээсинин ветеринария жаатындагы жогорку билими бар экендигин ырастаган документтин нотариалдык жактан күбөлөндүрүлгөн көчүрмөсү;

4) иштин лицензиялануучу түрүн сапаттуу жана коопсуз жүзөгө ашырууну камсыз кылуучу квалификациялуу адистердин бар экендигин ырастаган документтердин нотариалдык жактан күбөлөндүрүлгөн көчүрмөлөрү (билими жөнүндө диплом, акыркы 5 жыл ичинде квалификациясын жогорулатуу жөнүндө сертификаттар жана күбөлүктөр, адистин аттестациялык сертификаты, эмгек китепчеси);

5) имаратка же курулмага тиешелүүлүгүн ырастаган укук белгилөөчү документтердин күбөлөндүрүлгөн көчүрмөлөрү (кызматтардын жайгашуусун көрсөтүү менен техникалык паспорт), ал эми мүлктү жалдоо (ижарага алуу) учурда бир жылдан кем эмес жарактуулук мөөнөтү менен мүлктүк жалдоо (ижарага алуу) келишиминин күбөлөндүрүлгөн көчүрмөсү;

6) өрт корутундусунун экспертизасынын көчүрмөсү;

7) көрсөтүлгөн даректеги жайлардын белгиленген тартипте берилген санитардык ченемдердин жана эрежелердин талаптарына ылайыктуулугу жөнүндө санитардык-эпидемиологиялык корутундунун бар экендиги жөнүндө маалыматтар;

8) Кыргыз Республикасынын аймагында чет мамлекеттин лицензиары тарабынан берилген лицензияны өз ара таануу тартибинде жана бир тараптуу тартипте таанууну ырастаган документ (чет өлкөлүк арыз ээлери үчүн).

188. Ветеринардык дары каражаттарын өндүрүүнү (даярдоону) жана сатууну ишке ашырууда лицензиялык талаптар болуп төмөнкүлөр саналат:

1) менчик укугунда же башка мыйзамдуу негизде ага таандык болгон, лицензиялануучу ишти аткаруу үчүн зарыл болгон жайлардын жана жабдуулардын болушу;

2) ветеринардык дары каражаттарын даярдоо, сактоо жана берүү эрежелерин, ветеринардык дары каражаттарынын талаптагыдай дарыкана практикасынын эрежелерин сактоо;

3) арыз ээсинин жогорку ветеринардык билиминин, ал эми анын кызматкерлеринин жогорку ветеринардык же орто кесиптик ветеринардык билиминин, ошондой эле адистиги боюнча 3 жылдан кем эмес иш тажрыйбасынын болушу;

4) адистердин квалификациясын 1 жылда 5 жолудан кем эмес жогорулатуу;

5) ветеринардык дары каражаттарын, препараттарды ветеринардык дары каражаттарын сактоо үчүн кампасы жана баруучуларды тейлөө зонасы бар аянты 10 кв. м кем эмес ветеринардык дарыканаларда гана сатуу;

6) ветеринардык дарыкананы өзүнчө имаратка же имараттын түзүмүнө жайгаштыруу. Дарыкана имараттын түзүмүндө жайгашкан учурда, ал өзүнчө кире турган изоляцияланган блок болушу керек;

7) ветеринардык дары каражаттарын башка химиялык, биологиялык каражаттар (заттар) жана ветеринариялык арналыштагы эмес препараттар менен сактоону жана сатууну болтурбоо.

27-глава. Электр байланышы жаатындагы

ишти лицензиялоонун өзгөчөлүктөрү (электр

байланышынын ички же жабык тармактарынын

операторлорун жана кызматтарын кошпогондо)

189. Электр байланышы жаатындагы ишке лицензия (электр байланышынын ички же жабык тармактарынын операторлорун жана кызматтарын кошпогондо) электр жана почта байланышы жаатындагы ыйгарым укуктуу мамлекеттик орган тарабынан берилет.

190. Электр байланышы жаатындагы ишке лицензия (электр байланышынын ички же жабык тармактарынын операторлорун жана кызматтарын кошпогондо) мөөнөтсүз, ажыратылгыс болуп саналат жана Кыргыз Республикасынын бүткүл аймагында колдонулат.

191. Электр байланыш жаатындагы ишке лицензия төмөнкүдөй кызмат көрсөтүүлөрдү камтыйт:

1) телеграфтык байланыш кызмат көрсөтүүлөрү – кабыл алуу пунктунда милдеттүү түрдө жазуу менен тамга-санариптик билдирүүлөрдү – телеграммаларды аралыкка берүү;

2) жергиликтүү телефон байланыш кызмат көрсөтүүлөрү – жергиликтүү телефон байланыш тармагында көрсөтүлүүчү электр байланышынын кызмат көрсөтүүлөрү;

3) эл аралык байланыш кызмат көрсөтүүлөрү – эл аралык байланыш тармагында көрсөтүлүүчү электр байланышынын кызмат көрсөтүүлөрү, ал аркылуу Кыргыз Республикасынын тармагынын акыркы жабдуулары менен башка өлкөлөрдүн тармагынын акыркы жабдууларынын ортосунда байланыш ишке ашырылат;

4) эл аралык байланыш кызмат көрсөтүүлөрү – шаар аралык телефон байланыш тармагында көрсөтүлүүчү электр байланыш кызматтарын көрсөтүү;

5) телематикалык кызматтардын кызмат көрсөтүүлөрү – телефондук байланышты, телеграфтык байланышты, маалыматтарды берүүнү кошпогондо, электр байланыш тармактары аркылуу маалымат берүүгө арналган электр байланышынын кызмат көрсөтүүлөрү;

6) көчмө радиотелефон байланышынын кызмат көрсөтүүлөрү –көчмө радиотелефон байланыш аркылуу билдирүүлөрдү кабыл алуу жана берүү;

7) теле жана радиопрограммаларды жайылтуу боюнча кызмат көрсөтүүлөр – электр байланыш тармактарында берүүнүн электрдик сигналын жайылтуу.

192. Электр байланыш тармагындагы ишке лицензия алуу үчүн арыз ээси кошумча коммутациялык түйүндөрдү, кошуу түйүндөрүн, пайдаланылуучу протоколдорду жана сигнализация системаларын, байланыш кызматтарынын баяндамасын көрсөтүү менен байланыш тармагын куруу схемасынын (топология) көчүрмөсүн берет.

193. Электрдик байланыш тармагындагы лицензиялык талаптар болуп төмөнкүлөр саналат:

1) лицензия берилген учурдан тартып 2 жылдын ичинде кызмат көрсөтүүнү баштоо;

2) кызмат көрсөтүүнүн ар бир түрү жана иштин ар бир түрү боюнча отчетторду Кыргыз Республикасынын Улуттук статистика комитети менен макулдашуу боюнча лицензиар бекиткен формаларга ылайык отчеттук кварталдан кийинки экинчи айдын 1ине чейинки мөөнөттө квартал сайын өзүнчө берүү;

3) байланыш тармагын өнүктүрүүгө квартал сайын, отчеттук мезгилден кийинки айдын 20сына чейин чегерүүлөрдү киргизүү;

4) жалпы пайдалануудагы тармактарды уюштурууда –маалыматтык-сурап билүү тейлөөнү уюштуруу. Маалыматтык-сурап билүү тейлөө авариялык жана пландык иштерди жүргүзүү убактысынан тышкары, абоненттердин/колдонуучулардын күнү-түнү эркин кайрылуусу үчүн тыныгуусуз жеткиликтүү болууга тийиш. Оператордун жооп күтүү убактысы 10 мүнөттөн ашпашы керек. Абонентке/колдонуучуга маалыматтык-сурап билүү тейлөө лицензиаттын каалаган түзүлүшүнүн жооп берген учурунан баштап акысыз негизде көрсөтүлөт. Маалыматтык-сурап билүү тейлөө оператордун расмий сайтындагы онлайн оператордун жообу түрүндө же абоненттерди маалымдоонун автоматташтырылган системасынын кызматын пайдалануу жолу менен ишке ашырылышы мүмкүн, мында байланыш оператору абоненттин каалоосу боюнча маалыматтык-сурап билүү тейлөөнүн оператору менен добуштук байланышты берүүгө милдеттүү. Эгерде абонент бул колдоону максаттуу багыты боюнча пайдаланбаса, оператор маалыматтык-сурап билүү тейлөөнү көрсөтүүдөн баш тартууга укуктуу;

5) кат алышуунун, телефондук сүйлөшүүлөрдүн, телеграфтык, ошондой эле байланыш каражаттары аркылуу берилүүчү башка билдирүүлөрдүн жашырындуулугун камсыз кылуу;

6) өзгөчө кырдаалдардын коркунучу, мамлекеттик чек араларды коргоо, улуттук коргонуу же укуктук тартип менен байланышкан учурларда улуттук коопсуздук, коргонуу, укуктук тартип же өзгөчө кырдаалдар чөйрөсүндөгү ыйгарым укуктуу мамлекеттик органдардын талаптарынын жана Кыргыз Республикасынын мыйзамдарында каралган башка талаптардын аткарылышын камсыз кылуу;

7) эгерде мындай жабдуу Кыргыз Республикасынын мыйзамдарынын талаптарына ылайык милдеттүү түрдө сертификацияланууга тийиш болсо, сертификацияланган жабдууларды пайдалануу.

194. Эл аралык байланышты уюштуруудагы лицензиялык талаптар болуп төмөнкүлөр саналат:

1) Кыргыз Республикасынын эл аралык телефон байланыш тармагын коммутациялоо борбору (мындан ары – ЭАКБ) менен эл аралык оператор тармагын коммутациялоо борборунун ортосундагы эл аралык деңгээлде кошулуу. Ошол эле учурда Кыргыз Республикасынын операторунун ЭАКБ Кыргыз Республикасынын аймагында жайгашышы керек;

2) Кыргыз Республикасынын мыйзамдарынын стандарттарынын жана Эл аралык электр байланыш бирлигинин (мындан ары – ЭЭБ) регламентинин талаптарына ылайык тармактар аралык биригүүлөрдү уюштурууну, көрсөтүлүүчү кызматтардын сапатын, ошондой эле трафикти өткөрүүнүн, өз ара эсептешүүлөрдүн шарттарын камсыз кылуу;

3) эл аралык байланыш кызматтарын көрсөткөн Кыргыз Республикасынын электр байланыш операторлорунун ЭАКБ башка өлкөлөрдүн экиден кем эмес ЭАКБ, же Кыргыз Республикасында жайгашкан бир ЭАКБ жана башка өлкөдөгү бир ЭАКБ менен түздөн-түз байланыштырууну камсыз кылуу;

4) эгерде мындай өзгөртүүлөр тармактын кодун же географиялык аныкталуучу номерлештирүү зонасынын кодун жана/же чакырууну демилгелеген абоненттин берилүүчү номерин жана/же тиешелүү документтерде макулдашылган тармактар аралык кошулуу үчүн акы төлөөнүн өлчөмдөрүн (тарифтерин) өзгөртүүгө алып келиши мүмкүн болсо, чакырууну демилгелеген абоненттин номеринин берилүүчү маалыматтарын баспоо, модификациялабоо же башка ыкма менен өзгөртпөө.

195. Шаар аралык байланышты уюштуруудагы лицензиялык талаптар болуп төмөнкүлөр саналат:

1) Кыргыз Республикасынын стандарттарынын, мыйзамдарынын талаптарына жана ЭЭБ сунуштамаларына ылайык тармактар аралык биригүүлөрдү уюштурууну, көрсөтүлүүчү кызматтардын сапатын, ошондой эле трафикти өткөрүү шарттарын камсыз кылуу;

2) эгерде мындай өзгөртүүлөр тармактын кодун же географиялык аныкталуучу номерлештирүү зонасынын кодун жана/же чакырууну демилгелеген абоненттин берилүүчү номерин жана/же тиешелүү документтерде макулдашылган тармактар аралык кошулуу үчүн акы төлөөнүн өлчөмдөрүн (тарифтерин) өзгөртүүгө алып келиши мүмкүн болсо, чакырууну демилгелеген абоненттин номеринин берилүүчү маалыматтарын баспоо, модификациялабоо же башка ыкма менен өзгөртпөө.

196. Жергиликтүү байланышты уюштуруудагы лицензиялык талаптар болуп төмөнкүлөр саналат:

1) тармактардын биринин колдонуучусуна жергиликтүү байланыш кызматтарынын колдонуучулары менен ишенимдүү байланыш түзгүдөй кылып тармакты түзүү жана эксплуатациялоо;

2) Кыргыз Республикасынын стандарттарынын, мыйзамдарынын талаптарына жана ЭЭБ сунуштамаларына ылайык тармактар аралык биригүүлөрдү уюштурууну, көрсөтүлүүчү кызматтардын сапатын, ошондой эле трафикти өткөрүү шарттарын камсыз кылуу;

3) эгерде мындай өзгөртүүлөр тармактын кодун же географиялык аныкталуучу номерлештирүү зонасынын кодун жана/же чакырууну демилгелеген абоненттин берилүүчү номерин жана/же тиешелүү документтерде макулдашылган тармактар аралык кошулуу үчүн акы төлөөнүн өлчөмдөрүн (тарифтерин) өзгөртүүгө алып келиши мүмкүн болсо, чакырууну демилгелеген абоненттин номеринин берилүүчү маалыматтарын баспоо, модификациялабоо же башка ыкма менен өзгөртпөө;

4) тармактар аралык бириктирүү жөнүндө келишимдерди, ошондой эле бардык толуктоолорун жана тиркемелерин аларга кол коюлган учурдан тартып бир айлык мөөнөттө лицензиарга берүү;

5) табигый кырсыктардын кесепеттерин азайтуу же жоюу жана өз тармагынын ишин калыбына келтирүү жана мындай кырсыктардан жана кырсыктардан кийин кызмат көрсөтүүнү кайра баштоо үчүн зарыл болгон чараларды көрүү;

6) шашылыш ыкчам кызматтарды чакыруу үчүн акысыз кошулууларды берүү;

7) маалыматтык-сурап билүү кызматына кайрылгандан жана тиешелүү, анын ичинде онлайн форматта ачык офертаны кабыл алуу жолу менен келишим түзгөндөн кийин бардык керектөөчүлөргө кызматтарды чектөөсүз көрсөтүүгө техникалык мүмкүнчүлүктүн болушу;

8) лицензиат белгилеген мүмкүн болушунча кыска мөөнөттө техникалык каражаттардын бузулушун четтетүү боюнча чараларды көрүү;

9) эгерде Кыргыз Республикасынын мыйзамдарында же келишимде башкача белгиленбесе, абонентке жергиликтүү телефон байланыш кызматынан суткасына 24 саат пайдалануу мүмкүнчүлүгүн камсыз кылуу;

10) абонентке жана (же) колдонуучуга телефон байланышы кызматтарын көрсөтүүгө байланышкан маалыматтарды берүү максатында маалыматтык-сурап билүү тейлөө системасын түзүү;

11) абонентке келишим түзүү жана аны аткаруу үчүн зарыл болгон маалыматты берүү. Көрсөтүлгөн маалымат мамлекеттик жана (же) расмий тилде (зарыл болгон учурда башка тилдерде) жалпыга маалымдоо каражаттары, маалыматтык-сурап билүү кызматтары аркылуу, ошондой эле электр байланыш операторунун сүйлөшүү пункттарында, кеңселеринде жана тейлөө борборлорунда абонентке жана (же) колдонуучуга көрсөтмөлүү жана жеткиликтүү формада акысыз жеткирилет;

12) телефон орнотууга же жергиликтүү байланыш кызматын көрсөтүүгө арыз катталган күндөн тартып 20 жумуш күндөн ашпаган мөөнөттө жергиликтүү телефон байланыш тармагына кирүүгө техникалык мүмкүнчүлүк бар экендигин текшерүү;

13) арыз ээси телефондоштуруу боюнча курулуш-монтаждоо жумуштарына акы төлөөдөн баш тарткан учурда анын арызын жокко чыгаруу жөнүндө билдирүү;

14) абоненттерге жана (же) колдонуучуларга жалпыга маалымдоо каражаттары, оператордун расмий веб-сайты же sms-билдирүүлөр аркылуу электр байланыш кызмат көрсөтүүлөрүнө тарифтердин өзгөргөндүгү жөнүндө жаңы тарифтер киргизилгенге чейин кеминде 10 күн мурда билдирүү;

15) бөтөн адам каалаган түпкү жабдууну (абоненттик түзүлүштү) иштеп жаткан абоненттик линияга өзү билемдик менен кошконун, өнөктөшүнүн линиясына өзү билемдик менен которулганын байкаган учурда өзү билемдик менен кошууну жоюу;

16) абоненттерге жаңы абоненттик номерди билдирүү менен алдын ала кабарлагандан кийин гана абоненттик номерлерди алмаштыруу боюнча бардык иштерди: жеке жактарга – алмаштырууга чейин 30 жумуш күндөн, юридикалык жактарга – 6 айдан кечиктирбестен аткаруу;

17) абонент жана (же) пайдалануучу менен улуттук валютада эсептешүүлөрдү жүргүзүү;

18) байланыш кызматтарын көрсөтүү максатында абонентке телефон же башка жабдуулар орнотулган учурда жергиликтүү телефон байланыш тармагына кирүү мүмкүнчүлүгүн берүү үчүн бир жолу акы алуу;

19) жергиликтүү телефон байланыштарынын узактыгын убакытка жараша эсепке алуу системасы бар болсо (мындан ары – убакытка жараша эсепке алуу), телефондук туташтыруунун тарифтөө бирдигин 1 мүнөттөн ашык эмес белгилөө;

20) чакырылган абонент же ошол телефон номерине кошулган жана “абоненттин жообу” сигналын окшоштурган кандайдыр бир техникалык түзүлүш жооп бергенден кийин 1-секунддан баштап, чакырылган же чалган адам, же ал жокто колдонуучуну алмаштырган жабдуу токтогонго чейин сүйлөшүүлөрдү убакыттык эсепке алууда акы төлөө өлчөмүн аныктоо үчүн колдонулган телефондук туташтыруунун узактыгын эсептөө;

21) үч секунддан аз убакытка созулган телефон байланышын телефон байланышынын кызмат көрсөтүүлөрүнүн көлөмүндө эсептебөө;

22) жергиликтүү телефон байланышынын кызмат көрсөтүүлөрүнүн көлөмүн эсепке алуу үчүн өз тармагында эсептөөлөрдүн автоматташтырылган системасынын болушу;

23) эсеп коюлган күндөн тартып 5 күндүн ичинде абонентке жергиликтүү телефон байланышы үчүн төлөм эсебинин суммасы жөнүндө маалымдоо;

24) тармактагы аварияга, жабдуулардын бузулушуна байланыштуу кызмат көрсөтпөгөн мезгил үчүн абоненттик төлөмдү эсептебөө же аны кайра эсептөөнү жүргүзүү;

25) электр байланыш операторунун маалымдама (байланыш) телефондорун берүү;

26) алдын ала төлөө картасын, электр байланышынын алдын ала төлөө картасынын идентификациялык номерин пайдалануу эрежелерин берүү;

27) керектөөчү андан ары кызмат көрсөтүүдөн баш тарткандыгы жөнүндө жазуу жүзүндөгү эскертүүнү алгандан кийин 30 календардык күн өткөндөн кийин келишимди бир тараптуу бузуу;

28) келишим бузулган учурдан тартып 30 жумуш күндүн ичинде жергиликтүү байланышты калыбына келтирүү мүмкүнчүлүгүнүн болушу;

29) кайрылууларды/даттанууларды кароо системасынын болушу;

30) жергиликтүү телефон байланыш кызматын көрсөтүүдөн баш тартууга, келишимден келип чыккан милдеттенмелерди өз убагында эмес же талаптагыдай эмес аткарууга, телефон байланыш кызматы көрсөтүлгөн күндөн тартып 3 айдын ичинде электр байланыш кызматы үчүн коюлган эсеп менен макул болбоого, аларды көрсөтүүдөн баш тартууга же эсеп коюуга байланышкан маселелер боюнча дооматтарды кабыл алуу;

31) абонентке жана (же) колдонуучуга доолорду кароонун натыйжалары жөнүндө жазуу жүзүндө маалымдоо. Электр байланыш оператору абоненттин жана (же) колдонуучунун дооматын негиздүү деп тапкан учурда, бул доомат таанылган күндөн тартып 10 күндүк мөөнөттө канааттандырылууга тийиш;

32) келишимде жана Кыргыз Республикасынын мыйзамдарында белгиленген тартипте жана учурларда абоненттердин жана колдонуучулардын алдында жоопкерчилик тартуу;

33) акысыз негизде төмөнкү маалыматтык-сурап билүү кызматтарды көрсөтүүгө укуктуу:

-- жергиликтүү телефондук байланыш тармагынын абонентинин (жеке же юридикалык жактын) коду жана телефон номери, жергиликтүү телефондук байланыш кызмат көрсөтүүлөрүнүн тарифтери жөнүндө маалымкат берүү;

-- жергиликтүү телефондук байланыш тармагын оңдоо бюросун чакыруу;

-- телефондук байланыш кызмат көрсөтүүлөрүн пайдаланууга тоскоолдук кылуучу техникалык бузулуулар жөнүндө маалыматты кабыл алуу;

-- техникалык себептер боюнча абоненттин номери алмаштырылган же номерлөө системасы жана планы өзгөргөн учурда анын номери өзгөргөндүгү жөнүндө билдирүү;

34) келишимди жазуу жүзүндө, эки нускада түзүү, анын бири абонентке берилет. Кызмат көрсөтүү келишими төмөнкүлөрдү камтыйт:

-- электр байланыш операторунун аталышын (фирмалык аталышын), анын филиалдарынын тизмегин, алардын жайгашкан жерин жана иштөө режимин, электр байланыш операторуна берилген лицензиянын (лицензиялардын) реквизиттерин;

-- электр байланыш кызмат көрсөтүүлөрүнүн тизмегин, аларды көрсөтүүнүн шарттарын жана тартибин;

-- тарифтик планды;

-- электр байланыш кызмат көрсөтүүлөрүнө акы төлөөнүн тартибин, формасын жана системаларын;

-- келишим түзүү жөнүндө арызды кароонун тартибин жана мөөнөттөрүн;

-- абоненттин жана (же) пайдалануучунун дооматтарын кароо тартибин;

-- маалыматтык-сурап билүү кызматтарынын жана оңдоо бюросунун телефон номерлерин, бузууларды четтетүү мөөнөттөрүн.

Телефонду орнотууга арыз катталган же жергиликтүү байланыш кызматы көрсөтүлгөн күндөн тартып 30 жумуш күндөн ашпаган мөөнөттө төмөнкүлөрдү билдирүү зарыл:

1) арыз ээсине (арыз ээсинин каалоосу боюнча жазуу жүзүндө же оозеки түрдө) пайдалануу мүмкүндүгүн берүүнүн техникалык мүмкүндүгү болгон учурда жергиликтүү байланыш кызматтары көрсөтүлгөн учурдан тартып телефонду орнотуу жөнүндө билдирүү;

2) пайдалануу мүмкүндүгүн берүүнүн техникалык мүмкүндүгү болбогон учурда куруу-монтаждоо иштеринин калькуляциясын берүү жана арыз ээсине аларды аткаруунун наркы жөнүндө билдирүү.

Телефондук алдын ала төлөө картасында төмөнкү маалыматтарды көрсөтүү зарыл:

1) аталган электр байланыш кызмат көрсөтүүлөрүн алдын ала төлөө картасын чыгарган электр байланыш операторунун аталышын (фирмалык аталышын);

2) лицензиянын реквизиттерин, электрдик байланыш кызмат көрсөтүүлөрүн алдын ала төлөө картасын пайдалануу менен төлөнүүчү электр байланыш кызмат көрсөтүүлөрүнүн түрлөрүнүн аталышын;

3) электр байланыш операторуна аванстык төлөмдүн өлчөмүн, анын төлөнүшүн телефондук байланыш кызмат көрсөтүүлөрүнө акы төлөө картасы ырастайт, электрдик байланыш кызмат көрсөтүүлөрүнө алдын ала төлөө картасынын колдонуу мөөнөтүн.

197. Телематикалык кызматтарды уюштуруудагы лицензиялык талаптар болуп төмөнкүлөр саналат:

1) добуштук кошулууда алгачкы отуз секунд маалыматты акысыз берүү, анын ичинде абонентке кандай кызмат көрсөтүлүп жаткандыгы тууралуу маалымат берүү жана аны тарифтештирүү зарыл. Алгачкы отуз секундду тарифтештирилүүгө тийиш болгон убакытты эсептеп бөлүүнүн башталышы деп эсептөө зарыл;

2) иш жүзүндө көрсөтүлгөн кызматтар үчүн абоненттерден/колдонуучулардан акы алуу;

3) телематикалык кызматтардын кызмат көрсөтүүлөрүн бир этапта көрсөтүү, б.а. провайдердин өнөктөштүк программасы колдонулган учурда кыска номерге же уникалдуу кодго бир суроо-талап кылуудан көрсөтүү;

4) негизги кызмат көрсөтүү менен технологиялык жактан ажырагыс байланышкан болуп саналбаган жана ошол эле учурда кызмат көрсөтүүлөрдүн наркын жогорулаткан кошумча кызматтардын көрсөтүлүшүнүн алдын алуу.

198. Тармактар аралык кошулууну уюштуруудагы лицензиялык талаптар болуп төмөнкүлөр саналат:

1) тармакты мындай тармактардын биринин пайдалануучусуна жалпы пайдалануудагы ушул же башка электр байланыш тармагынын пайдалануучулары менен ишенимдүү байланыш түзүлгөндөй кылып түзүү жана пайдалануу;

2) чакырууну демилгелеген абоненттин номерин баспоо, модификациялабоо же башка ыкма менен берилүүчү маалыматтарын өзгөртпөө, эгерде мындай өзгөртүүлөр тармактын кодун же географиялык аныкталуучу номерлештирүү зонасынын кодун жана/же чакырууну демилгелеген абоненттин берилүүчү номерин жана/же тармактар аралык кошулуу үчүн тиешелүү документтерде макулдашылган төлөмдүн (тарифтердин) өлчөмдөрүн өзгөртүүгө алып келиши мүмкүн болсо;

3) төмөнкүдөй максаттарда тармактар аралык кошулууга суроо-талап кылган оператор менен тармактар аралык кошулуу же пайдалануу мүмкүндүгү жөнүндө келишимдин шарттарын макулдашуу:

-- эки оператордун тең электр байланыш тармактарын туташтырууга жана кошулуусун колдоо;

-- жабдуунун жайгашкан жерин, кабелдик канализацияны, таянычтарды, абоненттик жетүү линияларын жана жер астындагы курулмаларды кошкондо тармактар аралык кошулууга жетүү жана колдоо үчүн тармактар аралык кошулууга суроо-талап кылган оператордун жетүүсү талап кылынган электр байланышынын мындай каражаттарын жана курулмаларын пайдалануу мүмкүндүгүн берүү;

-- тармактар аралык кошулуудан баш тартпоо, эгерде аны аткаруу үчүн техникалык мүмкүндүктөр бар болсо, башка учурда – тармактар аралык кошулуудан кандай болбосун баш тартууну толук негиздөө зарылдыгы:

4) сапаттуу жана үзгүлтүксүз тармактар аралык кошулууну камсыздоо жана бир тараптуу тартипте бүтүндөй кошулууну толугу менен же анын бир бөлүгүн үзгүлтүккө учуратууга, ошондой эле тармактар аралык кошулуунун кандайдыр бир кызматын көрсөтүүнү чектөөгө же болбосо электр байланышынын кайсы болбосун тиешелүү каражаттарын пайдалануу мүмкүндүгүн тосууга жол бербөө, ага төмөнкү учурлар кирбейт:

-- соттун мыйзамдуу күчүнө кирген чечими болгондо;

-- тараптардын макулдашуусу боюнча, электр байланыш операторунун лицензиясы жокко чыгарылганда;

-- ишкердик субъектинин иши токтогондо; электр байланыш операторлорунун ортосунда талаш-тартыш келип чыкканда аны лицензиар карап чыккандан кийин, эгерде тараптардын бири электр байланыш операторунун тармагынын иштөөсүнө материалдык жоготууларды жана/же коркунучту ырастаган документтерди берсе;

-- колдонуучулук тариф 60 календарлык күндүн ичинде үзгүлтүксүз жок болгондо, мында тармактар аралык туташтыруу жөнүндө келишимди бузууну демилгелеген электр байланышы операторунда 60 календарлык күндүн ичинде колдонуучулук трафиктин жоктугун ырастаган тармактар аралык каналды жүктөө жөнүндө маалыматтар, биллинг системасынын маалыматтары болушу керек.

199. Номерлөө ресурсун өз ишинде пайдаланууда лицензиялык талаптар болуп төмөнкүлөр саналат:

1) лицензиардын буйругу менен бөлүнгөн номерлөө ресурсун гана өз тармагында пайдалануу;

2) Кыргыз Республикасынын улуттук системасынын электр байланыш тармактарын номерлөө системасын жана электр байланыш тармактарын номерлөө планын сактоо.

200. Телеграфтык байланышты уюштуруудагы лицензиялык талаптар болуп төмөнкүлөр саналат:

1) пайдалануучуларга иштөө режими (жумуш жана дем алыш күндөрү, телеграммаларды кабыл алуу жана жеткирүү сааттары) жана көрсөтүлгөн кызматтар жөнүндө зарыл жана так маалыматтарды берүү менен телеграф кызматтарынын белгиленген иштөө режимине ылайык телеграммаларды кабыл алууну камсыз кылуу;

2) телеграфтык отчеттуулуктун бардык документтерин учурдагы архивде жана узак мөөнөттүү сактоо архивинде телеграфтык кат алышуунун сыры, бардык документтердин сакталышы камсыз кылынгандай сактоону уюштуруу;

3) кызмат көрсөтүүлөрдү пайдалануучудан телеграфтык байланыш кызматтарын көрсөтүүдө милдеттенмелерди аткарбагандыгына же талаптагыдай аткарбагандыгына дооматтарды кабыл алуу. Дооматтар жазуу жүзүндө кабыл алынат жана байланыш оператору тарабынан милдеттүү түрдө белгиленген тартипте катталууга тийиш;

4) колдонуучу милдеттенмелердин аткарылбагандыгы же талаптагыдай аткарылбагандыгы жөнүндө билген же билиши мүмкүн болгон күндөн тартып бир айдын ичинде дооматтарды кабыл алуу;

5) телеграмманын текстин бурмалагандыгы, анын маанисин өзгөрткөндүгү, телеграмманы лицензиаттын күнөөсү боюнча адресатка жеткирбегендиги же өз убагында тапшырбагандыгы үчүн телеграмма үчүн төлөнгөн акынын өлчөмүндө материалдык жоопкерчилик тартууга. Жөнөтүүчүгө же адресатка акча каражаттарынын ордун толтуруу оператордун күнөөсү аныкталгандан кийин 20 күндөн кечиктирилбестен жүргүзүлөт;

6) кирүүчү жана чыгуучу телеграммаларды иштеп чыгууда, мамлекеттер аралык байланыштар боюнча жиберүүчүдөн адресатка чейин телеграммаларды өткөрүүдө төмөнкү контролдук мөөнөттөрдү сактоо:

-- шаарлар ортосунда жана шаарлардын ичинде: кадимки – 6 саатка чейин, шашылыш – 3 саатка чейин;

-- телеграфтык байланышы бар калктуу конуштардын ортосунда жана бул пункттар менен шаарлардын ортосунда: кадимки – 12 саатка чейин, шашылыш – 6 саатка чейин, билдирүүлөр – 24 саатка чейин, кат-телеграммалар – 48 саатка чейин;

-- телеграфтык байланышы жок калктуу конуштардын ортосунда жана бул пункттар менен шаарлардын ортосунда, ошондой эле телеграфтык байланышы бар пункттардын ортосунда: кадимки – 24 саатка чейин, шашылыш – 6 саатка чейин, билдирүүлөр – 24 саатка чейин, кат-телеграммалар – 48 саатка чейин;

7) телеграммаларды өткөрүү мөөнөттөрү телеграмманы берүү пунктунда кабыл алган учурдан тартып адресатка тапшырганга чейинки убакыт катары аныкталат. Телеграммаларды өткөрүү мөөнөттөрүнө (телеграмманы тапшыруу жөнүндө билдирүүнү жөнөтүүчүгө тапшыруу) белгиленген иштөө режимине ылайык телеграмма дайындалган жердеги байланыш пункту телеграммаларды жеткирүүнү ишке ашырбаган убакыт, телеграммаларды почта байланыш каражаттары менен жөнөтүү убактысы, ошондой эле байланыш операторунан көз каранды болбогон себептер боюнча телеграммалар же билдирүүлөр жеткирилиши мүмкүн болбогон убакыт кирбейт.

8) телеграммаларды категорияларына жараша жеткирүүнү камсыз кылуу:

-- “кезексиз”, “өкмөттүк” категорияларын – күнү-түнү;

-- “шашылыш” категорияларын – белгиленген контролдук мөөнөттө жеткирүү участогу иштеген мезгилде – 2 саат;

-- “кадимки” категориясын – жеткирүү участогу иштеген мезгилде келип түшкөн күнү. Телеграммаларды абоненттик орнотмолору бар ишканалардын, мекемелердин жана уюмдардын даректерине телеграммаларды берүү үчүн белгиленген контролдук мөөнөттөрдө күнү-түнү түздөн-түз ушул орнотмолорго берүү. Телеграфтык байланышы жок айылдык байланыш бөлүмдөрүнө даректелген телеграммалар телефон аркылуу берилет. Телефон аркылуу байланыш жок болсо, даректерге почта аркылуу жөнөтүлөт;

9) телеграфтык документтерди сактоону камсыз кылуу:

-- банктардын которуу телеграммаларын – 7 айдын ичинде;

-- эл аралык телеграммалар жана аларга тил каттар үчүн – 7 айдын ичинде;

-- ички телеграммалар жана аларга тил каттар үчүн – 2 айдын ичинде.

Сактоо убактысы телеграмманын жана документтердин датасы белгиленген күндөн тартып эсептелет.

10) ар кандай категориядагы телеграммаларды иштеп чыгуу мөөнөттөрүн таблицага ылайык колдонуу:

Таблица

Телеграммаларды иштеп чыгуунун контролдук мөөнөттөрү

Телеграммалардын категориялары	Бардык ишканаларда контролдук иштеп чыгуу мөөнөтү
Телеграммалардын категориялары	берүү		жеткирүү
	саат	мин.	саат	мин.
Категориядан тышкары, өкмөттүк, шашылыш		30	2	–
Кадимки	1		–	–
“Бороон” (билдирүүлөрдү коммутациялоо борбору/акыркы пункттан акыркы пунктка		4/10	–	–
“Авиа” (билдирүүлөрдү коммутациялоо борбору/акыркы пункттан акыркы пунктка)		6/15	–	–
“Байланыш-авария” (билдирүүлөрдү коммутациялоо борбору/акыркы чекиттен акыркы пунктка)		6/15	–	30

Жаңы22.02.2024

1-тиркеме

(Кыргыз Республикасынын

Министрлер Кабинетинин

2023-жылдын 14-декабрындагы № 678

токтомуна ылайык)

Иштин айрым түрлөрүн лицензиялоо жөнүндө жобо

(Кыргыз Республикасынын Министрлер Кабинетинин 2024-жылдын 5-февралындагы № 45, 2024-жылдын 22-февралындагы № 78 токтомдорунун редакцияларына ылайык)