Кыргыз Республикасынын Президентинин 2026-жылдын 19-мартындагы № 115 тескемесине ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИНИН ТЕСКЕМЕСИ

2023-жылдын 16-ноябры ПТ № 223

Кадрдык өзгөрүүлөргө байланыштуу, Кыргыз Республикасынын Конституциясынын 66, 71-беренелерине ылайык:

1. Кыргыз Республикасынын Президентинин 2023-жылдын 15-мартындагы № 43 тескемесине төмөнкүдөй өзгөртүү киргизилсин:

- жогоруда аталган тескеме менен түзүлгөн жергиликтүү мамлекеттик администрациялардын жана жергиликтүү өз алдынча башкаруу органдарынын алдындагы жер мунапысын жүргүзүү боюнча комиссияларга көмөк жана методикалык жардам көрсөтүү боюнча ведомстволор аралык жумушчу топтун курамы ушул тескеменин тиркемесине ылайык редакцияда баяндалсын.

2. Кыргыз Республикасынын Президентинин 2023-жылдын 11-октябрындагы № 199 тескемеси күчүн жоготту деп таанылсын.