Талас шаардык кеңешинин 2023-жылдын 4-майындагы № 172/23-8 токтомуна ылайык

ЖОККО ЧЫКТЫ

ТАЛАС ШААРДЫК КЕӉЕШИ

ТОКТОМ

Депутаттардын Талас шаардык кеңешинин VIII чакырылыштагы кезектеги XXII сессиясы

2023-жылдын 24-апрели  № 162/22-8

Талас шаарына коммуналдык кызмат көрсөтүү муниципалдык ишканасынын кызматкерлеринин эмгек маянасын көбөйтүү жана штаттык бирдигин бекитүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесинин 2-бөлүмүнүн 1-пунктунун, Кыргыз Республикасынын Министрлер Кабинетинин 2022-жылдын 1-августундагы Кыргыз Республикасынын мамлекеттик органдарынын жана өз алдынча башкаруу органдарын тейлеп иштеген кызматкерлерге эмгек акы төлөө шарттары жөнүңдө №433 токтому, Талас шаарынын мэриясынын 14.04.2023-жылдын №01-19-918 чыгыш сандуу катынын негизинде, Депутаттардын Талас шаардык кеңешинин “Бюджет жана муниципалдык менчик башкаруу маселелери” боюнчатуруктуу комиссиясынын протоколдук сунушун карап, талкуулап чыгып, Депутаттардын Талас шаардык кеңешинин сессиясы

ТОКТОМ КЫЛАТ:

1. Талас шаарына коммуналдык кызмат көрсөтүү муниципалдык ишканасынын кызматкерлеринин эмгек маянасы 2023-жылдын 1-апрелинен баштап көбөйтүлсүн жана штаттык бирдиги тиркемеге ылайык бекитилсин.

2. Кабыл алынган токтомду Талас шаарынын мэриясынын сайтына жарыялоо жана Кыргыз Республикасынын укуктук ченемдик актылардын мамлекеттик реестринен каттоодон өткөрүүнү көзөмөлдөө жагы Депутаттардын Талас шаардык кеңешинин жооптуу катчысына (А.Сариева) милдеттендирилсин.

3. Токтомдун аткарылышына көзөмөлдүк кылуу жагы Талас шаардык кеңешинин “Бюджет жана муниципалдык менчик башкаруу маселелери” боюнча туруктуу комиссиясынын төрагасына (У.Атагелдиев) тапшырылсын.