ОШ ШААРДЫК КЕӉЕШИ

ТОКТОМ

ОШ ШААРДЫК КЕҢЕШИНИН КЕЗЕКСИЗ XХXI СЕССИЯСЫ

 (V ЧАКЫРЫЛЫШ)

2024-жылдын 5-августу № 228

Республикалык бюджеттен бюджеттик ссуда алууга макулдук берүү жөнүндө

Кыргыз Республикасынын Бюджеттик Кодексинин 57, 78-беренелерин жетекчиликке алып, Ош шаарынын мэриясынын Ош шаардык борбордук базары башка жайга жылып жаткандыгына байланыштуу, жаңы базарды куруу үчүн республикалык бюджеттен 3 жылдык мөөнөткө бюджеттик ссуда алууга макулдук берүү жөнүндөгү катынын негизинде, Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясынын 2024-жылдын 31-июлундагы №12 чечимин эске алып, Ош шаардык Кеңеши

ТОКТОМ КЫЛАТ:

1.Ош шаарында борбордук муниципалдык базарды куруу үчүн республикалык бюджеттен 3 жылдык мөөнөткө 543,6 млн. сом бюджеттик ссуда алууга макулдук берилсин.

2.Токтом мыйзамда каралган тартипте катталсын жана жалпыга маалымдоо каражаттарында жарыялансын.