Мамлекеттик программанын аталышы

2024–2027-жылдарга Кыргыз Республикасында соттук-эксперттик ишти өнүктүрүүнүн мамлекеттик программасы

Мамлекеттик программаны иштеп чыгуу үчүн чечим кабыл алуунун негиздемеси жана датасы

Кыргыз Республикасынын Президентинин 2023-жылдын 3-мартындагы № 47 Жарлыгы менен бекитилген “2023–2026-жылдары Кыргыз Республикасынын сот адилеттиги системасын өнүктүрүү мамлекеттик максаттуу программасы

Мамлекеттик заказчы – Мамлекеттик программанын координатору

Кыргыз Республикасынын Министрлер Кабинети

Мамлекеттик программанын негизги иштеп чыгуучулары

Кыргыз Республикасынын Юстиция министрлиги, Кыргыз Республикасынын Юстиция министрлигине караштуу Соттук-эксперттик кызмат

Мамлекеттик программанын максаты

Кыргыз Республикасынын улуттук мыйзамдарына, ошондой эле эл аралык ченемдерге жана стандарттарга ылайык жарандардын укуктарын, эркиндиктерин жана мыйзамдуу кызыкчылыктарын камсыз кылууну эске алуу менен Кыргыз Республикасында соттук-эксперттик иштин натыйжалуулугун жогорулатуу

Мамлекеттик программанын негизги милдеттери

– сот адилеттигин камсыз кылууга багытталган экспертиза жүргүзүүнүн натыйжалуу механизмдерин киргизүү жана өнүктүрүү жолу менен соттук экспертиза чөйрөсүндөгү саясатты өркүндөтүү;

– соттук-эксперттик мекемелерде башкаруу системасын өркүндөтүү жана кадрдык потенциалды жогорулатуу;

– соттук-эксперттик системанын инфраструктурасын жакшыртуу;

– жаңы илимий-техникалык жана маалыматтык-коммуникациялык жетишкендиктердин негизинде соттук-эксперттик ишти модернизациялоо;

– соттук экспертизалардын сапатын жогорулатуунун укуктук, институттук, уюштуруучулук жана материалдык-техникалык негиздерин чыңдоо, анын ичинде экспертизалардын сапатынын улуттук стандарттарын иштеп чыгуу жана киргизүү аркылуу бекемдөө;

– соттук эксперттердин кесиптик деңгээлин жогорулатуунун заманбап системасын түзүү;

– колдо болгон илимий-методологиялык базаны өркүндөтүү;

– экспертизалардын жаңы актуалдуу тектерин жана түрлөрүн киргизүү;

– соттук-эксперттик тармакта эл аралык кызматташтыкты кеңейтүү жана чыңдоо

Мамлекеттик программанын негизги максаттуу индикаторлору жана көрсөткүчтөрү

– Кыргыз Республикасынын соттук-эксперттик ишин өнүктүрүүнүн артыкчылыктуу багыттарын аныктоо;

– соттук экспертизанын маселелерин жөнгө салуучу учурдагы мыйзамдарды талдоо;

– мыйзам долбоорлорун жана Кыргыз Республикасынын Министрлер Кабинетинин чечимдеринин долбоорлорун иштеп чыгуу;

– соттук-эксперттик мекемелердин инфраструктурасын жакшыртуу;

– “Эксперт” автоматташтырылган маалыматтык системасын (АМС) киргизүү жана интеграциялоо;

– соттук эксперттердин квалификациясын жогорулатуу программаларын иштеп чыгуу;

– кызматкерлерди зарыл болгон уюштуруу техникасы менен камсыз кылуу;

– жаңы модулдарды киргизүүнү эске алуу менен “Эксперт” АМСти модернизациялоо;

– учурдагы кырдаалды талдоо;

– тиешелүү ченемдик укуктук жана ведомстволук актыларды кабыл алуу

Мамлекеттик программанын иш-чараларынын натыйжалуулугунун көрсөткүчтөрү

– жүргүзүлгөн талдоо колдонуудагы мыйзам актыларына жана мыйзам алдындагы актыларга олуттуу өзгөртүүлөрдү киргизүү зарылдыгын көрсөттү;

– иштелип чыккан долбоорлор жогору турган органдар тарабынан жактырылды;

– тиешелүү ведомстволук актыларды кабыл алуу;

– тиешелүү мыйзам долбоорлорун жана Кыргыз Республикасынын Министрлер Кабинетинин чечимдеринин долбоорлорун иштеп чыгуу;

– соттук-эксперттик система жогорку квалификациялуу кадрлар менен камсыздалды;

– соттук эксперттердин эмгек шарттары жакшыртылды;

– тартылган соттук эксперттердин саны көбөйдү;

– укуктар жана мыйзамдуу кызыкчылыктар камсыз кылынды;

– соттук-эксперттик мекемелер тарабынан көрсөтүлүүчү мамлекеттик кызматтардын жеткиликтүүлүгү камсыз кылынды

Мамлекеттик программаны ишке ашыруу мөөнөттөрү

2024–2027-жылдар

Мамлекеттик программаны каржылоонун көлөмдөрү

211 000 000 сом

Мамлекеттик программаны каржылоо булактары

Республикалык бюджет жана башка булактар

Мамлекеттик программаны ишке ашыруунун күтүлүүчү акыркы натыйжалары

– мамлекеттин укук коргоо жана сот системасынын ажырагыс бөлүгү катары соттук-эксперттик иштин натыйжалуулугу жогорулатылды;

– мыйзамдуулукту камсыз кылуунун маанилүү инструменти катары соттук-эксперттик системанын иштөөсүнүн оптималдуу модели түзүлдү;

– Кыргыз Республикасындагы соттук-эксперттик иштин жыйынтыктарын эл аралык таанууну камсыз кылуу;

– соттук экспертизанын заманбап жана потенциалдуу мүмкүнчүлүктөрүн өнүктүрүү, эксперттик кадрлардын жогорку кесиптик деңгээлин камсыз кылуу жана жүргүзүлүүчү соттук экспертизалардын сапатын жогорулатуу;

– соттук эксперттердин квалификациясын жогорулатуу