КР Министрлер Кабинетинин 2025-жылдын 31-январындагы № 48 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2024-жылдын 30-декабры № 809

2025-жылы дем алыш күндөрүн которуу жөнүндө

Дем алыш жана жумуш эмес майрам күндөрүн сарамжалдуу пайдалануу максатында, Кыргыз Республикасынын Эмгек кодексинин 113-беренесине, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Беш күндүк иш жумасынын графиги боюнча иштеген мамлекеттик жана муниципалдык уюмдардын, мамлекеттик бюджеттен каржылануучу мекемелердин жана ишканалардын кызматкерлери үчүн:

1) 2025-жылдын 1-январынан тартып 7-январына чейин дем алыш күндөрү деп белгиленсин жана төмөнкүлөр которулсун:

– 2025-жылдын 11-январындагы дем алыш күнү – 2025-жылдын 2-январындагы иш күнүнө;

– 2025-жылдын 24-февралындагы дем алыш күнү – 2025-жылдын 3-январындагы иш күнүнө;

– 2025-жылдын 10-мартындагы дем алыш күнү – 2025-жылдын 6-январындагы иш күнүнө; 

2) 2025-жылдын 2-майы дем алыш күн деп белгиленсин жана ал 2025-жылдын 1-сентябрындагы дем алыш күнгө которулсун.

2. Беш күндүк иш жумасынын графиги боюнча иштеген жеке менчик түрүндөгү юридикалык жактардын жетекчилерине ушул токтомдун 1-пунктуна ылайык дем алыш күндөрүн которуу сунушталсын.

3. Бул токтом расмий жарыяланууга тийиш жана 2024-жылдын 30-декабрынан тартып күчүнө кирет.