Загрузка документа…
КР Президентинин 2026-жылдын 17-февралындагы N 61 Жарлыгына ылайык КҮЧҮН ЖОГОТТУ
КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ
2024-жылдын 12-декабры ПЖ № 354
2024-2034-жылдарга Кыргыз Республикасында футболду өнүктүрүүнүн улуттук программасын бекитүү жөнүндө
Кыргыз Республикасынын Президентинин 2024-жылдын 25-мартындагы № 81 "2024-2034-жылдарга Кыргыз Республикасында футболду андан ары өнүктүрүү боюнча чаралар жөнүндө" Жарлыгын ишке ашыруу максатында, Кыргыз Республикасынын Конституциясынын 66, 71-беренелерин жетекчиликке алып, токтом кылам:
1. Төмөнкүлөр бекитилсин:
1) 2024-2034-жылдарга Кыргыз Республикасында футболду өнүктүрүүнүн улуттук программасы 1-тиркемеге ылайык;
2) 2024-2034-жылдарга Кыргыз Республикасында футболду өнүктүрүүнүн улуттук программасын жүзөгө ашыруу боюнча иш-чаралар планы (мындан ары - Иш-чаралар планы) 2-тиркемеге ылайык;
3) 2024-2034-жылдарга Кыргыз Республикасында футболду өнүктүрүүнүн улуттук программасын жүзөгө ашыруу боюнча иш-чаралар планынын бюджети 3-тиркемеге ылайык;
4) 2024-2034-жылдарга Кыргыз Республикасында футболду өнүктүрүүнүн улуттук программасынын ишке ашырылышына мониторинг жүргүзүү жана баалоо индикаторлорунун матрицасы 4-тиркемеге ылайык.
2. Иш-чаралар планын жүзөгө ашырууга тартылган мамлекеттик органдар жана жергиликтүү өз алдынча башкаруу органдары (макулдашуу боюнча), "Кыргыз футбол биримдиги" юридикалык жактардын бирикмеси (макулдашуу боюнча):
- Иш-чаралар планын белгиленген мөөнөттөрдө аткаруу боюнча милдеттүү чараларды көрсүн;
- Иш-чаралар планынын негизинде жыл сайын өз иш пландарын иштеп чыксын жана аткарсын;
- ар бир жарым жылдыктын жыйынтыгы боюнча отчеттук мезгилден кийинки айдын 5инен кечиктирбестен Иш-чаралар планын жүзөгө ашыруунун жүрүшү жөнүндө маалыматты Кыргыз Республикасынын Маданият, маалымат, спорт жана жаштар саясаты министрлигине берип турсун.
3. Кыргыз Республикасынын Маданият, маалымат, спорт жана жаштар саясаты министрлиги ар бир жарым жылдыктын жыйынтыгы боюнча отчеттук мезгилден кийинки айдын 25инен кечиктирбестен Иш-чаралар планын жүзөгө ашыруунун жүрүшү жөнүндө жалпыланган отчетту Кыргыз Республикасынын Президентинин Администрациясына берип турсун.
4. Бул Жарлыктын аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.
5. Бул Жарлык расмий жарыяланган күндөн тартып күчүнө кирет.
"Эркин Тоо" мамлекеттик расмий гезитинин 2024-жылдын 24-декабрындагы № 99 (3654) жарыяланды
Кыргыз Республикасынын Президенти |
| С.Н. Жапаров |
|
| 2-тиркеме |
2024-2034-жылдарга Кыргыз Республикасында футболду өнүктүрүүнүн улуттук программасын жүзөгө ашыруу боюнча ИШ-ЧАРАЛАР ПЛАНЫ
№ | Милдеттер | Чаралар/иш-аракеттер | Ишке ашыруу мөөнөтү | Каржылоо булагы | Аткаруу индикаторлору | Жооптуу аткаруучулар |
1-багыт. Футбол боюнча ар кандай жаш-курактагы күчтүү курама командалар | ||||||
1.1 | Бардык жаш-курактагы курама командалар үчүн улуттук футбол философиясын иштеп чыгуу, макулдашуу жана бекитүү | Жумушчу топту түзүү | 2025-жылдын I кварталы | Талап кылынбайт | 2 жумушчу топ түзүлдү (кесиптик жана балдар-өспүрүмдөр футболу) | ММСЖСМ, КФБ (макулдашуу боюнча) |
Кыргызстандын футбол экосистемасына талдоо жүргүзүү | 2025-жылдын I кварталы | КФБ, тартылган каражаттар | ФИФА менен биргеликте талдоо жүргүзүлдү. Талдоонун жыйынтыгы боюнча чечимдер кабыл алынды | ММСЖСМ, КФБ (макулдашуу боюнча) | ||
Курама командалардын машыктыруучулар штабы жана кесиптик футбол клубдары менен бардык курама командаларды даярдоонун бирдиктүү методикасын иштеп чыгуу жана макулдашуу | 2025-жылдын I кварталы | КФБ | Даярдоонун бирдиктүү методикасы бекитилди | ММСЖСМ, КФБ (макулдашуу боюнча) | ||
Ар кандай курактагы курама командалардын деңгээлинде спорттук психологдорду тартуу | 2026-жылдын I кварталы | КФБ | 4 спорттук психолог курама командалар менен иштөөдө | ММСЖСМ, КФБ (макулдашуу боюнча) | ||
1.2 | Курама командаларды даярдоо үчүн окуу-машыгуу базасын түзүү | Жер участогун издөө, тандоо жана макулдашып, уруксат алууну талап кылган бардык документтерди даярдоо | 2026-жылдын I кварталы | КФБ, тартылган каражаттар | Жер участогу таризделип, КФБнын пайдалануусуна өткөрүп берилди | ММСЖСМ, ЖӨБО, Бишкек жана Ош шаарларынын мэриялары, КРП ЫУӨ, "МЖӨ борбору" ММ, КФБ (макулдашуу боюнча) |
Бардык эл аралык стандарттарга шайкеш келген футбол боюнча курама командалардын окуу-машыгуу базасын куруу | 2027-жылдын I кварталы | КФБ | Футбол боюнча курама командаларды даярдоо базасы курулуп, пайдаланууга берилди | ММСЖСМ, "МЖӨ борбору" ММ, КФБ (макулдашуу боюнча) | ||
ОМБнын иши жана иштеши үчүн квалификациялуу адистерди тандоо | 2027-жылдын II кварталы | КФБ | ОБМнын персоналдары квалификациялуу адистер менен комлекттелди | ММСЖСМ, КФБ (макулдашуу боюнча) | ||
ОМБнын иштешин камсыз кылуу | Жыл сайын | КФБ | ОМБ толук көлөмдө иштеп жатат | ММСЖСМ, КФБ (макулдашуу боюнча) | ||
Спорттук аналитикалык борборду түзүү | 2027-жылдын II кварталы | КФБ | Аналитикалык борбор түзүлдү, өнүктүрүү жана аналитикалык документтерди даярдоо боюнча иштерди туруктуу негизде жүргүзүүдө | ММСЖСМ, "МЖӨ борбору" ММ, КФБ (макулдашуу боюнча) | ||
Спорттук-аналитикалык борбордун иштешин камсыз кылуу | Жыл сайын | КФБ | Спорттук-аналитикалык борбор иштеп жатат жана аналитикалык маалымат менен камсыз кылууда | ММСЖСМ, КФБ (макулдашуу боюнча) | ||
Курама командаларды даярдоодо сапаттуу материалдык-техникалык камсыздоо | 2025-2034-жылдар | КФБ | Бардык курактагы курама командалар натыйжалуу даярдануу үчүн заманбап шаймандар менен камсыздалган | ММСЖСМ, КФБ (макулдашуу боюнча) | ||
1.3 | КФБнын элиталык академиясын түзүү | Негиздемени жана бардык лицензиялык-уруксат берүүчү документтерди даярдоо | 2026-жылдын I кварталы | КФБ | Бардык керектүү уруксат берүүчү документтер алынды | ММСЖСМ, БИМ, "МЖӨ борбору" ММ, КФБ (макулдашуу боюнча) |
Даярдоо программаларын иштеп чыгуу жана бекитүү | 2026-жылдын II кварталы | Талап кылынбайт | Программалар бекитилди | ММСЖСМ, БИМ, "МЖӨ борбору" ММ, КФБ (макулдашуу боюнча) | ||
КФБ академиясынын ишин баштоо | 2027-жылдын II кварталы | КФБ, тартылган каражаттар | Академия иштеп жатат | ММСЖСМ, КФБ (макулдашуу боюнча) | ||
1.4 | Ар кандай жаш-курактагы курама командалардын сапаттуу атаандаштык практикасын камсыз кылуу | Курама командалар Азиянын ТОП-10 жана дүйнөнүн ТОП-50 тизмесине кирген футбол федерациялары менен тыгыз өнөктөштүк байланышты кеңейтүү | 2025-жылдан тартып, андан кийин туруктуу | КФБ | Федерациялар менен кызматташуу жөнүндө меморандумдарга жана келишимдерге кол коюлду | ММСЖСМ, КФБ (макулдашуу боюнча) |
Азиянын ТОП-10 жана | Жыл сайын | КФБ | Азиянын ТОП-10 жана | ММСЖСМ, КФБ | ||
дүйнөнүн ТОП-50 командалары менен эл аралык турнирлерге жана жолдоштук беттештерге катышуу |
|
| дүйнөнүн ТОП-50 командалары менен жыл сайын беттештер өткөрүлүүдө | (макулдашуу боюнча) | ||
1.5 | Сапаттуу заманбап медициналык коштоону жана реабилитациялоону камсыз кылуу | Заманбап спорттук медицина борборун түзүү | 2027-жылдын I кварталы | КФБ | Спорттук медицина борбору түзүлүп, иштеп жатат | ММСЖСМ, "МЖӨ борбору" ММ, КФБ (макулдашуу боюнча) |
Борборду жогорку квалификациялуу медициналык адистер менен камсыздоо | 2027-жылдын II кварталы | Талап кылынбайт | Спорттук медицина борбору квалификациялуу адистер менен комплекттелди | ММСЖСМ, ССМ, "МЖӨ борбору" ММ, КФБ (макулдашуу боюнча) | ||
Спорттук медицина борборунун иштешин камсыз кылуу | 2027-жылдын II кварталы | КФБ | Спорттук медицина борбору толук көлөмдө иштеп жатат | ММСЖСМ, ССМ, "МЖӨ борбору" ММ, КФБ (макулдашуу боюнча) | ||
1.6 | Кыргыз Республикасынын курама командаларынын кадыр-баркын жогорулатуу | Курама командалардын кадыр-баркын колдогон маалыматтык өнөктүктөрдүн мазмунун иштеп чыгуу | Жыл сайын | Талап кылынбайт | Маалыматтык өнөктүктөрдүн мазмундук бөлүгү бекитилди | ММСЖСМ, УТРК, ЖМК, КФБ (макулдашуу боюнча) |
Маалыматтык өнөктүктөрдү өткөрүүнүн календардык планын жана бюджетин түзүү | Жыл сайын | Талап кылынбайт | Маалыматтык өнөктүктөрдүн планы жана бюджети бекитилди | ММСЖСМ, УТРК, ЖМК, КФБ (макулдашуу боюнча) | ||
Маалыматтык өнөктүктөрдү жүргүзүү | Жыл сайын | КФБ, ММСЖСМ, УТРК, ЭлТР | Маалыматтык өнөктүктөр бекитилген планга ылайык жүргүзүлүүдө | ММСЖСМ, УТРК, ЖМК, КФБ (макулдашуу боюнча) | ||
Курама командалардын кадыр-баркын жана коммерциялык баалуулугун жакшыртуу стратегиясын иштеп чыгуу | 2025-жылдын I кварталы | КФБ, тартылган каражаттар | Стратегия иштелип чыкты жана бекитилди | ММСЖСМ, КФБ (макулдашуу боюнча) | ||
2-багыт. Туруктуу кесиптик футбол системасы | ||||||
2.1 | Оюнчулардын жаштардан чоңдордун футболуна өтүүсүнүн бирдиктүү жана туура түзүлгөн пирамидасын калыптандыруу | Оюнчулардын жаштар футболунан чоңдор футболуна өтүү системасын киргизүү жана бул системанын натыйжалуулугуна мониторинг жүргүзүү | Жыл сайын | Талап кылынбайт | Система бекитилди жана колдонууга кирди. Анын натыйжалуулугуна мониторинг туруктуу негизде жүргүзүлүп турат | ММСЖСМ, КФБ (макулдашуу боюнча) |
2.2 | Мелдештерди өткөрүүгө контролду жакшыртуу | Заманбап технологияларды жана тажрыйбаларды киргизүү жана колдонуу | Жыл сайын | Талап кылынбайт | Заманбап технологиялар жана тажрыйбалар туруктуу негизде киргизилип, кеңири колдонулууда | ММСЖСМ, КФБ (макулдашуу боюнча) |
2.3 | Кесипкөй футболчулардын туруктуу эмгек рыногун түзүү | Ата мекендик жаш оюнчуларды кыйла активдүү тартууга өбөлгө түзүү үчүн футбол лигаларынын регламентин өзгөртүү боюнча сунуштарды иштеп чыгуу | 2025-жылдын IV кварталы | Талап кылынбайт | Футбол лигаларынын регламенттерине өзгөртүүлөр киргизилди | ММСЖСМ. КФБ (макулдашуу боюнча) |
Футболчулардын кесиптик бирлигинин ролун жогорулатуу боюнча сунуштарды иштеп чыгуу жана киргизүү | 2025-жылдын IV кварталы | Талап кылынбайт | Сунуштар иштелип чыгып, ишке киргизилди | ММСЖСМ, ЭСКММ, КФБ (макулдашуу боюнча) | ||
2.4 | Кыргызстанда кесиптик футболдун инвестициялык жагымдуулугун жогорулатуу үчүн шарттарды түзүү | Клубдарды каржылоого жеке капиталды тартуу боюнча финансылык дем берүү комплексин иштеп чыгуу | 2025-жылдын II кварталы | Талап кылынбайт | Дем берүү механизмдери иштелип чыкты, тийиштүү мамлекеттик органдар менен талкууланды жана Кыргыз Республикасынын Министрлер Кабинетинин кароосуна киргизилди | ММСЖСМ, ФМ, КФБ (макулдашуу боюнча) |
Лигаларга жана клубдарга экономикалык натыйжалуулукту жогорулатууга мүмкүндүк берүүчү шарттарды түзүүгө багытталган колдонуудагы мыйзамдарга оңдоолорду киргизүү тизмесин түзүү | 2025-жылдын IV кварталы | Талап кылынбайт | ЧУАга талдоо жүргүзүлдү, Кыргыз Республикасынын мыйзамдарына түзөтүүлөрдү киргизүү долбоору даярдалды жана макулдашылды жана Кыргыз Республикасынын Министрлер Кабинети менен Кыргыз Республикасынын Жогорку Кеңешинин кароосуна жиберилди | ММСЖСМ. ФМ, КФБ (макулдашуу боюнча) | ||
Клубдар тарабынан стадиондорду пайдалануу механизмдерин иштеп чыгуу | 2026-жылдын IV кварталы | Талап кылынбайт | Клубдар тарабынан футбол инфратүзүмүнүн объектилерин пайдалануунун жагымдуу шарттары жана механизмдери түзүлдү | ММСЖСМ, ФМ, ММБМА, КФБ (макулдашуу боюнча) | ||
2.5 | Клубдарга көрүүчүлөр аудиториясы менен өз ара аракеттенүүнүн ар кандай аспектилери, анын ичинде күйөрмандардын укукка каршы аракеттерин алдын алуу боюнча иштөөгө дем берүү | Кесиптик клубдар тарабынан күйөрмандарды тартуу жана фан-базасын түзүү боюнча иш-чаралардын комплексин иштеп чыгуу жана киргизүү | 2027-жылдын IV кварталы | КФБ | Ар бир кесиптик клубда демилгелүү топтордун жетекчилиги астында күйөрмандардын бирикмелери түзүлдү | ММСЖСМ, КФБ (макулдашуу боюнча) |
Футбол күйөрмандарынын укукка каршы жүрүм-турум көйгөйлөрүнүн алдын алууга жана чечүүгө багытталган иш-чаралардын бирдиктүү комплексин иштеп чыгуу | 2025-жылдын IV кварталы | КФБ | Чаралардын комплекси иштелип чыгып, ишке ашырылууда | ММСЖСМ, ИИМ, КФБ (макулдашуу боюнча) | ||
2.6 | Спорттук жана коммерциялык пландарда атаандаштык өнүккөн, көрүмдүү оюн көрсөтө турган чемпионатты түзүү | Футбол лигаларын өнүктүрүү программаларын иштеп чыгуу жана киргизүү | 2025-жылдын IV кварталы | Талап кылынбайт | Өнүктүрүү программасы процесстин бардык катышуучулары тарабынан иштелип чыкты, бекитилди жана кабыл алынды | ММСЖСМ, КФБ (макулдашуу боюнча) |
3-багыт. Квалификациялуу кесипкөй футболчуларды даярдоонун натыйжалуу системасын түзүү | ||||||
3.1 | Кесиптик клубдардын алдында балдар-өспүрүмдөр жана жаштар академияларын түзүү | Балдар-өспүрүмдөр жана жаштар футболун өнүктүрүүгө багытталган клубдарга лицензиялык талаптардын долбоорлорун иштеп чыгуу жана бекитүү | 2026-жылдын III кварталы | Талап кылынбайт | Лицензиялоо долбоору иштелип чыкты жана бекитилди | ММСЖСМ, КФБ (макулдашуу боюнча) |
Балдар-өспүрүмдөр жана жаштар академияларынын ишин жөнгө салуучу ченемдик укуктук актыларды иштеп чыгуу жана жайылтуу | 2026-жылдын III кварталы | Талап кылынбайт | Балдар-өспүрүмдөр академияларынын ишине ЧУАлар иштелип чыкты жана ишке киргизилди | ММСЖСМ, КФБ (макулдашуу боюнча) | ||
3.2 | Футболчуларды даярдоонун бирдиктүү стандартын колдонуу | Футболчуларды даярдоонун бирдиктүү концепциясын иштеп чыгуу, бекитүү жана клубдардын ишине киргизүү | 2026-жылдын III кварталы | Талап кылынбайт | Концепция иштелип чыкты жана бекитилди | ММСЖСМ, БИМ, КФБ (макулдашуу боюнча) |
3.3 | Таандыктыгына жана менчигинин формасына карабастан спорттук даярдоо мекемелерин үзгүлтүксүз милдеттүү аттестациялоо системасын киргизүү | Футбол боюнча спорттук даярдоо мекемелерин баалоо жана классификациялоо системасынын долбоорун иштеп чыгуу жана макулдашуу | 2025-жылдын I кварталы | Талап кылынбайт | Системанын долбоору даярдалды жана макулдашылды | ММСЖСМ, БИМ, КФБ (макулдашуу боюнча) |
Бардык футбол боюнча спорттук даярдоо мекемелерин үзгүлтүксүз аттестациядан өткөрүү | 2025-2034-жылдар | КФБ, ММСЖСМ | Аттестация бүткүл өлкө боюнча үзгүлтүксүз өткөрүлүп турат | ММСЖСМ, КФБ (макулдашуу боюнча) | ||
3.4 | Футболдук даярдоо мекемелеринин ишине жеке бизнестин кызыгуусун арттыруу | Футболдук даярдоо мекемелерин каржылоого жеке капиталды тартуу боюнча дем берүүлөрдүн комплексин иштеп чыгуу | 2025-жылдын II кварталы | Талап кылынбайт | Футболдук даярдоо мекемелерине инвесторлордун жана демөөрчүлөрдүн кызыгуусу артууда | ММСЖСМ, КФБ (макулдашуу боюнча) |
3.5 | Футболдун бардык түрлөрү жана багыттары боюнча өнүктүрүү программаларын иштеп чыгуу | 2025-2034-жылдарга Кыргыз Республикасында аялдар футболун, футзалды жана пляж футболун өнүктүрүү программасын иштеп чыгуу жана бекитүү | 2025-жылдын II кварталы | Талап кылынбайт | Программа иштелип чыкты жана бекитилди | ММСЖСМ, КФБ (макулдашуу боюнча) |
4-багыт. Массалык футболду уюштуруунун сапатын жогорулатуу жана анын кеңири жайылышына шарт түзүү | ||||||
4.1 | Жыл сайын жүргүзүлгөн изилдөөлөрдүн негизинде массалык футболдун абалын үзгүлтүксүз талдоо | Футбол тармагындагы абалга талдоо жүргүзүү методикасын иштеп чыгуу жана бекитүү | 2025-жылдын I кварталы | Талап кылынбайт | Методика иштелип чыкты жана бекитилди | ММСЖСМ, КФБ (макулдашуу боюнча) |
Футбол тармагындагы абалга изилдөөлөрдү жүргүзүү | Жыл сайын | Талап кылынбайт | Жүргүзүлгөн изилдөөлөрдүн отчеттору жыл сайын жарыяланууда | ММСЖСМ, КФБ (макулдашуу боюнча) | ||
4.2 | КФБнын колдоосу астында үзгүлтүксүз футболдук мелдештерге тартуу үчүн өз алдынча уюшулган футболдун субъекттерине дем берүү | КФБ тарабынан уюштурулган үзгүлтүксүз футболдук мелдештерге өз алдынча уюшулган футболдун субъекттеринин катышуусуна дем берүү боюнча чараларды иштеп чыгуу | 2025-жылдын II кварталы | КФБ (краудфандинг) | Чаралар иштелип чыкты жана ишке ашырылып жатат. | ММСЖСМ. КФБ (макулдашуу боюнча) |
4.3 | Массалык футбол менен системалуу иштөө боюнча долбоорлорду иштеп чыгуу жана ишке ашыруу, бул долбоорлорду ишке ашыруу үчүн демөөрчүлөрдү жана өнөктөштөрдү издөө жана тартуу | Кыргыз Республикасынын ыйгарым укуктуу мамлекеттик органдары менен өз ара аракеттенүүнүн натыйжасында футбол аркылуу спортту, сергек жашоо образын жайылтуу, социалдаштыруу боюнча чараларды иштеп чыгуу жана ишке ашыруу | 2025-жылдан тартып багытына жана зарылдыгына жараша | КФБ | Спортту, сергек жашоо мүнөзүн, социалдаштырууну популярдаштыруу боюнча долбоорлордун/биргелешкен иш-чаралардын саны көбөйүүдө | ММСЖСМ, ЖӨБО, Бишкек жана Ош шаарларынын мэриялары, КРП ЫУӨ, КФБ (макулдашуу боюнча) |
4.4 | Орто мектептердин окуучуларынын футбол менен массалык түрдө алектенүүсүн камсыз кылуу | Билим берүү чөйрөсүндөгү ченемдик укуктук актыларга өзгөртүүлөрдү киргизүү | 2025-жылдын I кварталы | БИМ | Дене тарбия сабагынын вариативдик бөлүгүнүн 20 сааты футбол менен алектенүүгө багытталды | ММСЖСМ, БИМ, КФБ (макулдашуу боюнча) |
4.5 | "Мен - чемпионмун" долбоорун өнүктүрүү | "Мен - чемпионмун" республикалык мелдешинде чемпион аталган жана байгелүү орунду камсыз кылган командаларга акчалай төлөм | 2025-жылдын I кварталы | ММСЖСМ каражатынын чегинде | Мелдештин жеңүүчү командалары жана байге ээлери үчүн зарыл болгон акчалай сыйлыктар каралган | ММСЖСМ, ЖӨБО, Бишкек жана Ош шаарларынын мэриялары, КРП ЫУӨ, КФБ (макулдашуу боюнча) |
Чемпион аталган команданын материалдык-техникалык базасын чындоо (футбол талаасы, футбол аянтчасы), шаймандар менен камсыздоо | 2025-жылдын I кварталы | ММСЖСМ каражатынын чегинде, тартылган каражаттар | Чемпион аталган команданын материалдык-техникалык базасы чыңдалды | ММСЖСМ, ЖӨБО, Бишкек жана Ош шаарларынын мэриялары, КРП ЫУӨ, КФБ (макулдашуу боюнча) | ||
5-багыт. Машыктыруучуларды даярдоо жана квалификациясын жогорулатуу системасын реформалоо | ||||||
5.1 | Футбол машыктыруучуларын даярдоонун жана квалификациясын жогорулатуунун учурдагы системасынын натыйжалуулугун талдоо | Футбол машыктыруучуларын даярдоонун жана квалификациясын жогорулатуунун учурдагы системасынын натыйжалуулугун изилдөө | 2025-жылдын II кварталы | КФБ | Изилдөө иштери жүргүзүлдү. Анын жыйынтыктарынын, корутундуларынын жана сунуштарынын негизинде КФБнын жетекчилиги чечимдерди кабыл алды | ММСЖСМ, БИМ, КФБ (макулдашуу боюнча) |
Өлкөнүн бардык аймагы боюнча футбол машыктыруучуларын жана окутуучуларын аттестациядан өткөрүү | Жыл сайын | КФБ | Өлкөнүн бардык аймагы боюнча туруктуу негизде аттестациялоо жүргүзүлүп турат | ММСЖСМ, КФБ (макулдашуу боюнча) | ||
5.2 | Футбол машыктыруучуларын даярдоо программасына түзөтүүлөрдү киргизүү | Учурдагы футбол машыктыруучуларын даярдоо программасына өзгөртүүлөрдү киргизүү | 2025-2034-жылдары | Талап кылынбайт | Учурдагы футбол машыктыруучуларын даярдоо программасына өзгөртүүлөр киргизилди | ММСЖСМ, БИМ, КФБ (макулдашуу боюнча) |
5.3 | Футбол чөйрөсүнө тартылган бардык машыктыруучуларды эсепке алуу системасын өркүндөтүү | Кыргыз Республикасынын бардык лицензиясы бар футбол машыктыруучулары жөнүндө толук кесиптик маалыматты камтыган электрондук маалымат базасын толтуруу жана туруктуу негизде жаңылоо | Жыл сайын | КФБ | Маалыматтар базасы түзүлүп, туруктуу негизде жаңыланып турат | ММСЖСМ, КФБ (макулдашуу боюнча) |
5.4 | Машыктыруучуларды жана футбол адистерин даярдоо жана квалификациясын жогорулатуу боюнча окуу борборун түзүү | Негиздемелерди жана бардык лицензиялык-уруксат берүү документтерин даярдоо | 2026-жылдын I кварталы | КФБ | Бардык керектүү уруксат берүү документтери алынды | ММСЖСМ, БИМ, КФБ (макулдашуу боюнча) |
Машыктыруучуларды даярдоо жана квалификациясын жогорулатуу программаларын иштеп чыгуу жана бекитүү | 2026-жылдын II кварталы | Талап кылынбайт | Программа иштелип чыкты жана бекитилди | ММСЖСМ, БИМ, КФБ (макулдашуу боюнча) | ||
Окуу борборунун ишке кириши | 2027-жылдын I кварталы | КФБ | Окуу борбору иштеп жатат. Ал жерде окууга суроо-талап бар | ММСЖСМ, КФБ (макулдашуу боюнча) | ||
Окуу борборунун иштешин камсыз кылуу | Жыл сайын | КФБ | Окуу борбору машыктыруучуларды жана адистерди ийгиликтүү даярдайт | ММСЖСМ, КФБ (макулдашуу боюнча) | ||
5.5 | Спорттук мекемелерге функционалдык талдоо жүргүзүүнүн, штаттык сандарын оптималдаштыруунун жана финансылык- экономикалык эсептерди жүргүзүүнүн жыйынтыгы боюнча спорттук мектептердеги машыктыруучу-окутуучулардын, анын ичинде футбол боюнча машыктыруучулардын эмгек акысын жалпы билим берүүчү мектептердин мугалимдеринин эмгек акысынын деңгээлине алып келүү | Тийиштүү ЧУАларга өзгөртүүлөрдү жана толуктоолорду киргизүү | 2025-жыл | Республикалык бюджет | Спорт мектептериндеги машыктыруучу-окутуучулардын эмгек акысы жалпы билим берүүчү орто мектептердин мугалимдеринин эмгек акылары менен теңделди | ММСЖСМ, ФМ |
6-багыт. Футболдук уюмдарда жогорку квалификациялуу спорттук менеджерлердин, бардык багыттар боюнча адистердин, спорттук дарыгерлердин жана медициналык адистердин болушу | ||||||
6.1 | Футбол ишинин ар кандай багыттары боюнча менеджерлерди даярдоо жана квалификациясын жогорулатуу программаларын иштеп чыгууну демилгелөө | Менеджерлердин жана машыктыруучулардын бар экендиги, алардын квалификациясы жана алардын санын көбөйтүү жана квалификациясын жогорулатуу боюнча зарыл чаралар жөнүндө аналитикалык каттарды даярдоо | 2025-жылдын I кварталы | КФБ, тартылган каражаттар | Талдоо жүргүзүлдү | ММСЖСМ, КФБ (макулдашуу боюнча) |
6.2 | Жогорку окуу жайларынын окуу пландарына спорт менеджерлерин даярдоо программаларын киргизүү | Техникалык тапшырманы иштеп чыгуу жана спорт менеджерлерин даярдоо заказын макулдашуу | 2025-жылдын II кварталы | Талап кылынбайт | Техникалык тапшырма жана заказ бардык кызыкдар тараптар менен талкууланып, БИМге жөнөтүлдү | ММСЖСМ, БИМ, КФБ (макулдашуу боюнча) |
Спорт менеджерлерин даярдоо программаларын иштеп чыгуу жана аларды жогорку окуу жайларынын окуу программаларына киргизүү | 2027-Жылдын III кварталы | Донордук уюмдар, БИМ. жогорку окуу жайлары | 1. Жогорку окуу жайлары менен сүйлөшүүлөр жүргүзүлдү; 2. Спорт менеджерлерин окутуу боюнча окуу программалары иштелип чыкты; 3. Жогорку окуу жайлары тарабынан программалар бекитилди жана окуу планына киргизилди | ММСЖСМ. БИМ, ЖОЖдор, КФБ (макулдашуу боюнча) | ||
6.3 | Медициналык жогорку окуу жайларынын окуу пландарына спорттук дарыгерлерди жана медициналык адистерди даярдоо программаларын киргизүү | Техникалык тапшырманы иштеп чыгуу жана спорттук дарыгерлерди жана медициналык профилдеги башка адистерди даярдоого заказдарды макулдашуу | 2025-жылдын II кварталы | Талап кылынбайт | Техникалык тапшырма жана заказ бардык кызыкдар тараптар менен талкууланып, БИМге жана ССМге жөнөтүлдү | ММСЖСМ, БИМ, ССM, КФБ (макулдашуу боюнча) |
Спорттук дарыгерлерди жана медициналык профилдеги башка адистерди даярдоо программаларын иштеп чыгуу жана аларды медициналык ЖОЖдордун окуу программаларына киргизүү | 2027-жылдын II кварталы | Донордук уюмдар, БИМ, ССМ, ЖОЖдор | 1. Медициналык ЖОЖдор менен сүйлөшүүлөр жүргүзүлдү; 2. Спорт медиктерин даярдоо боюнча окуу программалары иштелип чыкты; 3. Медициналык ЖОЖ тарабынан программалар бекитилди жана окуу планына киргизилди | ММСЖСМ, БИМ, ССМ, ЖОЖдор, КФБ (макулдашуу боюнча) | ||
7-багыт. Кыргызстандагы футбол калыстыгы дүйнөлүк деңгээлге шайкеш келет | ||||||
7.1 | Футбол арбитрлерин даярдоо жана квалификациясын жогорулатуу системасын модернизациялоо | Эл аралык эксперттерди тартуу менен калыстарды окутуу жана квалификациясын жогорулатуу программасын өркүндөтүү | 2025-жылдан баштап, андан соң ар 5 жылда | КФБ | Программа бекитилди жана ишке киргизилди | ММСЖСМ, КФБ (макулдашуу боюнча) |
Аймактык футбол арбитрлеринин мектептерин түзүү | 2025-2029-жылдары | КФБ | Футбол арбитрлеринин мектеби ачылды (2025-жылы Жалал-Абад жана Талас облустарында, 2026-жылы Ысык-Көл облусунда, 2027-жылы Баткен облусунда, 2028-жылы Нарын облусунда) | ММСЖСМ, КФБ (макулдашуу боюнча) | ||
Эл аралык беттештерди жана мелдештерди тейлөө үчүн калыстарды даярдоо программасын иштеп чыгуу | 2025-жылдын I кварталы | КФБ | Программа бекитилди жана ишке киргизилди | ММСЖСМ, КФБ (макулдашуу боюнча) | ||
7.2 | Футбол калыстыгына мүмкүн болушунча көп адамдарды тартуу | Маалыматтык жана үгүттөө өнөктүктөрүн жүргүзүү | Жыл сайын | КФБ | Маалыматтык жана үгүттөө иш-чаралары туруктуу негизде өткөрүлүп турат | ММСЖСМ, КФБ (макулдашуу боюнча), ЖМК |
7.3 | Футбол калыстарынын ар бири жөнүндө толук жана ишенимдүү маалыматы бар портфолиону камтыган бардык калыстарды эсепке алуу системасын жүргүзүү | Кыргыз Республикасынын бардык футбол калыстары жөнүндө толук кесипкөй маалыматты камтыган электрондук маалымат базасын толтуруу жана үзгүлтүксүз жаңылоо | Жыл сайын | Талап кылынбайт | Маалымат базасы үзгүлтүксүз жаңыланып турат | ММСЖСМ, КФБ (макулдашуу боюнча) |
7.4 | Футбол калыстыгын кесиптештирүүгө өткөрүү | Калыстыкты кесиптештирүү мүмкүнчүлүгү жөнүндө аналитикалык документти даярдоо | 2025-жылдын II кварталы | Талап кылынбайт | Корутундуларды жана сунуштарды камтыган аналитикалык документ даярдалды жана талкууланды | ММСЖСМ, КФБ (макулдашуу боюнча) |
Кесипкөй калыстыкка өткөрүү боюнча долбоорду иштеп чыгуу жана ишке ашыруу (эгер өтүү боюнча оң чечим кабыл алынса) | 2026-жылдын I кварталы | КФБ, тартылган каражаттар | Долбоор иштелип чыгып, аны ишке ашыруу башталды | ММСЖСМ, КФБ (макулдашуу боюнча) | ||
7.5 | Дүйнөлүк практикага ылайык калыстыкты техникалык жактан камсыздоо | Калыстыкта колдонулуучу заманбап техникалык жабдууларды жетиштүү санда алуу | 2025-2034-жылдар | КФБ, тартылган каражаттар | Жабдуулар туруктуу негизде сатып алынат жана колдонулат | ММСЖСМ, ФМ, КФБ (макулдашуу боюнча), инвесторлор |
8-багыт. Заманбап стандарттарга жооп берген футбол инфратүзүмүн түзүү | ||||||
8.1 | Менчиктин бардык түрүндөгү футбол инфратүзүмүнүн объекттеринин алар жөнүндө толук жана ишенимдүү маалыматтарды камтыган маалымат базасын өркүндөтүү | Кыргыз Республикасынын бардык футбол объекттери жөнүндө толук маалыматты камтыган электрондук маалымат базасын толтуруу жана үзгүлтүксүз жаңылоо | Жыл сайын | Талап кылынбайт | Маалымат базасы үзгүлтүксүз жаңыланып турат | ММСЖСМ, КФБ (макулдашуу боюнча) |
8.2 | Футбол инфратүзүмүнүн объекттеринин мелдештерди өткөрүү талаптарына шайкеш келиши | Футбол объекттерин туруктуу негизде сертификаттоодон өткөрүү | Жыл сайын | КФБ | Сертификаттоо жыл сайын жүргүзүлөт. Жыйынтыгына карата чечим кабыл алынат | ММСЖСМ, КФБ (макулдашуу боюнча) |
8.3 | Футбол инфратүзүмүнүн объекттеринин санын көбөйтүү жана сапатын жакшыртуу | Футбол инфратүзүмүн куруу жана жакшыртуу боюнча план-график түзүү | 2025-жылдан баштап, андан соң ар эки жылда | Талап кылынбайт | План-график түзүлүп, бекитилди | ММСЖСМ, ФМ, ЖӨБО, Бишкек жана Ош шаарларынын мэриялары, КРП ЫУӨ, "МЖӨ борбору" ММ, КФБ (макулдашуу боюнча) |
Футбол инфратүзүмүн жакшыртуу боюнча долбоорлорду ишке ашыруу учун демөөрчүлөрдү жана өнөктөштөрдү издөө жана тартуу | Жыл сайын | Демөөрчүлөр жана өнөктөштөр | Демөөрчүлөрдүн жана өнөктөштөрдүн жардамы менен футбол инфратүзүмдөрүнүн объекттери курулуп жана реконструкцияланып жатат | ММСЖСМ, ФМ, ЖӨБО, "МЖӨ борбору" ММ, инвесторлор, Бишкек жана Ош шаарларынын мэриялары, КРП ЫУӨ, КФБ (макулдашуу боюнча) | ||
Футбол объекттерин куруу жана модернизациялоо | Жыл сайын | Республикалык бюджет, мыйзамга каршы келбеген башка каражаттар, тартылган каражаттар, КФБ | Жыл сайын план-графикке ылайык футбол объекттери калыбына келтирилип, модернизацияланууда | ММСЖСМ, ФМ, Мамкурулуш, ЖӨБО, инвесторлор, Бишкек жана Ош шаарларынын мэриялары, КРП ЫУӨ, "МЖӨ борбору" ММ, КФБ (макулдашуу боюнча) | ||
8.4 | Футбол инфратүзүмүнүн объекттеринин иштешин, күтүүнү жана максаттуу пайдаланылышын камсыз кылуу | Спорт объекттеринин иштеши, күтүү жана пайдалануу шарттары каралган ченемдик укуктук актынын долбоорун даярдоо | 2025-жылдын I кварталы | Талап кылынбайт | ЧУА долбоору даярдалып, кароого киргизилди | ММСЖСМ, КФБ (макулдашуу боюнча) |
8.5 | Футбол инфратүзүмүнүн объекттерин техникалык жактан жабдуу | Стадиондор үчүн маалыматтык-коммуникациялык жабдууларды, талааларды тейлөөчү жабдууларды жана башкаларды сатып алуу | Жыл сайын | КФБ, тартылган каражаттар | Жабдуулар сатып алынды жана колдонулуп жатат | ММСЖСМ, КФБ (макулдашуу боюнча), инвесторлор |
Футбол инфратүзүмүнүн объекттерин тейлөө жана кароо үчүн квалификациялуу персонал менен камсыз кылуу | 2025-2034-жылдар | КФБ | Футбол объекттери квалификациялуу адистер тарабынан тейленүүдө | ММСЖСМ, ЖӨБО, Бишкек жана Ош шаарларынын мэриялары, КРП ЫУӨ, КФБ (макулдашуу боюнча) | ||
8.6 | Орто жалпы билим берүү мектептеринин материалдык-техникалык базасын чыңдоо | Жалпы билим берүү мектептеринин футбол талааларында ондоп-түзөө иштерин жүргүзүү | 2025-жылдан баштап, андан соң жыл сайын | ЖӨБО, КРП ЫУӨ, БИМ, Мамкурулуш каралган каражаттардын чегинде | Ондоп-түзөө иштери тиешелүү органдардын жылдык календардык планына киргизилди | ММСЖСМ, ЖӨБО, КРП ЫУӨ, БИМ, Мамкурулуш, Бишкек жана Ош шаарларынын мэриялары, "МЖӨ борбору" ММ |
8.7 | Бишкек шаарындагы борбордук футбол стадионунун курулушу | Борбордук футбол стадионунун курулушун үзгүлтүксүз каржылоо булактарын табуу | Жыл сайын | КРПИБ, донорлор, тартылган каражаттар | Борбордук стадион пайдаланууга берилди | КРПИБ, ММСЖСМ, Мамкурулуш, донорлор, демөөрчүлөр, "МЖӨ борбору" ММ, КФБ (макулдашуу боюнча) |
9-багыт. Футболду популярдаштыруу үчүн футбол уюмдарынын, мамлекеттин, кесипкөй футболчулардын, футбол сүйүүчүлөрдүн жана күйөрмандардын күч-аракеттерин бириктирүү | ||||||
9.1 | 2024-2034-жылдарга Кыргыз Республикасында футболду өнүктүрүүнүн улуттук программасын ишке ашырууга маалыматтык колдоону камсыз кылуу | 2024-2034-жылдарга Кыргыз Республикасында футболду өнүктүрүүнүн улуттук программасын ишке ашырууну маалыматтык-коммуникациялык коштоо боюнча пландарды иштеп чыгуу | Жыл сайын | Талап кылынбайт | Пландар иштелип чыкты жана бекитилди | ММСЖСМ, КФБ (макулдашуу боюнча), ЖМК |
Өлкө деңгээлинде футболду колдоо боюнча маалыматтык өнөктүктөрдү уюштуруу, жалпыга маалымдоо каражаттарында чагылдыруу аркылуу футболду жайылтуу | Жыл сайын | ММСЖСМ, КФБ, УТРК, ЭлТР | Маалыматтык өнөктүктөр үзгүлтүксүз жана жетиштүү санда өткөрүлөт | ММСЖСМ, КФБ (макулдашуу боюнча), ЖМК | ||
Ата мекендик телеканалдарда футбол беттештерин жана футболго арналган берүүлөрдү көрсөтүүнүн санын көбөйтүү | Жыл сайын | ММСЖСМ, КФБ, УТРК, ЭлТР | Футбол оюндары телеканалдарда жетиштүү санда көрсөтүлүүдө | ММСЖСМ. телеканалдар, КФБ (макулдашуу боюнча), | ||
Спорттук баяндамачыларды жана журналисттерди окутууну жана квалификациясын жогорулатууну уюштуруу | Жыл сайын | КФБ | Квалификациялуу баяндамачылардын жана журналисттердин саны жетиштүү | ММСЖСМ. КФБ (макулдашуу боюнча), телеканалдар, ЖМК | ||
Алдынкы спорт адистеринин, спортчулардын, коомдук ишмерлердин, күйөрмандардын катышуусу менен коомдук диалогду уюштуруу жана футболду позитивдүү чагылдыруу | Жыл сайын | КФБ, ММСЖСМ, УТРК, ЭлТР, телеканалдар | Футбол темасына арналган телеберүүлөрдүн жана ЖМКларда жарыялоолордун саны көбөйдү | ММСЖСМ, УТРК, ЭлТР, КФБ (макулдашуу боюнча), телеканалдар, ЖМК | ||
9.2 | Футболчу жана машыктыруучу кесиптеринин популярдуулугун жана аброюн көтөрүү | Футбол сезонунун жыйынтыгы боюнча журналисттик сурамжылоонун негизинде берилүүчү жылдын мыкты футболчусуна жана машыктыруучусуна Кыргыз Республикасынын Президентинин атайын сыйлыгын уюштуруу | Жыл сайын | Кыргыз Республикасынын Президентинин фонду | Атайын сыйлык уюштурулду жана жыл сайын Кыргыз Республикасынын Президентинин атынан тапшырылууда | ММСЖСМ, КФБ (макулдашуу боюнча) |