ОШ ШААРДЫК КЕӉЕШИ

ТОКТОМ

ОШ ШААРДЫК КЕҢЕШИНИН I СЕССИЯСЫ

 (VI ЧАКЫРЫЛЫШ)

2024-жылдын 27-ноябры № 5

Ош шаарынын жергиликтүү жамаатынын өкүлчүлүктүү жыйынын өткөрүү жөнүндө

Кыргыз Республикасынын Президентинин 2024-жылдын 29-августундагы Элдик Курултайды чакыруу жөнүндөгү Жарлыгынын негизинде, Ош шаардык Кеңеши токтом кылат:

1.2024-жылдын 7-декабрында саат 10-00дө Ош шаарынын мэриясынын чоң жыйындар залында Ош шаарынын жергиликтүү жамаатынын өкүлчүлүктүү жыйыны өткөрүлсүн.

2.Өкүлчүлүктүү жыйындын катышуучуларынын саны 300 деп белгиленсин.

3.Өкүлчүлүктүү жыйындын күн тартибине төмөнкү маселе киргизилсин:

1.2024-жылдын 20-декабрында өтө турган Элдик Курултайга делегаттарды шайлоо.

4.Ош шаарынын жергиликтүү жамаатынын өкүлчүлүктүү жыйынын уюштуруу жана өткөрүү боюнча жумушчу топтун курамы бекитилсин (тиркеме 1).

5.Муниципалдык аймактык башкармалыктарда жана Жапалак, Кызыл-Кыштак, Төлөйкөн айылдык аймактык башкармалыктарында Ош шаарынын жергиликтүү жамаатынын өкүлчүлүктүү жыйынына өкүлдөрдү шайлоо боюнча чогулуштарды өткөрүүнүн графиги, өкүлчүлүк чени жана чогулуштарды алып бара турган депутаттардын тизмеси бекитилсин (тиркеме 2).

6.Ош шаарынын мэриясына (Жетигенов Б.Ж.) Ош шаарынын жергиликтүү жамаатынын өкүлчүлүктүү жыйынына өкүлдөрдү шайлоо жана аны өткөрүү боюнча уюштуруу иштерин камсыздоо милдеттендирилсин.

7.Токтом мыйзамда каралган тартипте каттоодон өткөрүлсүн жана жалпыга маалымдоо каражаттарында жарыялансын.

8.Токтом жарыяланган күндөн тартып күчүнө кирет.

9.Токтомдун аткарылышын көзөмөлдөө Ош шаардык Кеңешинин аппарат жетекчиси И.Абдыраимовго жүктөлсүн.