КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2025-жылдын 12-марты № 157-т

Кыргыз Республикасынын Мамлекеттик чек арасынын кыргыз-тажик участогундагы айрым өткөрүү пункттарынын иштешин кайрадан улантуу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинетинин 2021-жылдын 21-майындагы № 12-б тескемесине төмөнкүдөй өзгөртүүлөр киргизилсин:

- 1-пунктта "Кайрагач-автожол", "Кызыл-Бел-автожол"," деген сөздөр алып салынсын;

- 1-1-пункт күчүн жоготту деп таанылсын.

2. Кыргыз Республикасынын Тышкы иштер министрлиги Тажикстан Республикасынын Тышкы иштер министрлигине Кыргыз Республикасынын Мамлекеттик чек арасынын кыргыз-тажик участогунда "Кайрагач-автожол", "Кызыл-Бел-автожол" өткөрүү пункттарынын иштеши кайрадан улантылгандыгы тууралуу кабарласын.