Кыргыз Республикасынын Министрлер Кабинетинин

илим, билим берүү жана инновациялар чөйрөсүндөгү

айрым чечимдерине өзгөртүүлөрдү киргизүү жөнүндө

Кыргыз Республикасынын Илим, жогорку билим берүү жана инновациялар министрлигинин борбордук аппаратынын ишинин натыйжалуулугун жогорулатуу жана түзүмүн оптималдаштыруу максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2021-жылдын 15-ноябрындагы № 264 «Кыргыз Республикасынын аткаруу бийлигинин мамлекеттик органдарынын жана Кыргыз Республикасынын башка мамлекеттик органдарынын, анын ичинде техникалык жана тейлөөчү персоналынын штаттык санынын чеги жөнүндө» токтомуна төмөнкүдөй өзгөртүүлөр киргизилсин:

1) жогоруда көрсөтүлгөн токтомдун 1-тиркемесинде:

– 10¹-пунктта «118» жана «62» деген цифралар тиешелүү түрдө «126» жана «54» деген цифраларга алмаштырылсын;

2) жогоруда көрсөтүлгөн токтомдун 5-тиркемесинде:

– эскертүүнүн 1-пунктунун 1-пунктчасынын жетинчи абзацы күчүн жоготту деп таанылсын.

2. Кыргыз Республикасынын Министрлер Кабинетинин 2025-жылдын 6-октябрындагы № 637 «Кыргыз Республикасынын Илим, жогорку билим берүү жана инновациялар министрлигине караштуу Жогорку аттестациялык комиссиянын маселелери жөнүндө» токтомуна төмөнкүдөй өзгөртүү киргизилсин:

жогоруда көрсөтүлгөн токтом менен бекитилген Кыргыз Республикасынын Илим, жогорку билим берүү жана инновациялар министрлигине караштуу Жогорку аттестациялык комиссия жөнүндө жободо:

– 5-пунктта «– министрдин орун басары» деген сөздөр алып салынсын.

3. Бул токтомду ишке ашыруу Кыргыз Республикасынын Илим, жогорку билим берүү жана инновациялар министрлиги үчүн тиешелүү жылга жана кийинки жылдарга каралган каражаттардын жана штаттык сандын чегинде жүзөгө ашырылат деп белгиленсин.

4. Бул токтом расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Министрлер Кабинетинин Төрагасы

А.А. Касымалиев