КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2025-жылдын 10-ноябры № 966-т

Мамлекеттик мүлктү натыйжалуу башкаруу максатында, Кыргыз Республикасынын Граждандык кодексинин 222, 251, 336-статьяларына, Кыргыз Республикасынын Министрлер Кабинетинин 2022-жылдын 29-июлундагы № 406 "Республикалык бюджеттен берилүүчү бюджеттик кредиттер менен иштөө жөнүндө жобону бекитүү тууралуу" токтому менен бекитилген Республикалык бюджеттен берилүүчү бюджеттик кредиттер менен иштөө жөнүндө жобонун 113, 129 пункттарына, "Кыргыз Республикасынын Министрлер Кабинети жөнүндөˮ Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Финансы министрлиги "Совместное Кыргызско-Индийское Предприятие "Кыргыз Аджанта Фарма Лимитед" жоопкерчилиги чектелген коомунун кредитордук карызын төлөөнүн эсебине кабыл алынган Кыргыз Республикасы, Бишкек шаары, Э.Матыев көчөсү, 89 дарегинде турган ампулаларды чыгаруу үчүн медициналык жабдуунун комплектин белгиленген тартипте мамлекеттин менчигине өткөрүп берсин.

2. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик ушул тескеменин 1-пунктунда көрсөтүлгөн медициналык жабдуунун комплектин андан кийин Кыргыз Республикасынын Саламаттык сактоо министрлигинин балансына өткөрүп берүү менен белгиленген тартипте мамлекеттин менчигине кабыл алсын.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.