УЛАХОЛ АЙЫЛДЫК КЕҢЕШИ

Т О К Т О М

ДЕПУТАТТАРДЫН УЛАХОЛ АЙЫЛДЫК КЕҢЕШИНИН

IХ ЧАКЫРЫЛЫШЫНЫН  ХVII СЕССИЯСЫНЫН

2026-ж. 13-август №112

Арал участогундагы 6 гектар жер аянтын муниципалдык менчикке кабыл алуу жана анын максаттуу багытын өнөр жай багытына өзгөртүүгө макулдук берүү жөнүндө.

________________________________________________________________________________

Кыргыз Республикасынын Жер кодексинин жана "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамынын талаптарына ылайык, айыл аймагынын экономикалык абалын жакшыртуу, инвестицияларды тартуу жана жаңы жумушчу орундарын түзүү максатында, ошондой эле Улахол айылдык кеңешинин агрардык, жер маселелери, экология жана кайра иштетүү боюнча туруктуу комиссиясынын корутундусун угуп жана талкуулап,   Улахол айылдык Кеңеши

                                                    ТОКТОМ КЫЛАТ:

1. Улахол айыл аймагына караштуу Арал участогунда жайгашкан 6 (алты) гектар жер аянты Улахол айыл өкмөтүнүн муниципалдык менчигине кабыл алууга макулдук берилсин.
2. Аталган 6 гектар жер аянтынын максаттуу багытын (категориясын) "Айыл чарба багытындагы жерлер" категориясынан "Өнөр жай, транспорт, байланыш, коргонуу жана башка максаттагы жерлер" категориясына өзгөртүүгө (трансформациялоого) макулдук берилсин.
3. Улахол айыл өкмөтүнүн башчысына төмөндөгүлөр милдеттендирилсин:

-        Жер аянтын муниципалдык менчикке кабыл алуу жана тиешелүү каттоодон өткөрүү боюнча мыйзам чегинде иш алып баруу;

-        Жердин категориясын өзгөртүү (трансформациялоо) боюнча жерге жайгаштыруу иш кагаздарын (землеустроительное дело) даярдап, Тоң райондук мамлекеттик администрациясына белгиленген тартипте сунуштоо.

1. "Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттигинин" Тоң филиалынан жогоруда көрсөтүлгөн жер аянтына тиешелүү укук белгилөөчү жана укук күбөлөндүрүүчү документтерди мыйзам чегинде даярдап берүүсү суралсын.
2. Бул токтомдун аткарылышын көзөмөлдөө жагы Улахол айылдык кеңешинин «Айыл чарба, жер, жайыт жана муниципалдык менчик маселелери боюнча» туруктуу комиссиясына жүктөлсүн.
3. Бул токтом кол коюлган күндөн тартып күчүнө кирет жана тиешелүү тартипте Кыргыз Республикасынын Ченемдик укуктук актыларынын мамлекеттик реестрине киргизүү үчүн жөнөтүлсүн.

       Төрага   К.Бейшеев